JAMES 1

WBT

‹ Chapter 0 JAMES — All Chapters Chapter 2 ›

1 �garu James, Tominkaru na�iki Naobanai Jesus Christ poitoru. �dyuudan õparadan ipai 12 Israelitenao tonaazinaa kida ati, makoodanainaouz ipai wiizai kawana�ati. 2 �iribannao, ukonaukii pa�i na�apainim dono ubaiaapan pabi�inaaka kida�o pataka�utin-kinai. 3 Usha�apanum kau�an uaitapa utiwaa-kaoaz na�apa, umishidan ma�ozakan tiwaa-kao wuru�u. Aizii upakawanun an ukadishitapan utiwaa-kao dauna�an, aona�o nii ukashadinan ba�oran dono ubaiatinan pu�u padamata. 4 Ukau�an marii pa�i umakashadinkanuz na�iki umakaakinapakanuz mashaapan ma�ozaka, uruu aona�o nii ukaakinpan, na�iki aona�o nii ukasharutinpan udi�itinpan ida�an. 5 Mazan na�ia�oram pidan unao bii�i, aona�o uaitapan padi�itinpan, marii upishaan Tominkaru, utaa kizi u�ati aitapaaba-karu; usha�apanum kau�an Tominkaru, konaukii utaan na�iki aonaa ukashanauan pidan pishaa�o paugaru. 6 Mazan upishaan an Tominkaru, marii upishaanuzu pamishidan ida�an, aonaa pamamishidakan bii an mani. Usha�apanum kau�an, pidan pishaan an aimaakan pamamishidakan bii an, uruu na�apa�o wunu paran kawan, paran baoko ia�oraz, ma�ozaka�o awaru pootaniaz na�iki ukida�uupaniaz di�itinapa kida�a. 7 Na�apa�o pidan, dya�utamatapa�o panyukunuu na�iki aona�o uaitapan na�apam dii pasha�apatinan, aonaa turuu uzaudapan Tominkaru taan pa�ati aimaakan upishaaniaz. 9 Ukaina�an an Tominkaru pidanan pataka�utina�o, marii ukonaukian, usha�apanum kau�an Tominkaru awun za�a umanawunu�o uruu. 10 Mazan pidan kapuraatanu�o, marii ukonaukian, usha�apanum kau�an Tominkaru awun za�a uruu pataka�utina�o. Kapuraatanu�o pidan, umainaabatinan nii na�apa amazada san soosoi kawan. 11 Kamoo koditan dauna�an, uwiichan wiicha, wiicha, na�iki sariapa ukadunaa wuzada�akan; usooso waotan, na�iki ukonaunamanuz mainaabatina�akan naa. Ukau�an na�apa�o nii pidan kapuraatanu�oraz mainaabatinan kapam, upuraataapatinan pu�u. 12 Konaukia�o pidan, wuru�u tuudapa�oraz pabaiatan kasha�ora kida�o aimaakan. Aizii utuudapan idi pabaiatinan, aonaa ukaakinpan, uzaamatan nii pawinipa nii, karikaonanu�o kakupa-karu idi, tawuru�u Tominkaru kowaadauzoniaz pataa�azon marainpainao ati paugaru. 13 Aizii pidan tiwaa-kidapa-kao dono pasha�apata�azon dau�ati oia�o, aonaa turuu ukian: “Tominkaru wuru�u tiwaa-kidapa�oraz õgaru õsha�apata kizi oia�o.” Usha�apanum kau�an Tominkaru, aonaa na�apainim utiwaa-kidapan pidan oia�o dau�ati; na�iki Tominkaru, aonaa na�apainim usha�apatan oia�o utiwaa-kidapa-kao dono. 14 Mazan pidan tiwaa-kidapa-kao dono pasha�apata�azon dau�ati oia�o, unyukunuu oia�o dau�atin idi�o karikaonan wuru�u, ukozoota-kidinan paaipan ati�o, aonaa udikintan wuru�u oia�oraz. 15 Aizii unyukunuu na�apan idi oia�o dau�ati, uru�u naa usha�apata�akanuz, oia�o shakatan naa wuru�u, na�apa koraidaonaa shakatan kawan. Na�iki oia�o dyaupain dono�o naa kaimanaiman, uru�u naa mawaka-karu shakatan kapam. 