ROMANS 14
WBT1 Konaukii udapaapa mishidainao aonaźoraz zii Ä©mishidapan maźozakan. Manaźa ukashadaakapaźanaźa Ä©tuma, Ä©mishidapan idi panaźa unao ai. 2 Panaadon kainaźa pidannao, aonaźoraz zii Ä©mishidapan maźozakan, Ä©źitiiman aonaa Tominkaru taapadan dunai nika-kao, uruu idi Ä©nikan soo paowa-kariwai karikaonan. Naźiki kainaźa baźoran mishidainao, Ä©aitapa turuu panikan kanom kaduz karikaonan wanyukunui. 3 Pidan nikaźoraz kanom kaduz karikaonan wanyukunui, aonaa kizi paźi udakoopan wuruźu aonaźoraz unikan dunai. Naźiki pidan aonaźoraz unikan dunai, aonaa kizi paźi udakotan oiaźo pidan nii, nikaźoraz kanom kaduz karikaonan wanyukunui. Ushaźapanum kauźan, Tominkaru zaamatanii uruu papidanan nii. 4 Kandii nii pudakotan baźoran pidan poitoru oiaźo nii? Unaobanaźo nii paźan kowaada ushaźapatan kaiman aimaakan, oo aonaa. Kaimanaźo nii ushaźapatan aimaakan, ushaźapanum kauźan maźozakaźo wuruźu wanaobanaa Tominkaruz, turuaźo ukaminkaźutan ushaźapatan kaiman pakaudin-kizi. 5 Naźapa kapam, kainaźa panaadon mishidaźo, utaapan pabiźi kida kamoo umanawunuźo nii baźoran kamoo kida ai. Mazan baźoran pidan ati, ipai kamoo naźapa kida paźidiwaru umanawunun. Marii ipai pidan aitapan kanom kaimanaźo aimaakan pashaźapatan nii. 6 Pidan taapaźoraz pabiźi kida kamoo umanawun nii, utaapan idiźo Tominkaru umanawun nii wuruźu. Aizii pidan nikaźoraz kanom kaduz karikaonan wanyukunui, unikanuz, utaapan idiźo kapam Tominkaru umanawun nii wuruźu. Ushaźapanum kauźan utoriinapanii Tominkaru ati panikanii dauźan. Naźapa kapam, pidan aonaźoraz unikan pabiźi kida wanyukunui, aonaa unikanuz, utaapan idiźo Tominkaru umanawun nii wuruźu, naźiki utoriinapanii kapam Tominkaru ati panikanii dauźan. 7 Aonaa naźiaźoram waunao mashaapan waźatiźo karikaonan. Naźiki aonaa naźiaźoram waunao mawakan waźatiźo karikaonan. 8 Wakakupan an, wanaobanaa Jesus Christ atiźo wuruźu wakakupanuz. Naźiki wamawakan an, waNaobanaa atiźo wuruźu wamawakanuz. Ukauźan, wakakupan an, oo wamawakan an, waNaobanaa idiwau waunao. 9 Uruu idiźo Jesus Christ mawakan naźiki ukakudan powaa iti, uruu kizi ipai pidannao, mawakainao naźiki kakupainao Naobanaa nii. 10 Aizii pugaru, nikaźoraz paowa-kariwai karikaonan, kanom nii pudakotan pumin-mishidan oiaźo pidan nii, unikan idi kanom kaduz karikaonan wanyukunui? Aizii pugaru kapam, nikaźoraz kanom kaduz karikaonan wanyukunui, kanom nii pudakoopan pumin-mishidan, umanikakan idi pabiźi kida wanyukunui? Ipaiźo nii waunao kadishitan Tominkaru kanaapu ii diinaźitiźi. Uruuźo nii paźan: “kaiman,” oo, “aonaa ukaimanan,” kii, washaźapatanii kida dauźan. 