ROMANS 2

WBT

‹ Chapter 1 ROMANS — All Chapters Chapter 3 ›

1 Aizii pugaru, dakota�oraz ba�oran pidan oia�o nii, na�iki pukian an udau�an: sakitapa�o wuru�u Tominkaru pataka�utanuz uruu. Pudau�ati�o kapam wuru�u puna�apanuz. Usha�apanum kau�an, na�apa�o kapam pugaru uruu kawan, pusha�apaapanii oia�o. 2 Na�iki waaitapa Tominkaru pataka�utan nii sakitapa�o ida�an ipai sha�apaapainao na�apa�o aimaakan. 3 Aizii pugaru, pudakotan ba�oran pidan oia�o nii, mazan upu�u pusha�apaapan uruu kaduz oia�o aimaakan kida. Pu�itiiman aona�o nii Tominkaru pataka�utan pugaru, upataka�utan dono sha�apaapainao oia�o? 4 Aonaa mooko pudi�itapan na�apam Tominkaru kamunanun manawun pu�ati? Pusha�apaapan pu�u oia�o, aonaa upataka�utan pugaru sariapa, na�iki utaan dobata amazada pu�ati, upataka�utan ua�ii pugaru? Aonaa mooko puaitapan Tominkaru kamunanunuz manawun pu�ati uaipan idi�o putanawatinan pu�oian ai? 5 Mazan dikintapa pugaru, aonaa pumuuda�azon pusha�apaapan oia�o. Ukau�an, puaipan ati�o wuru�u puto�oradanuz Tominkaru powa�a zii pu�ati, upataka�uta-kinaa nii pugaru wuru kamoo dono�o upataka�utanuz naa sha�apaapainao oia�o. Uruu dono, ipai�o nii pidannao aitapan sakitapa�o ida�ana�o Tominkaru dakotan pidan, oia�o pidan nii, oo kaimana�o pidan nii. 6 Tominkaru kawinipinaatan nii ipai waunao, washa�apatan kawana�ati aimaakan. 7 Kaina�a pidannao, aonaa ĩkashadinan pasha�apaapan kaimana�o aimaakan. Na�apa�o ida�an ĩkainaabatan mishi�o ĩaipan Tominkaru naubaan na�iki utaapan ĩdyaun umanawunnao nii, na�iki utaa kizi ĩ�ati karikaonanu�o kakupa-karu. Ĩnao ati�o nii Tominkaru taan karikaonanu�o kakupa-karu. 8 Mazan pidannao sha�apaapainaouz aimaakan panyukunuu aipan kawana�ati, dikintapainaouz mishi�o kakinaorii, na�iki sha�apaapainaouz pa�atiaaka oia�o aimaakan. Ĩnao ati�o nii tuukii Tominkaru to�oran, na�iki tuukia�o nii upataka�utan ĩdyaun. 9 Ipai pidannao sha�apaapa�oraz oia�o aimaakan kida, ĩbaiaapan nii kasha�ora�o na�iki kaziwa�o. Aitaniimana�o nii Jewnao baiaapan kasha�ora�o, na�iki Gentilenao, na�apa�o nii ĩbaiaapan kapam. 10 Mazan pidannao sha�apaapa�oraz kaimana�o aimaakan, ĩnaou�o nii Tominkaru naubaa. Utukapan nii ĩdyaun umanawunnao nii, na�iki utaan nii ĩnyukunuu kaiman-kinaa nii. Aitaniimana�o utaan Jewnao nyukunuu kaiman-kinaa nii, na�iki Gentilenao, na�apa�o nii utaan ĩ�ati kapam. 11 Usha�apanum kau�an, Tominkaru ati aonaa na�ia�oram pidan powa�a�o umanawunun pairiban ai. 12 Aizii Gentilenao, aonaan pu�u ĩaitapan kakinaorii Tominkaru dyuudaniaz Moses ida�an. Mazan ĩsha�apatan an oia�o, upu�a�o nii Tominkaru pataka�utan ĩdyaun. Aizii Jewnao, ĩaitapanii pa�an wuru�u kakinaoriiz, ukau�an, ĩsha�apatan an oia�o, Tominkaru pataka�utan nii ĩdyaun ĩdikintapan idi paaitapanii kakinaorii. 13 Usha�apanum kau�an, aonaa Tominkaru dakotan pidan kaimana�o pidan nii, ĩaitapan idi kakinaorii, mazan ĩizo�atin idi pa�an kakinaorii. 14 Aizii Gentilenao, aona�oraz ĩaitapan Tominkaru kakinaori. Mazan ĩsha�apatan an sakitapa aimaakan panyukunuu kowaadan kawana�ati, na�apa�o kainaabata ĩaitapan panyukunuu ii kaimana�o aimaakan, na�iki oia�o aimaakan. 