16 �min-mishidannao, õmarainapaniinao, mana�a umariidapa-kidina�ana�a. 17 Ipai aimaakan kaiman kida�oraz, taa-kariwaiz mawinipinaa-daun, aokazi iki�o wuru�u, Tominkaru di�iki�o, toma�oraz kamoo, kauzu na�iki wizinao. Tominkaru aonaa upana�adinauzon, na�iki aonaa na�apainim utanawatinankauzon pana�iti wa�ai, na�iki aonaa uwa�akauzon waunao maruta�o-karu�u. 18 Paaipan kawana�ati�o wuru�u udaniitanuz waunao pakakinaori mishi�o ida�an, uruu idi tuukii ukonaukii-kidan waunao ipai ba�oran patomaniinao ai. 19 �min-mishidannao õmarainapaniinao, unyukunuitapa wuru�u õkakinaori kidaz: Marii ipai pidan abata�azo�o nii kadakotin-karu, mazan aonaa uparada�ana�a maaitapinaka-daun, na�iki udadarada unyukunuu uto�oran ai. 20 Usha�apanum kau�an pidan to�oran an aonaa turuu usha�apatan aimaakan kaiman kida�o Tominkaru aipan kawana�ati. 21 Ukau�an umuuda�a naa ipai oia�o na�iki dikauda kida�o aimaakan usha�apatauzoniaz. Aonaa u�atadinpa�ana�a, mazan ukashaapa Tominkaru Paradan utaaniaz unyukunuu ii, uruu wuru�u ukazannaatin-kinaa ni�oraz. 22 Aonaa umariidapa�ana�a unyukunuu, uabatapan ida�an karikaonan Tominkaru Paradan. Mishi�oraiman, usha�apatina�a naa pa�an wuru kawana�ati�i uabataniaz. 23 Na�ia�oram pidan abatapauzo Tominkaru paradan mazan aonaa usha�apatinan ukawana�ati, uruu, na�apa�o pidan kawan awunuuta�oraz paawun baara wanamari di�iti. 24 Uawunuutan padikin kaimanaiman na�iki udauna�an umako�okan naa, sariapa umanyukunuuta�akan na�apa�oram paaidinpan. 25 Mazan pidan di�itinpan an kaimanaiman kuwai kaimana�oraz dau�u, wuru�u muuda-kida�oraz pidannao oia�o ai, na�iki utaapan an panyukunuu karikaonan kaimana�o kuwai dau�ati, aonaa umanyukunuutan paabatanii, mazan usha�apatinan pa�an ukawana�ati. Uruu idi kanom usha�apatanii kida, kaimana�o nii usha�apan Tominkaru ida�an. 26 Ukaina�an an pidan unao bii�i Tominkaru-tapa�o utaapinpan, mazan aonaa utuuda�akauzon dikauda kida�o paparadan, umariidapan panyukunuu karikaonan wuru�u, na�iki uTominkaru-tapanuz madiwautapa-ka�o karikaonan. 27 Mazan pidan, mishi�o uchoochi san-tinpan Tominkaru waDaru aipan kawana�ati, uruu pa�an wuru�u karikaonanu�oraz ukaminka�utauzon maudaniiwainao na�iki zunnao pataka�utinainaouz mawaka�oraz naa ĩdaiarunao, na�iki uruu aona�o nii uaipan papataka�uinan oia�o idi. Na�apa�o choochi-santinapa-karu kaimana�o, na�iki aona�o ukasharutinpan Tominkaru awun za�a.

‹ Chapter 0 JAMES — All Chapters Chapter 2 ›

JAMES 1

Cite / Share This Page