11 Tominkaru Paradan saadinpaźo kian: “‘Mishi Ƶkakupan idi,’ Naobanaa kian, ‘mishiźo nii ipai pidannao dawukan Ƶkanaapu ati, naźiki ipaiźo nii pidannao kowaadan, Ƶgaru wuruźu Tominkaruz.’" 12 Ukauźan ipai waunao, wakowaadan nii washaźapatanii dauźu Tominkaru ati. 13 Ukauźan aonaźa naa wadakotaźanaźa wamin-mishidan oiaźo pidan nii. Mazan mishiźoraiman, watomaźa naa wanyukunuu aonaa kizi washaźapatan aimaakan pozawata-kidaźo nii Ä©dyaun oiaźo diźiti. 14 Ćzaamatinpan idi waNaobanaa Jesus Christ idaźati, Ƶaitapa kaimanaiman aonaa naźiaźoram wanyukunui oiaźo Tominkaru ati unika-kao an. Mazan pidan zauda-kidan an oiaźo Tominkaru ati unika-kao wuruźu wanyukunuiz, aizii unikan anaz, oiaźo wuruźu ushaźapataniaz. 15 Pukashaźoradan an pumin-mishidan nyukunuu punikan idi wanyukunui, aonaźoraz uzauda-kidan ukaimanan unika-kao, aonaa pumarainpan mani uruu wuruźu. Aonaa puźoiaźanaźa pumin-mishidan nyukunuu punikan idaźan wanyukunui aonaźoraz uzauda-kidan ukaimanan unika-kao, uruu dikin iaźo Christ Jesus mawakan. 16 Aonaa putaapadaźanaźa kaimanaźoraz puźitiiman pushaźapatan aimaakan, kaunamanaata-kao dikaudaźo nii. 17 Ushaźapanum kauźan Tominkaru naobanaitapa-kao, aonaa aimaakan nika-kao, oo tuza-kao diźiiźakaźo mani. Mazan mashaapa-karu sakitapa, kaiman, naźiki konaukii, Kaimanaźo Doronaa kaminkaźutan idaźan waunao. 18 Pidan kaudinan an naźapa Christ ati, kaimanaźo nii Tominkaru ati. Naźiki kaimanaźo nii pidannao paradan udauźan. 19 Ukauźan, marii karikaonan watiwaa washaźapatan kaimanaźo aimaakan, wamashaapa kizi kaiman wamin-mishidannao tuma, naźiki wamaźozakada kizi Ä©nyukunuu. 20 Aonaa pupatakaźuaźanaźa Tominkaru shaźapataniaz mishidaźo nyukunuu ii, punikan idaźan wanyukunui. Ipai wanyukunui turuaźo unika-kao. Mazan dikaudaźo wuruźu pidan nikanuz wanyukunui pawaota-kida-kinaa nii pamin-mishidan oiaźo diźiti. 21 Ukauźan sakitapaźo aimaakan shaźapata-kao: aonaa punikaźanaźa wanyukunui, oo putuzaźanaźa maźozakaźo riwunii, oo pushaźapataźanaźa aimaakan pumin-mishidan waota-kinaa nii oiaźo diźiti. 22 Ukauźan naźapaźoram pumishidanii, soo Tominkaru ati puparada udauźan. Pidan shaźapatan an paaitapanii kaimanaźo aimaakan, naźiki unyukunuu kowaadan an uźati aonaa oiaźo mani wuruźu ushaźapataniaz, konaukiaźo pidan uruu. 23 Mazan pidan zauda-kidan an aonaa ukaimanan unika-kao wuruźu wanyukunuiz, mazan upuźu zii unikanuz, oiaźo Tominkaru ati wuruźu naźapaźoraz, unikan idi wanyukunui aonaźoraz uzauda-kidan ukaimanan. Ushaźapanum kauźan, oiaźo wuruźu pidan shaźapatanuz aimaakan aonaźoraz uaitapan kaimanaiman, kaimanaźo oo oiaźo wuruźu pashaźapataniaz.