LUKE 8

WBT

‹ Chapter 7 LUKE — All Chapters Chapter 9 ›

1 Udauna�an Jesus makon naa, uchi�ikapan ipai donoi na�iki wiizai kida kawana�ati. Wuru�u uchi�ikapanuz ukowaadapan Kaimana�o Kuwai, Tominkaru naobanai-tinan daua�o. Aizii 12 utominapa-kidaniinaouz, na�ii�aka kapam ĩchi�ikapan utuma. 2 Na�iki zunnao, tawuru�u ukakudaniinao kidaz parinaa ai, na�iki ba�orainao ukakudaniinao oia�o doronai zaamatapan ai ĩdyaun, na�iti kapam pabi�i kida ĩnao makon, ĩkaminka�uupan Jesus na�iki wuru�u utominapa-kidaniinaouz. Mary, Magdala sanaaba, Jesus so�otaniaz 7 oia�o doronainao o�ai, oroo wuru�u kaminka�uupa�oraz ĩdyaun, 3 na�iki Joanna oroo Chuza kia�oraz odaiaru uu, kazowautapa�oraz pabi�i kida Herod poitorunao. Na�iki Susanna na�ii kapam, na�iki iriba ba�oran zunnao kida na�ii ĩtuma. Ipai ĩsha�apatan aimaakan, ĩtaan papuraatan, na�iki aimaakan sodi kida paaipan ati, pakaminka�uta-kinaa nii Jesus na�iki utominapa-kidaniinao. 4 Pidannao kaawan iriba, iriba Jesus ida�ati, na�iki iriba kapam ba�oran wiizai ikiinao kida kaawan. Aizii pidannao baokopatinan dauna�an, uru�u naa Jesus kakuwaapan naa ĩ�ati di�itinapa-kinai kuwai ida�an. 5 Ukian, “Bauda�apa kamoo pidan makon pazakapun iti upaowa�anan poroom uuda kida. Aizii kawiizii-kariwai baara an, uru�u naa upararaan poroom uuda. Pabi�i kida poroom uuda waotan chi�ikapa-kizai an, uruu idi ipai udakazaabi�ii-kao. Udauna�an kotu�uznao wa�atin na�iki ipai ĩnikan wuru�u uudai kidaz. 6 “Ba�oran uudai kida waotan kubata�o baawu an. Mishi kaiman padamata uudai soda�akan mazan aonaa na�itim u�ishataba�u zaamatinan, udauna�an kamoo wiicha�akan naa, uruu idi sariapa uaradan atii umaririn. 7 “Ba�oran uudai kida waotan kaiwada-karu ta�o baara an. Mishi kaiman padamata usoda�akan, mazan udauna�an, kaiwada-karu watuda�akan naa wuru�u pa�ina�oraz usodan kida. Uruu idi aonaa na�itim naa ĩdyaupain. 8 “Ba�oran uudai kida, kaiman pa�an ĩwaotan kawiizii-kariwai baara an. Uruu idi ziwu ĩsodan, udauna�an ĩkaaka�akan naa madowaaka kida pa�idiwaru, na�iki diri�i shinibaba kida u�aka. Bauda�apa�o ukadunaa di�iki, uikoda 100 u�aka diri�in.” Udauna�an Jesus kian naa pidannao ati, “Pukakinaon an puabata�a naa kakinaorii!" 9 Udauna�an Jesus tominapa-kidaniinao pishaan naa uruu, na�apa�oram manawun wuru�u di�itinapa-kinai kuwaiz, ukowaadaniaz ĩ�ati. 10 Uruu idi ukian ĩ�ati, “Soo unao ati�o nii ukainaabata-kao wuru�u di�itinapa-kinai kuwaiz, Tominkaru naobanai-tinan daua�oraz. Mazan wunao ati�i ba�orainao kidaz ukowaada-kao nii soo di�itinapa-kinai kuwai ida�an. Uruu idi ĩtukapan pu�u padamata wuru�u kadakotin-kizaiz, mazan upu�u aona�o nii ĩtukapanuzu. Ĩabatan pu�u padamatazu, mazan upu�u, aona�o nii ĩaitapan na�apa�oram wuru�u parada-karu kianuz. 