Ufunuri 13

1 Ikisa nimmona nyama mmoja akilawa mbahari. Ãkiwa nawo manyanga kumi na viswa saba. Kila lunyanga karikonga lemba, na viswa vyake vyandikiwa mazina a masemo a kukufuru. 2 Nyama wanimmonireâyo kanlanda suwi, maulu ake kanlanda dubu, na kanywa yake kanlanda simba. Anasi ire akingabizi nyama ire uwezo na mamulaka makulu a kutawala kamba waziri wake. 3 Kiswa kimoja ca noyo nyamaâyo cíkiwa kamba ciri na kijaraa kikulu futi cakuulaya, fala ciponesiwa! Wanu piya mulumwenguâmu watajabu pakulu, wakinfulata nyama ire. 4 Wakimwabudu anasi ire kwa kuwa kangabizi mamulaka nyama ire, na wamwambudu nyama ire, wakamba: “Nani aringana neyu nyamaâyu? Nani akidiri kutenda naye vita?" 5 Ikisa nyama ire akasiwa kusowera vinu vikulu-vikulu vya kukufuru, na kapewa mamulaka a kutenda kazi yake muda wa myezi arubaini na miwiri. 6 Iye akambula kanywa yake, akisowera masemo a kunkufurira Mwenyezimungu, akifezeyi zina ra Mwenyezimungu na Nyumba yake Takatifu, pamoja na piya wari mbinguni. 7 Nyama ire akasiwa kutenda vita na wanu watakatifu awashinde. Noyo kapewa mamulaka ataware kabilaâzi piya, wanu piya, luga piya, pamoja na mataifa piya. 8 Noyo nyamaâyo akuja kwambudiwa na wanu piya wa mulumwenguâmu, ware sawandikiwe mazina awo nKitabu ca Uhai tangu mwanzo wa ulumwengu. Eco kitabuâco mwanyewe ndi Kondoo aulaiwe. 9 Ãri na masikiro, asikire. 10 Wapangiriwe kufungiwa, wafungiwa. Wapangiriwe kuulaiwa na upanga, ibidi wolaiiwe na upanga. Epa ndi pakuwabidi watakatifu kuhitamili na kutumaini . 11 Ikisa nimmona nyama mwengine akilawa bara, akikwera. Ãkiwa nawo manyanga mawiri kamba a kondoo, fala akisowera kamba anasi. 12 Iye ákiwa nawo piya mamulaka sawaâsawa a nyama wananzire kummona ire. Akilazimisha ulumwengu pamoja na wanu wari kuinshi nomu wamwambudu nyama wakwanza ire, noire aponesiwe kijaraa cakuulaya ire. 13 Nyama wapiriâyu katenda maajuza makulu futi mbere ya wanu, anta na moto kesusa kulawa mbinguni ukisukira pansiâpa. 14 Kwa sababu ya maajuza asiwe kutenda kwa zina ra nyama wakwanza ire, wanu wa mulumwenguâmu iye kawatesa. Kawamuru wantende swanamu kamba nyama wakwanza ire, ákiwa na kijaraa ca upanga akiinshi ire. 15 Nyama ire kasiwa ammwesezere swanamu wawantendire wa nyama wakwanza ire ipate ampe mainsha asowere. Ikisa akamuru kuwa munu samwabudu noyo swanamuâyo onse ajuzi aulaiwe. 16 Nyama wapiri ire akiwalazimisha wanu: wakulungwa na wasimana, matajiri na wamasikini, walungwana na watwana, piya wataiwe alama nkono nriro au pacenye. 17 Na asiwepo munu wakukidiri kuuza wala wakuuzanya ikiwa aana noyo alamaâyo. Noyo alamaâyo íkiwa zina ra nyamaâyo au isabu ya kwitika zina rake. 18 Epa ndi paubidi wijiwifu. Ereriwa onse esabu mana a isabu ya noyo nyamaâyo, kamana isabuâyi mana ake zina ra munu. Na isabuâyi ndi miya sita na sitini na sita (666).