LUKE 20

WBT

‹ Chapter 19 LUKE — All Chapters Chapter 21 ›

1 Bauda�apa kamoo Jesus tominapa-kidan dono pidannao na�iki ukowaadapan dono ĩ�ati Kaimana�o Kuwai Tominkaru Dapu ii. Na�ia�o faadaanao zowaunaanao, na�iki tiichaapauzonao Moses kakinaori dau�u, na�iki kazowautapainao Jewnao na�ia�o kapam. Baokopa ĩnao wa�atin Jesus ida�ati. 2 Na�iki ĩkian u�ati, “Pukowaada wa�ati kanom dyuudanii na�iki kanom aipan ati�o wuru�u pukowaadapanuz kuwai na�iki wuru�u pusha�apatanuz aimaakan kaikapa�a?" 3 Sariapa Jesus kian ĩ�ati, “�pishaan nii unao bauda�apa aimaakan dau�an, õaiapa udako�atin õparadan. 4 Kanom dyuudanii John na�iki kanom aipan ati�o wuru�u uchikaawunuupanuz pidannao? Tominkaru aipan ati�o oo pidan aipan ati�o?" 5 Hãĩ, aonaa ĩaitapan padako�atin uparadan. Sariapa ĩpishaan pairibannao kida. “Na�apam nii wadako�atin kaiwuru�u uparadanuz?” ĩkiitaakapan. “Aizii wakian an Tominkaru aipan ati�o wuru�u uchikaawunuupanuz, ukian nii wa�ati upu�u zii mooko aonaa umishidan John? 6 Mazan aizii wakian an u�ati, pidan aipan ati�o karikaonan wuru�u uchikaawunuupanuz. Tuukia�o nii pidannao wuru�u diinaouzu�u, to�oran wa�ati, na�iki ĩzowian nii waunao paboori idi. Usha�apanum kau�an ipai ĩnao, tuukii ĩmishidan Tominkaru prophetin wuru�u Johnaz." 7 Uruu idi ĩkian Jesus ati, “Aonaa waaitapan kanom dyuudanii uruu." 8 Jesus kian ĩ�ati, “�garu na�apa, aona�o nii kapam õkowaadan unao ati kanom aipan ati�o wuru�u õsha�apaapanuz aimaakan kaikapa�a." 9 Udauna�an Jesus kowaadan naa pidannao ati di�itinapa-kinai kuwai. Kaikapa�o wuru�u ukowaadaniaz: “Baukapaiman pidan paowan dizoo-karu kadunaa pa�idiwaru pazakapun ii, grape kia�oraz udakota-kao. Aizii wuru�u pidan upaopan naa pazakapun ii, atii uipaian. Uruu dauna�an uzaamatan naa pidannao awunuutapainao ni�i naa pazakapun pa�aonaan daida. Uruu dauna�an umakon naa. Kotua�iki�o wuru�u umako�onanuz ba�oran wiizai iti. 10 Aizii una�ian pu�u zii ba�oran wiizai ii, upaoriba aka kida dyuuan naa. Uruu idi udyuudan naa papoitoru na�iti, unanaka kizi�i naa wuru�u upaoriba aka buuta-kariwaiz naa u�idiwau nii. Mazan poitorui kaawan na�iti, sariapa taapainao paoribai ba�iziautapan uruu, na�iki ĩdyuudan ukiwan powaa iti kana�apan. 11 Udauna�an naobanai dyuudan ba�oran papoitoru ĩ�idi�iti. Mazan na�apa koshan ĩba�iziinuzu, na�iki ĩantamikitanuzu kakiba�azonna�o ida�an, na�iki ĩdyuudan uruu kana�apan koshan. 12 Udyuuda koshan ba�oran papoitoru ĩ�idi�iti. Mazan ĩba�izian uruu, aonaa masakauda�u mani, izai umada ĩba�izin-daun kida. Paba�izian dauna�an uruu, ĩkabootankan naazu zakapu dawun ii. 13 Udauna�an kapaoriba�o kian. ‘Na�apam nii õsha�apatinan aizii? �dyuudan nii aizii ĩ�idi�iti õdani, wuru�u õmarainpaniaz manawun. �aitapa aona�o nii pa�an ĩkashadapan uruu.’ Uruu idi udyuudan paudani. 14 Aizii ĩtukapan naa kapaoriba�o dani wa�atin sariapa ĩkian pa�atiaaka kida. ‘Aizii wa�ati�i naa kapaoriba�o dani diina�iki�i. Aushaa, wazowii pa�i uruu wazaamata kizi wuru�u u�idiwau nii kida�oraz aimaakan.’ 15 Uruu idi sariapa ĩzaamatan uruu, na�iki ĩna�akan naaz zakapu dawun iti. Na�ia�a naa ĩzowianuzu. “Aizii mani,” Jesus kian pidannao ati. “Na�apam ni�i naa uaitapan kapaoriba�o sha�apatan wuru�u taapainaouz upaoriba? 