11 “Kaikapa�a wuru�u di�itinapa-kinai kuwaiz,” Jesus kian ĩ�ati, “Aizii wuru�u uudai kidaz, Tominkaru paradan kida wuru�u. 12 Aizii wuru�u uudai kida waota�oraz chi�ikapa-kizai an, uruu pidannao dau�ana�o, wuru�u abatainao kidaz Kaimana�o Kuwai. Mazan udauna�an Satan kaawan ĩ�ida�ati, uruu idi sariapa umainaabatan ipai daunuuda�u ĩnyukunuu iki wuru�u Kaimana�oraz Kuwai kida. Usha�apanum kau�an aonaa uaipan ĩmishidan, na�iki aonaa uaipan ĩkazannaatinan pa�oian ai. 13 “Aizii uudai kida wuru�u waota�oraz kubata�o baawu an, uruu pidannao dau�ana�o, wuru�u konaukia�oraz ĩabatan na�iki ĩzaamatan padamata Kaimana�o Kuwai. Mazan aonaa ĩzaamatan tuukii panyukunuu iti wuru�u parada-karu kidaz. Uruu idi masakauda�u aimaakan dikauda�o sha�apa�akan ĩ�ati, uru�u naa ĩkashadina�akan, aona�a naa powa�a ĩmishidapa�akan. 14 “Aizii uudai kida wuru�u waota�oraz kaiwada-karu baawu an kida, uruu pidannao dau�ana�o, wuru�u abatainao na�iki mishidainao kidaz Kaimana�o Kuwai. Mazan ĩdi�itinpan aimaakan aiapa-kao dau�u, na�iki kasha�apauzi-karu dau�u, na�iki ĩaipaa-bi�ian ipai pabi�inaaka sodi kida�o aimaakan. Uruu idi ĩmanyukunuutan naa wuru�u kuwaiz. Na�iki aona�a naa ĩsha�apainpan kaiman kuwai kawana�ati. 15 “Aizii uudai kida wuru�u waota�oraz kaiman, kawiizii-kariwai baara an, uruu pidannao wuru�u abatainao na�iki zaamatainao kidaz parada-karu kaimanaiman manawun panyukunuu iti. Ĩizo�ati ipai parada-karu, uruu idi aonaa ĩkashadinan. Usha�apanum kau�an kaiman ĩnyukunuu dyaupain Tominkaru ati. Uruu idi kaiman mishi ĩmashaapan tukapa-kao. 16 “Aonaa na�ia�oram pidan suuauzon lamp, udauna�an utaratanuzu boon idi, oo umuudanuz bed waranu iti. Mishi�oraiman lamp suu-kao dono, umuuda-kao doko�o ukanadapa kizi kaiman. Aizii pidannao morotan an, kaimana�o nii ukanadapan ĩ�ati. 17 Na�iki ipai aimaakan dizapa-kariwai usha�apaapa-kao, ipai�o nii ukodita-kida-kao kainaabana�o-karu ati. Na�iki ipai aimaakan dizapa-kariwai ipai�o nii ukodita-kida-kao kanada�o-karu ati. 18 Ukau�an udi�itapa na�iki uzaamata unyukunuu iti wuru�u uabatanii kidaz parada-karu. Usha�apanum kau�an pidan kaina�a�o utaapan aimaakan panyukunuu ii, taa-karu nii u�ati powa�a zii. Aizii wuru�u pidan, aona�oraz utaan aimaakan panyukunuu iti, zaamata-karu nii u�ai ipai daunuuda�u wuru�u masakauda�u�oraz aimaakan utaapan panyukunuu ida�a." 19 Udauna�an Jesus daro na�iki u�inawuzunao kaawan ĩtukapa�azon uruu. Mazan aonaa na�itim ĩmaonapadinan udazaba iti, usha�apanum kau�an iriba manawun pidannao kasaba�ukinpan udazaba an kida. 20 Uruu idi bauda�apa pidan kian Jesus ati, “Kaina�a pudaro na�iki pu�inawuzunao kadishitapan paniba ii, ĩtukapa�azon pugaru." 