15 Pidannao na�apa�oraz ĩkaduz, kaina�a�o kawanu�o Tominkaru kakinaori saadinpan ĩnyukunuu ii. Ĩnyukunuu kowaada kapam mishi�o wuru�u na�apa�oraz. Usha�apanum kau�an, panaadon ĩnyukunuu kowaada ĩ�ati ĩsha�apatan kaimana�o aimaakan, na�iki panaadon, oia�o aimaakan. 16 Ukau�an, ipai�o nii kaikapa kida�o aimaakan sha�apan wuru kamoo dono�o, Tominkaru dyuudanuzu naa Jesus Christ tiwaa-kidapan na�iki upataka�utan pidannao, ĩdizapanii kida padi�itinpan kawana�ati. Kaikapa�o wuru�u Kaimana�o Kuwai õkowaadapaniaz. 17 Aizii pugaru, pudakotinpan Jew nii, tuukii punyukunuu kakinaorii dau�ati. Pu�atadinpan, na�iki pukian: waunao Tominkaru pidanannao manawun. 18 Puaitapa kanom Tominkaru aiapanii pusha�apatan. Na�iki tominapa-kida-kariwai pugaru kakinaorii dau�u, pusha�apata kizi sakitapa aimaakan. 19 Puzauda-kidan turuu pukainaabatan na�apam Tominkaru aipan mashaapa-karu, wunao ati�i ishaawun kawanuinaouz. Na�iki puzauda-kidan kanada�o kawanu�o pugaru wunao ati�i maruta�o ida�a�o kawanu�oraz ĩmashaapan. 20 Na�iki puzauda-kidan turuu pukakinaotan pidannao, maaitapin-kainao kawanu�oraz. Na�iki puzauda-kidan turuu putominapa-kidan koraiziannao kawanuinaouz pidannao. Usha�apanum kau�an, kakinaorii di�iki�o puaitapan ipai wuru�u aitapa�azoo-kariwaiz Tominkaru dau�u, na�iki mishi�o dau�u. 21 Mishi putominapa-kida pidannao Tominkaru kakinaori dau�u. Kandii nii mooko aonaa putominpan puizo�atin wuru�u kakinaoriiz? Pukian pidannao ati: Aonaa ukoidapa�ana�a. Aizii pugaru, aonaa mooko pukoidapan? 22 Pukian pidannao ati: Aonaa uba�orantapa�ana�a umin-mazidan kaina�an pu�u. Aizii pugaru, aonaa mooko puba�orantapan? Pukachama�idin ba�oran kaduz pidannao tomanii ai patominkarun nii. Aonaa mooko pukoidapan kawinipinaa kida�o aimaakan ĩtoriinpauz-kizi dapunaa iki? 23 Pu�atadinpan, Tominkaru taan idi unao ati pakakinaori Moses ida�an. Aonaa mooko pidannao paradan dikauda Tominkaru dau�an, pudikintapan idi ukakinaori? 24 Na�apa usaadinpan Jewnao dau�an Tominkaru Paradan ida�a: “Unao sha�apatan idi�o oia�o aimaakan, Gentilenao dakoopan Tominkaru." 25 Kaimana�o wuru�u chootin-karuz, puizo�atin an Tominkaru kakinaori. Mazan pudikintapan an kakinaorii, na�apa�o pugaru Gentilenao kawan, aona�oraz ĩchoota-kao. 26 Ukau�an na�apa kapam Gentilenao, aona�oraz ĩchoota-kao padamata, ĩizo�atin an kakinaorii. Tominkaru tukapan nii ĩdyaun papidanannao nii na�apa choota-kariwainao kawan. 27 Pidan aona�oraz padamata uchoota-kao, mazan upu�u uizo�atin Moses saadanii kakinaorii. Ĩdakotan nii Jewnao oiainao nii, ĩdikintapan idi wuru�u kakinaoriiz, usaada-kao pu�u ĩnao ati, na�iki ĩchoota-kao pu�u padamata. 28 Usha�apanum kau�an aonaa mishi�o mani Jew uruu, udaru na�iki udaro Jewnaoun idi, oo uchootinpan idi Jewnao kakinaorinaa kawana�ati. 29 Mazan pidan mishi�oraz manawun Jew, uruu wuru�u sakitapa�oraz pa�an udi�itinpan. Ukau�an, mishi�oraz manawun chootin-karu, usha�apata-kao pidan nyukunuu ii, aonaa unanaa ida�a mani. Saada-kariwaiz kakinaorii, aonaa upana�adan pidan nyukunuu. Kaimana�o Doronaa wuru�u pana�ada�oraz pidan nyukunuu, na�iki Tominkaru wuru�u nauba�o ni�oraz uruu, aonaa pidan mani.

‹ Chapter 1 ROMANS — All Chapters Chapter 3 ›

ROMANS 2

Cite / Share This Page