16 Uwa�atin nii ĩ�ida�ati, na�iki uzowian nii ĩdyaun kaiman-daun. Udauna�an uzaamatan nii ba�orainao taapa�o ni�i naa zakapu na�iki upaoriba kida.” Aizii pidannao abatan idi wuru�u una�apanuz sariapa ĩkian, “Kandii nii? Aonaa turuu aimaakan sha�apata-kao na�apa." 17 Uruu idi Jesus awunuupan ĩ�ati, na�iki ukian, “Kaikapa sha�atii tawuru�u Tominkaru paradan saadinpa�o kianuz. ‘Wuru�u kuba tomapauzonao kabaun kashadaniaz, madiwautapa-ka�oraz ĩtukapan, uru�u naa mishi�oraiman umanawunu�o kuba ipai ba�oran kubanao ai.’ Kanom dau�ana�o uzauda-kidan wuru�u Tominkaru paradanuz na�apa? 18 Pidan kaboina�o di�oraz kuba paawa ati, baiainpa�o nii tuukii. Na�iki uruu kuba waotan dono na�ia�oram pidan paawa ati, ipai�o nii u�ido�okan." 19 Tuukii tiichaapauzonao Moses kakinaori dau�u, na�iki faadaanao zowaunaanao, to�oran Jesus ati. Tuukia�o padamata ĩaipan pazaamata-kidan uruu na�ii pakakuwaatin kizi ii. Usha�apanum kau�an ĩaitapa padaua�o wuru�u ukadakotinanuz di�itinapa-kinai kuwai ida�an. Mazan tuukii ĩtarian pidannao ai. 20 Mazan upu�u ĩdorotan pazaamata-kida-kinaa nii Jesus. Ĩaipan pazaamatan uruu, udauna�an ĩaipan papataka�uta-kidanuz tuubaru�o naobanai ati, wuru�u Rome iki�oraz uwa�atin. Uruu idi ĩkawinipinaatan naa pidannao makoinao nii Jesus kakuwaatin kizi iti, na�apa abata�azoinao kawan ukuwaa. Uruu idi masakauda�u�o nii ĩabatan uparadan dikauda sha�apa�oram aimaakan dau�an, uru�o ni�i naa ĩkowaadankanuz. 21 Aizii wuru�u pidannao dyuuda-kariwainaouz, kian naa Jesus ati, “Tiichaa, waaitapa mishi�o kaiwuru�u puparadan kidaz na�iki pukuwaa kidaz, na�iki sakitapa�o wuru�u putominapa-kidanuz pidannao. Aonaa pudi�itapan sha�apa�oram pidan, kaimanan, oo umanawunun. Mazan mishi pa�an putominapa-kidan pidannao na�apa Tominkaru aipan kawana�ati. 22 Na�apa dii pukian waunao Jewnao taan dau�an tax puraatannaa tuubaru�o naobanai Rome ia�o ati? Wadikintapan Tominkaru di�iki�o kakinaorii wuru�u, oo aonaa?" 23 Mazan Jesus aitapa ĩtiwa�azon karikaonan pazaamatan uruu na�apa kida�o ida�an. Uruu idi ukian ĩ�ati. 24 “Aushaa unana�iki mooko wizi�i�o puraata.” Ĩtaan dauna�an puraata ukian naa koshan ĩ�ati, “Kanom awun baara, na�iki kanom uu utukapan saadinpan puraata baara�a?” “Rome ia�o naobanai,” ĩkian. 25 Uruu idi Jesus kian ĩ�ati, “Ukau�an utaa Rome ia�o naobanai ati wuru�u u�idiwau kidaz. Na�iki utaa Tominkaru ati wuru�u Tominkaru idiwau kidaz,” ukian. 26 Aizii wuru�u Jesus dako�atinuz parada-karu, iriba�o pidannao kanaapua�o. Mazan wuru�u pidannao kaakapa�azoinaowuz Jesus, aonaa bauda�apa ĩikodan pazaamata-kinaa nii uruu. Mazan mashaa ĩabatapan, na�iki tuukii ĩdi�itinpan wuru dau�a�a udako�atinuz paparadan na�apa. 27 Kaina�a pabi�i kida Sadduceenao, aona�oraz ĩmishidan kadishita-kida-kao nii pidannao pamawaka-kizi iki diina�iti�i. Ĩnao wa�atin Jesus ida�ati, na�iki ĩpishaanuzu kaikapa�a. 28 “Tiichaa, kaikapa sha�atii tawuru�u kakinaorii Moses saadauzonii kianuz wa�ati. ‘Na�apainim daonaiora mawakan dono, uwa�akan paudaiaro aonaa zii pu�u okaudanin, marii u�inawuzu mazidan otuma. Aizii kiwiini�o ĩdani daonaiora, taa-karu nii mawaka�o dani nii,’ kii tawuru�u parada-karu kiauzonuz. 