21 Sariapa Jesus kian ipai pidannao ati, “�daro na�iki õ�inawuzunao pa�an wuru�u abatainaouz na�iki izo�atiinaouz Tominkaru paradan." 22 Bauda�apa kamoo Jesus paidinan kanawa zo�iti patominapa-kidaniinao tuma. Na�iki ukian ĩ�ati, “Aushaa wamako�o naa karishii baza iti.” Uruu idi ĩmako�okan naa. 23 Aizii ĩmakopaanan pu�u, Jesus da�awu�ukan naa kanawa zo�ii. Masha�apakiaka ma�ozaka�o awaru kaawan. Sariapa wunu paran kida daawadaan ĩkanawan, atii wunu paidina�akan naa ĩkanawan zo�iti. Maonapa�a naa kanawa tipitan. 24 Sariapa Jesus tominapa-kidaniinao makon u�idi�iti, ĩpokowauanuzu. Na�iki ĩkian u�ati, “Wanaobanaa! Wanaobanaa! Kadiman! Taa�azo�o naa wanaraan,” ĩkian. Udauna�an Jesus kadishita�akan, na�iki udyuudan awaru na�iki wunu paran mashaadinan. Sariapa mishi awaru na�iki wunu paran mashaadina�akan. 25 Udauna�an Jesus kian patominapa-kidaniinao ati, “Na�apa�oram mooko wuru�u umishidanuz?” Mazan tuukii ĩtarian, na�iki tuukii ĩdi�itinpan. Ĩkian pa�atiaaka kida, “Ei! Kanom kaduz pidan uruu? Udyuuda zii awaru na�iki wunu paran mashaadan, atii ĩizo�ati zii uparadan,” ĩkian. 26 Jesus na�iki utominapa-kidaniinao makopaanan karishii baoko an, atii ĩkaawan baza itinapu wiizai di�iti, Gerasa Baara kia�o u�uu, Galilee Baara pa�inamunu�oraz. 27 Aizii Jesus maratina�akan zii kanawa zo�iki, uru�u naa pidan, donoi iki�o, oia�o doronainao zaamatapanii kaawa�akan Jesus ida�ati. Kotua�iki�ora�a naa aonaa ukaiwadan kamicha, na�iki aonaa umashaapauzon kabaun ii. Umashaapan baaranai ii aka, kuba uun ii aka karikaonan. 28 Aizii utukapan Jesus, sariapa ukadako�okan, udauna�an ukodoru�ukan na�iki umapotinan Jesus kanaapu iti. Na�iki ukian diiwa�o ida�an, “Jesus, Tominkaru umanawunu�o dani, kanom puaipan õ�ai, na�apa dii pusha�apata�azon õgaru? Aonaa shoman pupataka�uta�ana�a õgaru,” ukian. 29 Wuru�u uparadanuz kaikapa�a Jesus dyuudan idi�o oia�o doronainao koditan u�ai. Kiwiin, mapudu�o da�i oia�o doronainao tuukiidauzonuzu. Pidannao tiwaan pu�u padamata padodowan ipai uanoba na�iki utaba�u chain idi, mazan sariaapa�o nii ubidita�akanuzu. Uruu dauna�an oia�o doronainao na�aka�akan ni�i naa uruu, mapidantaka�o amazada baara iti. Uruu wuru�u parada�oraz Jesus ati. 30 Jesus pishaanuzu, “Na�apa dii pu�uu?” “��uu Iribainao,” ukian. Ukowaadan pa�uu na�apa usha�apanum kau�an iriba, iriba manawun oia�o doronainao morotan naa u�idi�iti. 31 Na�apain tuukii