ROMANS 6
WBT1 Ukauźan, marii mooko pakawan washaźapaapan oiaźo, Tominkaru aida kizi powaźan kida waźati pakamunanun? 2 Aonaa turuu! Waunao mawakaźo pidan kawanuźoraźa naa oiaźo ati. Ukauźan aonaa turuu washaźapaapan pakawan zii oiaźo. 3 Uaitapanii waunao, chikaawunuu-kariwainaouz, Tominkaru zaamatin-kidanii Christ Jesus idaźati. Ukauźan, mawakaźo kawanuźo waunao uruu tuma. 4 Wachikaawunuu-kao dono, wamawakan naźiki wadida-kao kawanuźo Christ tuma. Ukauźan waDaru Tominkaru kadishita-kidan kawan Christ mawaka-karu diźiki, umanawunuźo pamaźozakan idaźan, naźapaźo nii kapam ukadishita-kidan waunao, paźinaźo mashaapa-karu diźiti. 5 Tominkaru baudaźapatan idi waunao Jesus Christ idaźati wamawakan idaźan uruu kawan, ukadishita-kidan nii kapam waunao ukadishita-kidan kawan Jesus Christ. 6 Naźiki waaitapanii, kiwiiniźoraz wakaduz mawakan naa Christ tuma cross diźii, turuu kizi oiaźo maźozakaźoraz ukaudinan waźidaźa mainaabata-kao. Uruu aonaa kizi powaźa oiaźo poitoruitapan waunao. 7 Ushaźapanum kauźan pidan mawakaźo, aonaa powaźa oiaźo poitoruitapan uruu. 8 Wamawakan idi Christ tuma, wamishida karikaonanuźo nii kapam wakakupan utuma. 9 Waaitapanii Jesus Christ kadishita-kida-kao mawaka-karu diźiki, naźiki aonaa naźapainim nii umawakauzon koshan. Aonaa naźapainim nii powaźa mawaka-karu zaamatan uruu. 10 Umawakan baukapa uwazoota-kinaa nii oiaźo aimaakan. Aizii kai kakupa uruu, naźiki umashaapan soo Tominkaru atiźi naa. 11 Ukauźan naźapa kapam udiźitinapa udauźu. Unao mawakaźo kawanuźoraźa naa oiaźo ati, mazan kakupaźoraźa naa paźan Tominkaru ati, uzaamatinpan idi Christ Jesus idaźati. 12 Ukauźan, aonaa utaapadaźanaźa oiaźo kazowautapan unanaa, wuruźu mawakauzoz. Aonaa ushaźapata-kidaźanaźa uźati ushaźapataźazoonii oiaźo aimaakan. 13 Naźiki aonaa ukashaapaźanaźa ushaźapauzin kida oiaźo ati, aimaakan dikaudaźo shaźapata-kinao nii. Mishiźoraiman, utaainaźa naa Tominkaru ati shaźapataźo nii kaimanaźo aimaakan. Ushaźapanum kauźan Tominkaru kakudaniźi naa unao mawaka-karu diźiki, paźinaźo kakupa-karu idaźati. 14 Aonaźa naa unaobanaitapaźanaźa oiaźo. Ushaźapanum kauźan aonaa umashaapan naa kakinaorii waranuźu, mazan Tominkaru kamunanun idaźaźoraźa naa umashaapan. 15 Ukauźan, marii mooko washaźapaapan oiaźo, aonaan idi wamashaapan naa kakinaorii waranuźu, naźiki wamashaapan idiźi naa paźan Tominkaru kamunanun idaźa? Aonaa turuu! 16 Uaitapanii kaimanaiman, pidan taainan dono poitorui nii, upoitoruitapa-kidinan wuru atiźi uizoźatiniaz panaobanaa. Naźapaźo kawanuźo unao, unaobanaitapan dono oiaźo, ubuuta-kao karikaonanuźo mawaka-karu diźiti; oo, uizoźatipan dono Tominkaru, udakotan unao, kaimanaźo pidannao nii. 17 Mishi, kiwiin zii upoitoruitapa-kidinan oiaźo ati, mazan aizii, kaimanaiman unyukunuu iki uizoźatin utominapa-kida-kinao. Uruu idi Ƶkonaukii-kidan Tominkaru udauźan. 18 Tominkaru muudin-kidaniźi naa unao oiaźo ai, aizii Tominkaru poitoruźu naa unao, kaiman kidaźoraźa naa paźan aimaakan ushaźapaapan. 19 Ćkaiwaan parada-karu ipai kamoźo ukaiwauzo-kao, Ƶkainaabata-kinaa nii Tominkaru dauaźo kuwai, udadaran idi uźati. Kiwiitapa, ukaiwaapan unanaa madoronaa-daun naźiki ushaźapatan iriba oiaźo aimaakan. Aizii naźapaźa naa utaa unanaa ipai daunuudaźu shaźapataźo nii kaimanaźo naźiki sakitapaźo aimaakan, Tominkaru aipan kawanaźati. 20 Oiaźo poitoruitapan dono zii unao, aonaa ushaźapataźazon kaimanaźo aimaakan. 21 Kanom mooko kaimanaźo nii uikoda ushaźapaapauzonii kida idaźan, ukibaźazoo-kidaniaz naa kai? Naźapa kidaźo aimaakan shaźapaapa-kao idaźan pidan ikoda karikaonanuźo mawaka-karu. 22 Mazan unao, Tominkaru muudin-kidaniźi naa oiaźo poitoruitapan ai, aizii Tominkaru poitoruźu naa unao. Uruu idiźo ukaminkaźutan unao, umashaapa-kinaa nii kaiman naźiki sakitapa, naźiki utaan uźati karikaonanuźo kakupa-karu. 23 Ushaźapanum kauźan oiaźo shaźapata-kao winipinaa karikaonanuźo mawaka-karu. Mazan Tominkaru taanii mawinipinaa-daun karikaonanuźo kakupa-karu, wazaamatinpan idaźan Christ Jesus wanaobanaa idaźati.