ZABURU 124

1 Laguna ziara. Zaburuna Daud. Ande mencuana o KAWASANA OPU mopobhawana tee ingkita taroakamo miana Israel apogau mboo sumai, 2 ande mencuana KAWASANA OPU mopobhawana tee ingkita wakutuuna mangahumbuni bhalita, 3 sumaimo manga incia mangadhoku takadhadhi-dhadhi wakutuuna o amarana manga incia akarore-rore to ingkita. 4 Sumaimo o uwena mawa mangapaampe, tee o siwuluna uwena umala momaranca mangapatondu, 5 sumaimo o uwe mokalua-lua sumai akangkanaimo ingkita. 6 Atopujimo o KAWASANA OPU, inda mangapasaraaka tamembali kinandena manga incia. 7 Ingkita talapamo mboomo manu-manu minaaka i katapuna manga pande pekaose. Katapu sumai amabhotumo, tee ingkita uka talapamo. 8 Katulungita aumba minaaka i KAWASANA OPU mopadhaangiana laiana tee alamu.