LUKE 1

WBT

‹ Chapter 0 LUKE — All Chapters Chapter 2 ›

1 Naobanai Theophilus, Kaina�a iriba pidannao, saadainao ipai Jesus sha�apatanii kida aimaakan dau�u, na�iki ipai Jesus sha�apata-kao dau�an. 2 Ĩsaada ipai aimaakan, na�apa pakawan waabatan kawan ukowaada-kao utukapikinao di�iki, ĩnao tukapainao kidaz ipai aimaakan sha�apan usakadin-kizi iki, na�iki ba�orainao di�iki, kowaadainao kidaz ipai kaiman kida�o usha�apatanii dau�u. 3 Ukau�an naobanai Theophilus, õdi�itapa kaiman-daun aimaakan wuru�u sha�apata-kariwai kidaz usakadin-kizi iki, na�iki õabata kaiman-daun ipai wuru dau�ana�a aimaakan kida sha�apata-kariwaiz. Uruu idi õaipan õsaadan pu�atizu kaiman-daun usha�apan kawana�ati manawun. Ipai usakadin-kizi iki, atii utokon iti. 4 �saadan pu�atizu kaimanaiman, usha�apanum kau�an õaipan idi puaitapan kaimanaiman, ipai wuru dau�ana�a puabatanii kidaz aimaakan sha�apan. 5 Aizii Herod king-tinpan dono na�iki ukazowautapan dono, ipai amazada Judea Baara ii aka. Kaina�a faadaa na�ia�o umashaapan, Zechariah kia�o u�uu. Aizii Zechariah dokozu-daunnao, na�apa kapam faadaa-tinpauzonao pa�idiwaru. Kaina�a faadaa, Abijah kia�o u�uu, uruu tuma�o Zechariah dokozu-daunnao kaudinauzon kotua�a naa. Aizii Zechariah daiaro Elizabeth, faadaa-tinpauzonao kapam oiribannao. 6 Kaiman Zechariah na�iki Elizabeth mashaapan Tominkaru awun za�a. Ipai ĩizo�atin Tominkaru dyuuza na�iki ukakinaori kida. 7 Mazan aonaa Elizabeth kaudanin, usha�apanum kau�an maudanich oroo. Aizii na�apain maskonnaou�u naa oroo, na�iki uruu tunarunaou�u naa kapam. 8 Bauda�apa kamoo Zechariah na�iki umin-kaudinannao, wuru�u faadaa-tinpainao kidaz zaamata-kao kaudina�o nii Tominkaru Dapu nazo ii. Usha�apanum kau�an Abijah ida�atanpuinao pa�idiwaru faadaanao wuru�u kaudina�oraz uruu dono. Uruu idi Zechariah na�iki umin-kaudinannao sha�apata�o nii ipai aimaakan, wuru�u faadaanao sha�apatauzonii kidaz Tominkaru ati. 9 Aizii faadaanao, kaina�a ĩsha�apatauzonii aimaakan, patukapa-kinaa nii kanoma�o nii aizii kaudin, kawaoda�o nii kaduunu�o Tominkaru ati. Uruu dono Zechariah zaamata-kao. Uruu idi Zechariah morotan naa Tominkaru Dapu iti ukawaoda�anan kaduunu�o shanaribai altar paawa iti, Tominkaru ati. 10 Aizii kaduunuribai kawaodapa-kao pu�u, pidannao kasaba�ukinan paniba itinapu, na�iki ĩtoriinpan naa kapam. 11 Upu�a�a naa angel, Tominkaru di�iki�o kaawa�akan Zechariah di�ii. Angel kadishitan altar wuru�u kaduunu�o kawaodapa-kizinaoaz diwa�ora antanapu. 12 Tuukii Zechariah taria�akan patukapan idi angel. 