oia�o doronainao pishaan Jesus, aonaa kizi udyuudan ĩdyaun ka�unaru nazo iti, aona�oraz utokon nii. 32 Na�ia�o iriba kooshinao aroapatinan naawazi za�an. Uruu idi oia�o doronainao pishaan Jesus tuukii. “Pukashaapa shoman wamorotan kooshinao di�iti,” ĩkian. Jesus kashaapa ĩmorotan kooshinao di�iti. 33 Uruu idi ĩkodita�akan naa pidan di�iki na�iki ĩmorota�akan naa kooshinao di�iti. Sariapa kooshinao dima�akan naa tawudapu an, na�iki ipai ĩwaotan karishii baoko iti. Uruu idi ipai ĩmawakan panaraan idi. 34 Aizii pidannao, wuru�u taapainaouz kooshinao tukapan idi wuru�u aimaakan sha�apanuz kaikapa�a, sariapa ĩdiman ĩkakuwaapa�anan. Uruu idi ĩkakuwaapan pidannao ati ipai donoi ii aka, na�iki kazakapuntinpainao ati donoi dawun ii aka. Ipai ĩkowaadan patukapan kawana�ati usha�apan. 35 Uruu idi iriba pidannao makon na�iti ĩtukapa�anan wuru�u kowaada-kariwaiz aimaakan sha�apan. Aizii ĩkaawan Jesus ida�ati, ĩtukapa pidan wuru�u so�ota-kariwaiz oia�o doronainao u�idi�iki, aona�a naa usha�apan, na�iki kaina�a�a naa ukaiwadapan kamicha. Kaiman usakanatapan Jesus dazaba�a, aitapina�a naaz, na�iki kaimana�a naa udi�itinpan. Uruu idi tuukii pidannao tarian. 36 Pidannao wuru�u tukapainaouz aimaakan sha�apan, ĩkakuwaapan naa ba�oran pidannao ati. Ĩkowaadan ĩ�ati na�apa�oram ukakuda-kao wuru�u oia�o doronai zaamatapaniaz pidan. 37 Uruu idi ipai pidannao kawiizi-tinpainao kidaz donoi Gerasa Baara an kida, tuukii ĩpishaan Jesus makon pawiizi iki. Usha�apanum kau�an tuukii manawun ĩtarian. Uruu idi Jesus paidinan naa kanawa zo�iti na�iki umako�okan naa. 38 Wuru�u pidan so�ota-kariwaiz oia�o doronainao u�idi�iki, tuukii upishaan Jesus. “�mako kizi putuma,” ukian. Mazan Jesus kian u�ati, 39 “Pukiwa�a naa shoman pudapu iti, pukowaada�an kizi�i naa na�apam Tominkaru sha�apatan kaimana�o manawun aimaakan pu�ati.” Uruu dauna�an pidan mako�okan naa. Aizii pamakopa-kizi donoi ii aka, ipai ukowaadan pidannao ati wuru�u Jesus sha�apataniaz pa�ati. 40 Aizii Jesus na�iki utominapa-kidaniinao kiwan karishii baza itinapu. Na�ii iriba pidannao dapaapan uruu, usha�apanum kau�an tomunu�ora�a naa ĩzaudapanuzu. 41 Udauna�an pidan Jairus kia�o u�uu kaawan Jesus ida�ati, uruu kazowautapauzo synagogue Jewnao ati pawiizi ii. Ukaawan, sariapa ukodoru�ukan, na�iki udawukan Jesus kanaapu iti ukidiba ida�a. Tuukii una�akan uruu padapu iti. 42 Usha�apanum kau�an, udani zun bauda�apauzo, 7 owunun, karinaan tuukii, maonapa�ora�a naa omawakan. Aizii Jesus makopaanan pu�a�a naa, iriba pidannao kasaba�uinan udazaba an. 43 Aizii pidannao bii�i kaina�a zunaaba, izaipaiba, 12 