29 Kaina�a 7 inawuzuinao. Kiwiin ĩtuuniz mazidan, mazan aonaa zii pu�u udaiaro kaudanin umawakan naa. 30 Uruu idi u�inawuzu udawu�iti�o zaamatan na�iki umazidan pa�inawuzu daiaro-daun tuma, mazan na�apa koshan umawakan. 31 Udauna�an ba�oran u�inawuzu mazidan otuma, mazan na�apa koshan umawakan aonaa zii okaudanin pu�u, ba�oran mazidan otuma na�apa koshan umawakan, udauna�an ba�oran, atii ipai u�inawuzunao mazidan otuma, mazan ipai daunuuda�u ĩmawakan, na�iki aonaa bauda�apa ĩnao wa�aka�o nii paudani otuma. 32 Atii ba�oran dono, omawakan naa kapam wuru�u ĩdaiaro daunuz. 33 Aizii pidannao kadishita-kida-kao dono pamawaka-kizi iki. Na�ia�oram nii daiaroitapa oroo? Usha�apanum kau�an ipai 7 daonaioranao mazidan otuma,” ĩkian. 34 Jesus dako�atin ĩdyaun, ukian, “Daonaioranao na�iki zunnao wuru�u mashaapainao kidaz imi�i baara an, mazida�o nii pa�an ĩdyaun. 35 Mazan aizii wuru�u daonaioranao na�iki zunnao Tominkaru widauniinaouz, na�iki ukadishita-kidan ni�oraz pamawaka-kizi iki, aona�o nii pa�an ĩkaudaiarun oo ĩmazidan. 36 Usha�apanum kau�an na�apa�o ni�i naa ĩdyaun angelnao kawan. Aona�o ni�i naa powa�a ĩmawakauzon. Ipai ĩdyaun Tominkaru dainaou�u naa pa�idiwaru. Usha�apanum kau�an ukadishita-kidan idi ĩdyaun pamawaka-kizi iki. 37 Moses kuwaa tukapa-kida kaimanaiman mishi�o wuru�u mawakainao kadishita-kida-kaoaz pamawaka-kizi iki. Na�apa watukapan usaadinpan Moses dau�an, ukowaadanuz udaru�o tikazi pu�ukapan kaiwada-karu kadunaa ida�a, mazan aonaa bauda�apa uanaba ka�awan. Uruu ida�a watukapan na�apam Moses dakotan Tominkaru, Abraham, Isaac na�iki Jacob Tominkarun nii. 38 Wuru�u Tominkaruz kakupainao Tominkarun, aonaa mawakainao Tominkarun mani, uruu idi Tominkaru tukapan pidannao kakupainao pa�idiwaru,” ukian ĩ�ati. 39 Uruu idi pabi�i kida tiichaapauzonao Moses kakinaori dau�u kian Jesus ati. “Kaimana�o na�iki sakitapa�o kaiwuru�u pudako�atinuz ĩparadan Tiichaa,” ĩkian u�ati. 40 Uruu dauna�an aona�a naa powa�a Sadduceenao pishaan uruu, usha�apanum kau�an ĩtaria�akan naa udako�atin ai paparadan koshan. 41 Jesus kian wunao ati�i tiichaapauzonaouz Moses kakinaori dau�u, “Na�apa dii mooko wuru�u Christ, dakota-kaoaz David Takaan-daun nii? 42 David kian pu�u pasaadanii kaarita Psalms ida�a, ‘Naobanai Tominkaru kian õNaobanaa ati, pusakanata õdiwa�ora antanapu, atii õwaranuitapa-kidan putarubanao pu�ati.’" 44 Udauna�an Jesus kian koshan ĩ�ati, “David dakotan pu�u uruu panaobanaa nii, na�apa di�i naa mooko wuru�u udaniitanuz uruu?" 45 Ipai pidannao abatapan pu�u, Jesus kian patominapa-kidaniinao ati. 46 “Uzaudinapa pa�i wunao aia�a tiichaapauzonao Moses kakinaori dau�u. Ĩnaudapa pachi�ika�anpan dawuu za�aba�i kida�o kamicha daara an. Na�iki tuukia�oraz ĩaipan pataapa-kao umanawun kida�o pidannao nii, pidannao iribainapa kizi ii aka. Aonaa uda�ana�ana�a wuru�u ĩkaduz kidaz. Na�iki naudapainaouz pasakanatan umanawun kida�o tabai ida�a, synagogue kida ii. Na�iki ĩnaudapa kapam pasakanatan, umanawunuinao taba ida�a aroapa-kizai ii. 47 Na�iki ĩnaudapa payaakaratapan zunnao, mawakainao ĩdaiarunao, pazaamatan ida�an ĩsha�apauz kida. Na�iki ĩnaudapa paabata-kidan patoriinpan tomunu�iki. Ĩnao Tominkaru pataka�utan nii tuukii manawun."

‹ Chapter 19 LUKE — All Chapters Chapter 21 ›

LUKE 20

Cite / Share This Page