MARK 12

WBT

‹ Chapter 11 MARK — All Chapters Chapter 13 ›

1 Udauna�an Jesus paradan ĩ�ati di�itinapa-kinai kuwai ida�an, “Kaina�a da�i pidan paowa�o grape baawu, ukoraratanuzu, ukichadan ka�unaru kuba ida�a pasararoo-kizi nii grape uu, na�iki utoman dokoa�o kabaun watchmantapa-kizai ni�o. Udauna�an uzaamatan pidannao awunuutapainao nii grape baawu. Uruu umakon naa ba�oran wiizai iti. 2 Grape karaoda-kao dono�o naa, udyuudan naa bauda�apa papoitoru awunuutapainao grape baawu di�iti, pa�idiwau grape dau�ati. 3 Mazan na�ia�a naa awunuutapainao grape baawu zaamatan wuru�u poitoruiz, ĩba�izian naa kapamazu, udauna�an ĩdyuudan powaa itizu kana�apan. 4 Udauna�an udyuudan naa ba�oran poitorui ĩ�idi�iti koshan. Awunuutapainao grape baawu ba�iziinuzu pazowau an kida tuukii, powa�a zii manawun kiwiitapa�o ai. 5 Udauna�an udyuudan naa ba�oran papoitoru, uruu ĩzowii aka sariapa. Na�apa ĩsha�apatan baokoinao kida, ĩba�iziautapan ĩdyaun na�iki ba�orainao ĩzowii. 6 Bauda�apa�a naa pidan kaina�a dyuuda-karu nii, naobanai dani umarainpaniaz manawun. Dawu�itiini�i naa udyuudan bauda�apa�o paudani daonaiora awunuutapainao grape baawu di�iti. ‘Aona�o nii ĩka�iitan pasha�apatanuzu,’ ukian. 7 “Mazan awunuutapainao grape baawu kian, ‘Aizii di�i naa kapaoriba�o dani�i. Kadiman, wazowiazu, wazaamata kizi grape baawu u�ai wa�idiwau nii!’ 8 Uru�u naa ĩzaamata�akan naaz, ĩzowian naaz, udauna�an ĩkabootan naa unanaa munapo grape baawu ai." 9 Udauna�an Jesus pishaan pidannao, ukian, “Na�apam nii uzauda-kidan kapaoriba�o sha�apatan ĩdyaun? Ipai�o nii uzowiankan wuru�u awunuutapainaouz grape baawu, udauna�an utaan nii baokoinao atiz. 10 Mishi, unao aitauzoni�i naa saada-kariwaiz kida Tominkaru Paradan ida�a kaikapa�a? ‘Wuru�u kuba tomapauzonao kabaun kashadaniaz, madiwautapa-ka�oraz ĩtukapan, uru�u naa mishi�oraiman umanawunu�o kuba ipai ba�oran kubanao ai. 11 Uruu Tominkaru kaudin-kizi wuru�u, umanawunu�oraz utukapa-kao.’" 12 Jewnao naobanaanao aitapa Jesus kadakotinan padau�u wuru�u ukaiwaanuz di�itinapa-kinai kuwai. Uruu idi ĩaipan padamata pazaamatan uruu, mazan ĩtarian iriba�o pidannao ai, uruu idi ĩmakon u�ai ĩwa�aka�akan naazu. 13 Uruu dauna�an Jewnao naobanaanao dyuudan Phariseenao na�iki Herod pidanannao Jesus di�iti, ĩtiwaa-kidapa�ananuzu, ĩabata�azon uparadan pana�itin. 14 Uruu ĩkaawan naa ĩkian Jesus ati, “Tiichaa, waaitapanii pugaru mishi�o puparadan, aonaa turuu pidan tanawatan pudi�itinpan. Umanawun-tinpainao paradan, aonaa punyukunuupan. Mazan mishi�o pa�an pukakinaopan Tominkaru aipan kawana�ati. Na�apa dii mooko wakakinaorinaa kian? Utaapada wataan tax puraatannaa kida naobanai Caesar ati, oo aonaa?" 15 Mazan Jesus aitapa ĩzaamikipa�azon karikaonan, ukian ĩ�ati, “Kandii nii utiwaa-kidapa�azon õgaru? Puna�aka õ�ati wizi�i�o puraata sodi, õtukapa kiziz." 