13 Mazan angel kian u�ati, “Zechariah, mana�a putaria�ana�a, Tominkaru abata putoriinpan. Kaudani�o nii pudaiaro, okaudanipan dono daonaiora�o nii odani nii. Pudakota pa�i u�uu John kii. 14 Aizii ushakatan dono tuukia�o nii pukonaukii-kidanuz na�iki ipai ba�orainao pidannao tuukia�o nii kapam ĩkonaukii-kidanuz. 15 Na�iki umanawunu�o nii pidan uruu, Tominkaru awun za�a. Aonaa kizi pa�i utuzan wine na�iki ma�ozaka�o riwunii. Sariaapa�o nii Kaimana�o Doronaa zaamatan uruu ushakatan dono. 16 Na�iki uru�o nii padanata-kida iriba Israelitenao powaa ati, Naobanai Tominkaru ida�ati. 17 Na�iki uru�o nii kiwiita Naobanai ua�ati, ma�ozaka�o nii uruu, na�apa�o nii manawun uma�ozakan Elijah kawan, Tominkaru prophetiniz. Na�iki ukaimanadan nii daruinao nyukunuu ĩdainao tuma kida. Na�iki pidannao wuru�u dikintapainao kidaz, utanawatan nii ĩnyukunuu, kaiman kizi�i naa ĩaitapan padi�itinpan, na�apa izo�atiinao kawan Tominkaru. Na�iki uminziiwa-kidan ni�i naa Tominkaru pidanannao nyukunuu, ĩizo�ati kizi uparadan." 18 Sariapa Zechariah kian angel ati, “Kandii ida�ana�o nii mooko õaitapan umishiin wuru�u pukowaadaniaz aimaakan õ�ati? Usha�apanum kau�an õgaru tunarunaou�u naa na�iki õdaiaro na�apa maskonnaou�u naa kapam." 19 Sariapa angel kian u�ati, “�garu Gabriel, Tominkaru di�iki�o õwa�ati�ikan. Udyuudanii õgaru kowaada�o nii paparadan pu�ati, wuru�u kaimana�oraz kuwai. 20 Mazan aonaa pumishidan õkuwaa, wuru�u mishi�oraz nii usha�apan paainaa kawana�ati. Pumamishidakan idi õkuwaa, pumaparadanun nii aizii. Ukau�an aona�o nii pukaparadanun, atii õkuwaa mishiinan dau�ana�o nii zii pukaparadanun koshan." 21 Upu�a�a naa pidannao zaudapan Zechariah koditan. Ĩaitapa�azon usha�apanum naa wuru�u umakoditakanuz kadiman. 22 Udauna�an zii ukoditan ĩ�ida�ati. Mazan aona�a naa uparadan nii. Ĩaitapa�aka sariapa, Tominkaru tukapa-kidan aimaakan u�ati. Pamaparadanun idi Zechariah tiwaan naa pakakuwaapan ĩ�ati paka�u ida�ana�a naa karikaonan. 23 Uipaian dauna�an ipai pakaudinkiz, ukiwan naa padapu iti. 24 Aonaa ukotua�ikin uruu dauna�an Elizabeth kaudanin naa mishi. Mazan aonaa okoditan padapu iki, atii baka�iauda�u kauzu dauna�an zii okoditan. 25 Uruu idi okian, “Aizii Tominkaru kamunan-kida mishi õgaru. Uruu idi aona�o nii powa�a pidannao dakoopanun." 26 Aizii 6 kauzu Elizabeth kaudanin dauna�an, uru�u naa Tominkaru dyuudan angel, Gabriel kia�oraz u�uu, wiizai Nazareth iti, Galilee Baara ia�oraz. 27 Udyuudanuzu na�aka�o nii parada-karu pa�inaiba zun di�iti, Mary kia�o o�uu. Joseph, King David takaan-daunuz, aiapanii oroo na�iki upishaani�i naa oroo padaronao ati pamin-mazidan nii. 28 Aizii angel kaawan o�ida�ati, sariapa ukian o�ati, “Kaiman