wunu�ora�a naa obaiatinan. Iriba�a naa omakon daakataanao di�iti. Mazan aonaa bauda�apa daakataa kakuda�o nii oroo. Na�iki ipai�i naa otaan papuraatan ĩ�ati. 44 Uruu dono owa�atin pidannao bii an Jesus barau ikinapa. Sariapa opishatan uchaakitan danoma karikaonan. Sariapa oizaipan shabata�akan. 45 Masha�apakiaka Jesus kian, “Kanom pishata�oraz õgaru?” Mazan ipai pidannao wuru�u udazaba an kidainaouz kian, “Aonaa wapishatan pugaru.” Uruu idi Peter kian, “Wanaobanaa, kaina�a iriba pidannao pudazaba an." 46 “Mazan kaina�a pidan pishata�o õgaru, õaitapa, usha�apanum kau�an so�otinanaaka ma�ozaka-karu õ�idi�iki,” Jesus kian ĩ�ati. 47 Aizii zun aitapan idi�i naa paaitapa�aka-kao, sariapa omaonapadinan panaka-nakaan bii�i Jesus dazaba iti, atii okodoru�ukan na�iki odawukan ukanaapu iti, oawun imi�i baara iti. Ipai pidannao abatapan pu�u, uru�u naa okowaadan kanom ni�o wuru�u opishatanuz Jesus kamichan. Okowaadan papishatan idi ukamichan karikaonan sariapa oabatan izai dukuta�akan. 48 Udauna�an Jesus kian o�ati, “�dadakoo, pumishidan idi�o pukakudan. Aizii pukiwa�a naa, kaiman punyukunuu aizii, na�iki aonaa kanom powa�a kasharutapa�o nii pugaru." 49 Jesus kadakotinan pu�u zii o�ati, uru�u naa pidan kaawa�akan kakuwaapa�ana�o Jairus ida�ati, udapu�u iki�o uwa�ati�ikan wuru�u pidanaz. Ukian u�ati, “Marina�a naa Tiichaa, mawaka�aka�a naa pudani." 50 Mazan Jesus abata wuru�u pidan kakuwaapanuz Jairus ati. Uruu idi ukian u�ati, “Mana�a putaria�ana�a, mazan pumishida pa�an õgaru, kakuda�o nii powaa iti wuru�u pudaniz." 51 Udauna�an ĩmako�okan naa na�iti atii ĩkaawan kabaun iti. Na�ii ĩikoda iriba pidannao zaadinainao, diiwa ĩkadakoinan, uruu ĩmuraapan naa wuru�u mawakaibazo. Uruu idi Jesus kian ĩ�ati, “Mana�a uzaada�ana�a, aonaa omawakan mani wuru�u, soo oda�awun karikaonan.” Ĩshaazootinan mazan udau�u, pabanikian nii ĩtaapan wuru�u uparadanuz, usha�apanum kau�an ĩaitapa mawaka�aka�ora�a naa wuru�u zunaabaz. Udauna�an Jesus morotan naa mawakaiba di�iti, mazan aonaa utaapadan ba�oran pidannao kida morotan patuma. Soo umorota-kida patuma Peter, John, James na�iki mawakaiba daru na�iki odaro. 54 Aizii ĩkaawan mawakaiba di�iti, sariapa Jesus zaamatan oka�u na�iki uparadan o�ati. “Pukadishita koraidaonaa,” ukian o�ati. 55 Sariapa okakuda�akan powaa iti, udauna�an okadishita�akan. “Utaa owanyukunuu nii,” Jesus kian odaronao ati. 56 Tuukii odaronao di�itinpan. Uruu idi Jesus kian ĩ�ati, “Mana�a pa�i ukowaada�ana�a wuru dau�ana�a õsha�apatanuz aimaakan kaikapa�a."

‹ Chapter 7 LUKE — All Chapters Chapter 9 ›

LUKE 8

Cite / Share This Page