16 Sariapa ĩna�akan bauda�apa puraata u�ida�ati. Upishaan naa ĩdyaun, “Kanom dikin, oo kanom uu kida diida�a�orazu�u?” “Naobanai Caesar wuru�u,” ĩkian. 17 Uruu idi Jesus kian, “Ukau�an utaa naobanai Caesar ati u�idiwau, na�iki utaa Tominkaru ati u�idiwau kapam.” Tuukii manawun ĩdi�itinpan Jesus dau�u na�apain. 18 Kaina�a Sadduceenao, aonaa ĩmishidan pidan kadishita-kida-kao nii pamawaka-kizi iki diina�iti�i. Ĩnao kaawan Jesus ida�ati, ĩpishaanuzu kaikapa�a: 19 “Tiichaa, Moses saadanii di�ora�a kakinaorii wa�ati. ‘Aizii pidan mawakan an, uwa�akan paudaiaro maudani-daun, marii pidan mawaka�oraz inawuzu mazidan otuma, ĩkaudani kizi mawaka�o dani nii.’ 20 Kaina�a 7 inawuzuinao. Kiwiin ĩtuuniz mazidan, mazan aonaa zii pu�u udaiaro kaudanin umawakan naa. 21 Uruu idi u�inawuzu udawu�iti�o zaamatan na�iki umazidan pa�inawuzu daiaro-daun tuma, mazan na�apa koshan umawakan, aonaa zii okaudanin pu�u. Udauna�an ba�oran u�inawuzu mazidan otuma, mazan na�apa koshan umawakan, aonaa zii okaudanin pu�u. 22 Ba�oran mazidan otuma na�apa koshan umawakan, udauna�an ba�oran, atii ipai u�inawuzunao mazidan otuma. Mazan ipai daunuuda�u ĩmawakan, na�iki aonaa bauda�apa ĩnao wa�aka�o nii paudani otuma. Atii ba�oran dono, omawakan naa kapam wuru�u ĩdaiaro daunuz. 23 Aizii pidannao kadishita-kida-kao dono pamawaka-kizi iki. Na�ia�oram nii daiaroitapa oroo? Usha�apanum kau�an ipai 7 daonaioranao mazidan otuma,” ĩkian. 24 Jesus dako�atin ĩdyaun, ukian, “Pakawan zii mooko aonaa uaitapan! Umaaitapakan idi�o saadauzo-kariwaiz Tominkaru Paradan, na�iki wuru�u Tominkaru ma�ozakanuz. 25 Mawakainao kadishitan dono kakupa-karu di�iti, Angelnao kawanu�o nii ĩdyaun aokazi ii. Aona�o nii powa�a mazida-karu na�ii. 26 �kowaadan nii unao ati aizii, mishi mawakainao kadishita-kida-kao nii. Aonaa mooko utukapauzon usaadinpan Moses kaaritan ida�a, tikazi tominan dono�oraz ko�ori�o kazamaka�o di�iki? Na�apa sha�atii usaadinpan Tominkaru paradauzon dono�oraz Moses ati, ukianuz, ‘�garu Abraham Tominkarun, Isaac Tominkarun, Jacob Tominkarun kapam.’ 27 Uruu kakupainao Tominkarun, aonaa mawakainao Tominkarun mani. Tuubaru�o ida�an manawun upozawatapan!" 28 Kaina�a tiichaapauzo Moses kakinaori dau�u, uabata wuru�u ĩkadakotinanuz. Utukapan idi kaiman Jesus dako�atin wuru�u Sadduceenao, sariapa uwa�atin Jesus ida�ati upishaanuzu, “Na�ia�oram dii umanawunu�o manawun kakinaorii ipai ba�orainao ai?" 29 Jesus kian, “Umanawunu�o manawun di�orazu�u, ‘Puabata, Israelitenao! Wuru�u Naobanai waTominkarunuz, soo uruu bauda�apa, Tominkaru. 30 Pumarainapa tuukii Naobanai wuru�u puTominkarunuz ipai punyukunuu iki, ipai pudoronaa ii, ipai pudi�itinpan ida�an, ipai puma�ozakan ida�an kapam.’ 31 Ba�oran udawu�ati�o umanawunu�o kakinaorii kaikapa�ora�a: ‘Pumarainapa ba�oran pidannao na�apa pumarainpan kawan punanaa.’ Aonaa ba�oran umanawunu�o nii manawun kakinaorii wuru kida aia�a." 32 Tiichaapauzo Moses kakinaori dau�u kian Jesus ati, “Kaiman Tiichaa! Mishi�o kaiwuru�u pukianuz. Uruu mishi bauda�apa�o Naobanai Tominkaru, aonaa ba�oran Tominkaru nii. 33 Na�apa�o mishi kaiwuru�u. Pumarainapa pa�i tuukii Tominkaru ipai punyukunuu iki, ipai pudi�itinpan ida�an, ipai puma�ozakan ida�an. Marii kizi kapam pumarainpan ba�oran pidan na�apa pumarainpan kawan punanaa. Uruu dya�utama�oraz kakinaorii, powa�a�o zii umanawunun, pidan taan ai kawaoda-kariwai uzai na�iki ba�oran kida aimaakan taa-kariwaiz Tominkaru ati�o ai,” ukian. 34 Jesus aitapa kaiman tiichaapauzo Moses kakinaori dau�u dako�atin paugaru, uruu idi ukian, “Aonaa pumunapon Tominkaru Naobanai-tinpan ai.” Uruu dauna�an ipai ba�orainao tarian papishautan ai uruu. 35 Jesus kakinaopan dono Tominkaru Dapu ii, ukian, “Kandii nii mooko tiichaapauzonao Moses kakinaori dau�u kian wuru�u Christ dyuuda�azoo-kariwaiz, David takaan-daunu�o nii wuru�u uruuz? 36 Kaimana�o Doronaa ida�ana�o tawuru�u David kiauzonuz kaikapa�a: Naobanai Tominkaru kian õNaobanaa ati, ‘Pusakanata da�a�a õdiwa�ora antanapu atii õmuudan putarubanao puwaranu�u.’ 37 “David dakotan pu�u uruu panaobanaa nii, na�apa di�i naa mooko udani-daun wuru�u uruuz?” Iriba pidannao kasaba�ukinpainaouz, konaukii ĩabatapan Jesus kuwaa. 38 Ukian naa koshan ĩ�ati, “Uzaudin pa�i wunao aia�a tiichaapauzonao Moses kakinaori dau�u. Ĩnaudapa pakaiwadapan pachi�ikapa-kizi kawana�ati dawuu za�aba�i kida�o kamicha. Na�iki ĩaipan pataapa-kao umanawun kida�o pidannao nii kasaba�uinapa-kizai ii kida. 39 Ĩaipan pasakanatan taapa-kariwai umanawun-tinpainao pidannao taba kida ida�a synagoguenao ii, na�iki ĩsakanata�azon kiwiin manawun kida�o tabai ida�a aroapa-karu dono. 40 Mazan upu�u ĩpataka�utan zunnao mawakainao ĩdaiarunao, ĩzaamatan ida�an ĩsha�apauz ĩdapu iki. Uruu dauna�an ĩaipan patukapa-kao kaimanainao nii patoriinpan ida�an dawuu kida. Na�apainao pidannao pataka�uta-kao nii tuukii manawun." 41 Jesus sakanatan Tominkaru Dapu ii maonapa puraata taapa-kizinao dazaba�a, uawunuutapan ipai pidannao paidan papuraatan unazo iti. Iriba kapuraataniinao taan dobata kida puraata. 42 Udauna�an mapuraatan-ziiwa maudaiaruiba taan dya�utam sodi isha�o puraata. Aonaa dobata�o mani wuru�u. 43 Udapadan patominapa-kidaniinao baokopa pa�ida�ati, ukian ĩ�ati, “�kowaadan nii u�ati di�ora�a mapuraatanu�o zun taan puraata kinnaa zo�iti powa�a zii manawun ipai ba�orainao ai. 44 Usha�apanum kau�an baokoinao taan, aonaa paaiapani�i naa mani puraata, mazan oroo pamapuraatanun pu�u, ipai otaan pataapanii sodi puraata pamashaapa-kinaa ni�o padamata."

‹ Chapter 11 MARK — All Chapters Chapter 13 ›

MARK 12

Cite / Share This Page