pugaru? Kaina�a Tominkaru putuma, na�iki tuukii ukamunanun pu�ati,” ukian o�ati. 29 Tuukii Mary tarian, na�iki tuukii odi�itinpan ukuwaa dau�u, na�iki tuukii oaitapa�azon na�apa�oram manawun wuru�u ukianuz pa�ati. 30 Mazan angel kian o�ati, “Mary, mana�a putaria�ana�a, aizii Tominkaru kamunanu�uzon pu�ati. 31 Ukau�an pukaudanin nii daonaiora idi. Aizii pukaudanipan dono, pudakota pa�i u�uu Jesus kii. 32 Uruu tuubaru�o nii, na�iki umanawunu�o nii pidan, na�iki udakota-kao nii Tominkaru umanawunu�oraz Dani nii. Na�iki Naobanai Tominkaru zaamatan nii uruu king nii, na�apa kotua�o udokozu-daun King David kawan. 33 Karikaonanu�o nii uking-tinpan Israelitenao ati, wuru�u Jacob takaan-daunnaouz, na�iki unaobanai-tinapanuz, aonaa na�apainim nii ukatokon-tinan." 34 Udauna�an Mary kian angel ati, “�garu pa�ina�o zii zun, aona�o zii daonaiora kiitauzon. Na�apam nii mooko õkaudanin?" 35 Angel kian o�ati, “Kaimana�o Dorona�o nii wuru�u kaawa�oraz pu�ida�ati, na�iki Tominkaru taan ida�ana�o nii karikaonan pama�ozakan pu�ida�ati, wuru�u pukaudaninuz. Ukau�an pudani, wuru�u kaimana�oraz manawun koraidaonaa, aona�oraz oia�o nii u�ida�a, udakota-kao nii Tominkaru Dani. 36 Puaitapa puiriban taoro�o Elizabeth. Pidannao kian aonaa na�apainim nii okaudaniizon. Mazan kai oroo kaudani�i naa, 6 kauzu�u naa. Omaskonnaoun pu�a�a naa padamata, mazan upu�u zii okaudanin. 37 Usha�apanum kau�an Tominkaru ati, aonaa aimaakan kasha�apannan, turuu usha�apatan sha�apa�oram aimaakan, aona�oraz turuu puabatan usha�apata-kao." 38 Sariapa Mary kian, “�garu Tominkaru poitoruaba. Marii mooko aimaakan sha�apan õ�ati, puparadan kawana�ati,” okian. Udauna�an angel mako�okan naa o�ai. 39 Kadiman aka udauna�an, uru�u naa Mary makon munapo, midukuo-ta�o wiizai di�iti, Judea Baara ia�oraz. Omakon atii Zechariah dapu iti. Aizii okaawan sariapa onaubaan Elizabeth. 41 Mary naubaan pu�u oroo, sariapa Elizabeth abatan paudani dakazatinan patoba nazo ii. Upu�a�a naa Kaimana�o Doronaa kaawan Elizabeth ida�ati. 42 Uruu idi Kaimana�o Doronaa aipan ati okian Mary ati diiwa�o ida�an. “Tuukii manawun Tominkaru kaimanan pu�ati, ipai ba�oran zunnao ai. Na�iki kaiman manawun Tominkaru pudani ati, putoba nazo ia�oraz." 43 Okian koshan, “Kandii ni�o pa�an wuru�u kaimana�o manawun aimaakan sha�apanuz õ�ati, wuru�u õnaobanaa daro morowautapanuz õ�ida�ati? 44 Punaubaan pu�u õgaru, sariapa õabatan õdani dakazatinan õtoba nazo ii, ukonaukian idi. 45 Konaukia�o nii manawun pugaru, usha�apanum kau�an pumishidan idi wuru�u parada-karuz, na�iki pumishidan idi mishi�o nii umishii-kao wuru�u wanaobanaa kowaada-kidaniaz pu�ati,” okian Mary ati. 46 Uruu idi Mary kian. “Tuukii manawun õkonaukii-kidan wanaobanaa. 