REVELATION 17

WBT

‹ Chapter 16 REVELATION — All Chapters Chapter 18 ›

1 Udauna�an bauda�apa angel, 7 angelnao bii iki�o kaawan õ�ida�ati, ĩnao tawuru�u zaamatapauzonaouz 7 boon kida paida�oraz da�i pataka�utin-kinai kida idi, na�iki ukian õ�ati, “Da�ati�i, õaida-kida kizi pu�ati na�apam nii Tominkaru pataka�utan wuru�u umanawun-tinpa�oraz zun ikoda�oraz puraata pananaa ida�an. Oroo wuru�u umanawunu�oraz donoi mashaapa�oraz maonapa iriba�o wa�ozinao dazaba�a. 2 Ipai kingnao, imi�i baara ainao, iriba ĩsha�apatan oia�o ĩkiaapan ida�an oroo, na�iki ipai pidannao imi�i baara ainao po�idin otaanii wine idi, uruu wuru kawanu�orazu�u okiaapa-kidinan madoronaa-daun ĩ�ati." 3 Tominkaru Doronaa kazowautan idi õgaru, angel na�aka�akan naa õgaru amazada mapidantaka�o di�iti. Na�ii õtukapan zun sakanatapan wuza�o kichana�iki-kia�o pana�aokazi paawa�a, na�iki kaina�a saadinpa�o uuai kida ipai umada ida�an dakoopa�o Tominkaru. Wuru�u kichana�iki-kia�oraz pana�aokazi kaina�a 7 uzowau na�iki 10 u�ozoo. 4 Wuru�u zunaz okaiwaadapanii kamicha kida wuza za�o na�iki wuza�o, na�iki okonaunamadan pakamichan, na�iki pamada gold idi�o utoma-kao kida idi, kawinipina�o kuba kida pabi�inaaka�o ĩtaan kida idi, na�iki pearls kida idi. Paka�u ida�a ozaamatapan koopo gold idi�o utoma-kao, paida�o wine idi, uruu wuru�u kachama�idiikii kida�oraz osha�apatan kida okiaapa-kidinuz pabi�inaaka�o daonaioranao ati. 5 Kaina�a otawu ida�a uuai saadinpan aona�o uaitapa-kao. Kaikapa�ora�a: “Manawunu�o donoi Babylon, pugaru selliipauzonao pananaa, na�iki sha�apaapainao oia�o tuukii manawun daro, da�a�a imi�i baara�a." 6 Na�iki õtukapa opo�idin Tominkaru pidannao izain idi, na�iki wunao izain idi�i zowiauzo-kariwainaouz pamishidan idi Jesus. �tukapan idi osha�apatan aimaakan kaikapa�a, tuukii õdi�itinpan. 7 Angel kian õ�ati, “Kanom nii pudi�itinpan tuukii? �kowaadan nii pu�ati aona�oraz uaitapauzo-kao wuru dau�a�a zunaz na�iki wuru�u kichana�iki-kia�oraz pana�aokazi ozaidapaniaz, uruu wuru�u kaina�oraz 7 uzowau na�iki 10 u�ozoo. 8 Wuru�u kichana�iki-kia�oraz pana�aokazi putukapaniaz kakupauz da�izu kiwiin, mazan aizii aona�a naa ukakupan, maonapa�o ni�i naa ukoditan ka�unaru aona�oraz utokon nii nazo iki upataka�uta-kidina�anan naa. Kaina�a pidannao mashaapainao da�a�a imi�i baara�a, aona�o ĩ�uu kida saadinpan kakupa-karu kaaritannaa ida�a amazada toma-kao ua�ii, tuukia�o nii ĩdi�itinpan wuru dau�a�a kichana�iki-kia�oraz pana�aokazi, ukakupauzon idi da�i kiwiin, aizii aona�a naa ukakupan, mazan uwa�atin nii powaa ati koshan. 9 “Da�a�a uaiapanii aitapaaba-karu. Wuru�u 7 kichana�iki-kia�o pana�aokazi zowau, 7 naawaz wuru�u. Ĩnao paawa�a kida�a wuru�u zun sakanatapanuz. Ĩnao 7 kingnao kapam: 10 baka�iauda�u ĩdyaun mawaka�a naa, bauda�apa kaina�a ukazowautapan kai, ba�oran kaini�iki�o nii zii uwa�atin. Ukaawan dono aona�o nii ukazowautapan kotua�iki. 11 Wuru�u kichana�iki-kia�oraz pana�aokazi kakupa�oraz da�i kiwiin, aizii aona�a naa ukakupan, uruu kapam wuru�u 8th king ni�oraz. Uking-tinpan nii itamau, uruu 7 kingnao bii iki�o kapam. Uruu dauna�an upataka�uta-kao ni�i naa. 12 “Wuru�u putukapaniaz 10 u�ozoo, ĩnao wuru�u 10 kingnaouz, aona�oraz zii ĩkazowautapan, mazan ĩma�ozakan taa-kao dono�o naa, ĩkazowautapan nii masakauda�u karikaonan, kichana�iki-kia�oraz pana�aokazi tuma. 13 Ipai�o nii ĩbauda�apatan padi�itinpan, ĩtaan nii baokopa pama�ozakan na�iki pakazowautapan kichana�iki-kia�o pana�aokazi ati. 14 Baokopa�o nii kingnao na�iki kichana�iki-kia�o pana�aokazi mizaapan Kaznizo-dani, mazan Kaznizo-dani na�iki udapadaniinao, uwidauniinao, na�iki uda�anpikinao mishidainaouz uruu, winian nii ĩdyaun, usha�apanum kau�an uruu ma�ozaka�o Naobanai nii ipai ba�oran naobanainao ai, na�iki umanawunu�o king nii ipai ba�oran kingnao ai." 15 Angel kian õ�ati kapam, “Wuru�u iriba�o wa�ozinao, zun selliipauzoz pananaa sakanatapa kiziz, ĩnao wuru�u pidannao, mashaapa�oraz ipai amazada kawana�ati da�a�a imi�i baara�a. 16 Wuru�u kichana�iki-kia�oraz pana�aokazi na�iki 10 ozoi kida putukapaniaz, to�ora-kizaitapan nii wuru�u zun selliipauzoz pananaa. Ipai�o nii ĩzaamatan osha�apauz kida na�iki ĩwa�akan niizo makamichan-daun, na�iki ĩnikan nii odunaa na�iki ĩkawaodan nii oroo tikazi idi. 17 Tominkaru taan nii ĩ�ati ĩdi�itinapa-kinaa nii ĩsha�apata kizi uaiapanii, uruu idi baokopa ĩtaan pama�ozakan kichana�iki-kia�o pana�aokazi ati ukazowautapa-kinaa nii, atii Tominkaru paradan mishiinan. 18 Wuru�u zunaz putukapaniaz, oroo wuru�u udaru�oraz donoi kazowautapa�oraz ipai kingnao imi�i baara�a."

‹ Chapter 16 REVELATION — All Chapters Chapter 18 ›

REVELATION 17

Cite / Share This Page