REVELATION 13

WBT

‹ Chapter 12 REVELATION — All Chapters Chapter 14 ›

1 Udauna�an õtukapa bauda�apa kichana�iki-kia�o pana�aokazi koditan paran baoko iki. Kaina�a 10 u�ozoo na�iki 7 uzowau; ipai u�ozoo kida kawana�ati kaina�a king kowam kaduz kida, na�iki ipai uzowau kida kawana�ati kaina�a uuai saadinpan dakoopa�o Tominkaru. 2 Wuru�u kichana�iki-kia�oraz pana�aokazi aidinpan na�apa baudokoru kitannaaru kawan, ukidiba kida udaru na�apa bear kidiba kida kawan, na�iki udako na�apa lion dako kawan. Dragon taan naa wuru�u kichana�iki-kia�o pana�aokazi ati pataba na�iki pama�ozakan na�apa kizi ukazowautapan paugaru kawan kapam. 3 Bauda�apa kichana�iki-kia�o pana�aokazi zowau, tuukia�o uzowiauzo-kao, mazan manaka�a naa powaa itiz. Uruu idi ipai pidannao imi�i baara ainaouz tuukii ĩdi�itinpan, na�iki ĩda�anan naa wuru�u kichana�iki-kia�oraz pana�aokazi. 4 Ipai pidannao taapan umanawunu�o nii wuru�u Dragon, utaan idi pama�ozakan kichana�iki-kia�o pana�aokazi ati. Na�iki umanawun nii kapam ĩtaapan kichana�iki-kia�o pana�aokazi. Ĩkian, “Aonaa kanom ma�ozaka�o nii uruu kawan. Kanom ka�iita pawiniinuz, pamizaataakan ida�an utuma?" 5 Uruu dauna�an wuru�u kichana�iki-kia�oraz pana�aokazi ma�ozakan taa-kao u�atadinapa-kinaa nii na�iki na�apa�o kida ida�an udakoopan Tominkaru. Ukazowautapan taa-kao 42 kauzu. 6 Udakoopan Tominkaru, u�uu, umashaapa-kizi na�iki ipai mashaapainao aokazi ii. 7 Taapada-kao umizaapan Tominkaru pidanannao na�iki uwinii ĩdyaun pama�ozakan ida�an. Na�iki taapada-kao ukazowautapan ipai pidannao, ipai bakadun kidaz ĩdokozu-daunnao kida, ĩwiizi, ĩparadan na�iki ĩmada. 8 Ipai pidannao taapan umanawunu�o nii wuru�u kichana�iki-kia�o pana�aokazi. Ĩnao wuru�u pidannao aona�oraz ĩ�uu kida saadinpan kakupa-karu kaaritannaa ida�a amazada toma-kao ua�ii. Wuru�u kaaritaz zowiauzo-kariwai Kaznizo-dani kaaritan wuru�u. 9 Puabatan an na�apam õkian, ukau�an puabata�a naa kaiwuru�u parada-karuz. 10 Na�ia�oram pidan aiapa-kariwai utaraa-kao, mishi�o nii utaraa-kao; na�ia�oram pidan aiapa-kariwai uzowii-kao marii idi, mishi�o nii uzowii-kao marii idi. Ukau�an marii kizi Tominkaru pidanannao tuudan papataka�uta-kao na�iki marii kizi pakawan ĩmishidapan uruu. 11 Uruu dauna�an õtukapa ba�oran kichana�iki-kia�o pana�aokazi koditan imi�i ka�azo iki. Kaina�a dya�utam u�ozoo kaznizo dani kawan, na�iki uparadan na�apa Dragon paradauzon kawan. 12 Na�iki na�apa koshan uma�ozakan kiwiitapa�o kichana�iki-kia�o pana�aokazi kawan na�iki na�apa usha�apatan aimaakan kida uaipan kawana�ati. Uruu idi udyuudan ipai imi�i baara anainao pidannao taapan umanawunu�o nii wuru�u kiwiitapa�oraz kichana�iki-kia�o pana�aokazi, kakuda�oraz naa pazowii-kao dauna�an tuukii. 13 Na�iki uaidan umanawun kida�o aimaakan di�itinapa-kida�o pidannao atii uwaota-kida zii tikazi aokazi iki imi�i baara ati ipai ĩawunuutapan pu�u. 14 Na�iki ipai upozawata-kidan pidannao mashaapainaouz imi�i baara�a uaidan ida�an wuru�u umanawun kida�oraz aimaakan, kiwiitapa�oraz kichana�iki-kia�o pana�aokazi awunuutapan pu�u. Na�iki udyuudan ĩtoman aimaakan na�apa�o kiwiitapa�oraz kichana�iki-kia�o pana�aokazi kawan uaidinpan, uruu tawuru�u zowiauzo-kariwaiz tuukii, na�iki kakuda�oraz naa powaa iti. 15 Udauna�an uma�ozakan taa-kao unizoin-kidan wuru�u toma-kariwaiz aimaakan, na�iki turuu kizi uparadan kapam. Uruu idi udyuudan ipai pidannao aona�oraz ĩdawukan pa�ati zowii-kao. 16 Tuukii kichana�iki-kia�o pana�aokazi dyuudan ipai pidannao, pataka�utinainao na�iki manawun-tinpainao, kapuraatanu�o na�iki mapuraatanu�o, poitorui na�iki aonaa poitorui mani kainaabata-kidinan padiwa�ora antanpu�o paka�u kida ida�a oo pataawu kida ida�a. 17 Na�iki aonaa turuu pidan toriinan oo selliipan sha�apauzii, kainaaribai aonaan an u�ida�a, uruu wuru�u kiwiini�oraz kichana�iki-kia�o pana�aokazi uuaz, na�iki uruu wuru�u u�uu aitaapa-kinaoaz. 18 Da�a�a uaiapa aitapaaba-karu, kanom aitapaaba�o marii kizi uaitapan kichana�iki-kia�o pana�aokazi uu aitaaribanaa, usha�apanum kau�an uruu kainaabata�oraz pidan uu kapam, wuru�u 666 kia�oraz.

‹ Chapter 12 REVELATION — All Chapters Chapter 14 ›

REVELATION 13

Cite / Share This Page