47 Tuukii manawun õnyukunuu konaukian, Tominkaru õkazannaatapiki nyukunuitapan idi õgaru, na�iki ukamunan-kidan idi kowas õgaru, papoitoruaba. Aizii ipai�o nii pidannao diina�iti�i, ĩdakotan õgaru konaukiaiba nii. 49 Usha�apanum kau�an, Tominkaru ma�ozaka�oraz sha�apatan idi kaimana�oraz manawun aimaakan õ�ati. Mishi uruu umanawunu�o ukaimanan. 50 Ipai pidannao taapainaouz Tominkaru umanawunu�o nii, ĩdokozu-daunnao di�iki atii ĩwadaunnao di�iti, utukapa-kida pakamunanun ĩ�ati. 51 Mishi uruu ma�ozaka�o manawun, pama�ozakan ida�an ipai uwaataabi�ian pidannao, wuru�u tuukia�oraz ĩatadinpauzon. 52 Tuubaru kidainao naobanainao, na�iki umanawun-tinpainao kidaz, ipai uwaota-kidan ĩdyaun panaobanai-tinpan ai. Aizii pidannao waranuitapa-kariwainao, uzaamata pa�an ĩdyaun tuubaru kidainao nii. 53 Aizii zamazi-tinainao utaa ipai aimaakan ĩ�ati, abaapa utaapan ĩdyaun. Mazan kapuraataniinao, aonaa kanom utaan ĩ�ati. 54 Mishi pakiauzon kawan wadokozu-daunnao ati kotua�a naa, aizii ukawana�ati mishi ukaminka�utan papoitorunao Israelitenaouz. 55 Aonaa mishi umanyukunuutan kotua�o paparadan, ukiauzonuz, karikaonanu�o nii ukamunan-kidan Abraham na�iki udainao diina�iti�i,” kia�o Mary kian. 56 Mary na�ian idikinauda�u kauzu Elizabeth tuma. Udauna�an okiwan naa padapu iti. 57 Aizii Elizabeth kaudanipan dono�o naa, uru�u naa okaudanipan, daonaiora mishi odani nii. 58 Aizii omin-dazabazinao, na�iki oiribannao abatan na�apam Tominkaru kamunanun na�iki utukapa-kidan tuukii pakaimanan o�ati. Tuukii ĩkonaukian paabatan idi okaudanipan, uruu idi baokopa ĩkonaukian otuma. 59 Aizii bauda�apa sondii Elizabeth kaudanipan dauna�an, uru�u naa pidannao kaawan ĩtukapa�anan naa ĩdani choota-kao Jewnao kaduz kawana�ati. Aizii wuru�u pidannaouz aipan naa padakotan u�uu Zechariah kii, padaru uu kawan. 60 Mazan udaro kian ĩ�ati, “Aonaa, aonaa na�apa�o nii mani u�uu, John kia�o nii pa�an u�uu." 61 Sariapa ĩkian o�ati, “Mazan aonaa bauda�apa uiribannao na�apa�o nii ĩ�uu." 62 Udauna�an ĩpishaan udaru paka�u ida�an, ĩaipan ukowaadan na�apam uaipan paudani uu dakota-kao. 63 Sariapa Zechariah pishaan ĩ�ati kaarita, udauna�an usaadan kaarita ida�a kaikapa�a: “John kia�o nii u�uu.” Tuukii pidannao di�itinpan, aonaa ĩzauda-kidan udakotan u�uu na�apa. 64 Upu�a�a naa mazan Zechariah kaparadanu�ukan. Uruu idi tuukii ukonaukii-kidan Tominkaru. 65 Ipai ĩmin-dazabazinao, tuukii ĩdi�itinpan. Udauna�an ĩkowaadaabi�ia�akan naa ba�orainao ati, ipai wuru dau�an kida�a patukapanii kidaz usha�apan. Uruu idi kuwai makon na�iki una�aka-kao ipai wiizai kawana�ati, wuru�u midukuo baawu an kida�oraz wiizainao, Judea Baara ii aka kida�oraz. 66 Uruu idi ipai pidannao wuru�u abatainao kidaz kuwai, tuukii manawun ĩdi�itinpan, na�iki ĩkian, “Ei, kanom kaduzu�o nii wuru�u koraidaonaaz diina�iti�i?” Usha�apanum kau�an ĩaitapan idi Tominkaru kaina�an utuma. 67 Uruu dono Kaimana�o Doronaa kaawan Zechariah ida�ati. Kaimana�o Doronaa aipan ati ukowaadan naa Tominkaru paradan pidannao ati. Kaikapa�o wuru�u ukianuz ĩ�ati: 68 “Wakonaukii-kida wanaobanaa, Israelitenao Tominkarunuz, ukaawan idi na�iki ukaminka�uta�anan idi papidanannao, na�iki uso�ota�anan idi ĩdyaun ĩpataka�uta-kao ai. 69 Utaa zii mishi ipai waunao ati, ma�ozaka�o kazannaatin-kinai nii, papoitoru David takaan-daun idi. 70 Na�apa pakiauzon kawana�ati kotua�a naa, kaimana�o paprophetinnao ida�an. 71 Ĩkowaadan ukazannaatan nii waunao, na�iki uso�otan nii waunao watarubanao ai, wunao aia�a tuukia�oraz manawun ĩto�ora-kizaitapan waunao. 72 Mishi Tominkaru kowaadanii kotua�a naa wadokozu-daunnao ati, ukamunan-kidan nii ĩdyaun. Na�iki aona�o nii umanyukunuutan wuru�u ukowaadauzoniaz pasha�apatan nii ĩ�ati. 73 Kaimanaiman uwa�akan mishi�oraz paparadan wadokozu-daun Abraham ati kotua�a naa, aona�oraz turuu upana�ada-kao. 74 Ukowaadauzon u�ati diina�iti�i, ukazannaatan nii waunao watarubanao ai. Kaiman kizi wamashaapan u�ati aonaa wataritan bii�i mani. 75 Na�iki kaiman kizi manawun wamashaapan soo uruu ati bauda�apa na�iki waizo�ati kizi uparadan karikaonan." 76 Udauna�an ukian. “Pugaru õdani, pudakota-kao nii umanawunu�o manawun Tominkaru prophetin nii. Pukiwiitan nii Naobanai ua�ati, pusaaba�anan naa dunapo umako kizi nii. 77 Na�iki pukowaada kizi�i naa upidanannao ati, ĩaitapa kizi ukazannaatan nii ĩdyaun, umainaabatan ni�i naa ipai ĩ�oian. 78 Mishi kaimana�o na�iki kamunanu�o manawun wuru�u waTominkarunuz. Uruu aipan ati�o nii wuru�u kazannaatin-kinai wa�atinuz kaina�iki. Uwa�atin nii kaina�iki kamoo koditan kawanu�o nii. 79 Na�iki ukanadapan nii ipai waunao mashaapainaouz maruta�o-karu�u, na�iki kichana�ikitinainaouz pamawakan ai. Na�iki kaimana�o nii una�akapan waunao, utukapa-kidan nii wa�ati kaimana�o mashaapa-karu,” Zechariah kian. 80 Uruu idi John dyaupain naa, atii utuubarun. Aizii unyukunuu ma�ozaka kapam udyaupain Tominkaru dau�ati. Aizii umashaapan mapidantaka�o amazada ii aka. Atii bauda�apa kamoo, ukaudinan kamoon kaawan naa. Uruu dono ukakuwaapatinan naa pidannao ati, wuru�u Israelitenao kidaz.

‹ Chapter 0 LUKE — All Chapters Chapter 2 ›

LUKE 1

Cite / Share This Page