GALATIANS 4

WBT

‹ Chapter 3 GALATIANS — All Chapters Chapter 5 ›

1 Kaikapa�o kaiwuru�u õkianuz: Koraidaonaa zaamata�o ni�oraz padaru sha�apauz kida, na�apa utaapa-kao poitoruinao taapa-kao kawan, ukoraidaonaan dono zii. Mishi uka�idiwaun pu�a�a naa padamata padaru sha�apauz kida idi. 2 Mazan umashaapan nii zii pakazowautapikinao waranu�u na�iki pasha�apauz taapikinao waranu�u zii, atii udaru aitanii kamoo kaawan di�iti. 3 Na�apa�o da�i waunao kiwiin koraidaonaa kawan, wapoitoruitapa-kidinan waizo�atin ida�an kakinaorii kida doronainao di�iki�oraz, kazowautapainaouz imi�i baara sannao. 4 Mazan Tominkaru aitanii kamoo kaawan dono�o naa, udyuudan paudani, ushakatan zun di�iki. Umashaapan Jewnao kakinaorinaa waranu�u, 5 ukazannaata kizi waunao, mashaapainaouz kakinaorii waranu�u, turuu kizi Tominkaru zaamatan waunao paudainao nii. 6 Tominkaru zaamatan idi unao paudainao nii, udyuudan pauDani Doronaa mashaapan unyukunuu ida�a. Uruu Doronai ida�ana�o wuru�u ukianuz Tominkaru ati, “õdaru Tominkaru,” kii. 7 Ukau�an, aonaa powa�a poitoruinao mani unao, mazan Tominkaru dainaou�u naa pa�an. Udainaoun idi unao, ukau�an utaan nii u�ati ipai wuru�u ukowaadauzoniaz pataa�azon. 8 Kiwiin umaaitapakan dono zii Tominkaru, upoitoruitapa-kidinan tominkarunao ati aonaa mishiinao mani. 9 Mazan aizii unao, uaitapa�a naa Tominkaru, oo turuu õkian, Tominkaru pa�an aitapa�oraz unao. Kandii ni�i naa mooko ukiwa�azon powaa iti, upoitoruitapa-kidina�azon koshan mazanu�o tominkarunao ati, aona�oraz kanom ĩsha�apatan? 10 Aizii unao, utamakapan naa Jewnao kaduz utaapan ida�an kamoo, kauzu, na�iki wunu ĩtaapanii kidaz. 11 Tuukii õdopian unao dau�an, ukau�an madiwautapa-ka�o mooko karikaonan wuru�u õkaudinuz unao bii an? 12 �min-mishidannao, tuukii õaipan umashaapan õgaru kawan, aonaa Jewnao kakinaorinaa waranu�u mani. �garu na�apa�ora�a naa unao Gentilenao kawan, aona�a naa õmashaapan Jewnao kakinaorinaa waranu�u. Kaiman sha�atii da�i utaapauzon õgaru, aonaa unyukunuu oian õ�ati. 13 Uaitapanii õkarinauzon idi�o õkowaadauzonuz Kaimana�o Kuwai unao ati kiwiin. 14 �karinaan idi, dobata õmizidin-kidan unao, mazan upu�u aonaa uzon-kidan oo ukachama�idin õ�ai. Mazan udapaapan õgaru kaiman, ikoda Tominkaru angelin oo ikoda Christ Jesus dapaapa-kao kawan utaapan õgaru. 15 Mazan aizii usha�apanum naa wuru�u, aona�a naa powa�a ukonaukia�azon õtuma? �aitapa mishi, õkarinauzon dono�oraz, turuu mani uso�otan uawun kida, na�iki utaanuzu õawun nii. 16 Aizii mani, uto�oran naa sha�a õ�ati wuru�u, õkowaadan idi mishi�o kuwai u�ati? 17 Pidannao wuru�u aipainaouz umashaapan Jewnao kakinaorinaa waranu�u. Tuukii ĩaipan uzaamatinan pa�idi�iti, mazan aonaa ĩkaminka�uta�azon mani unao wuru�u, soo ĩaipan karikaonan pabuutan unao õ�ai, ĩnao ati kizi�i naa unyukunuu. 18 Mishi, kaimana�o wuru�u pidan nyukunuu dyautanuz pasha�apatan dau�ati aimaakan, kaimana�oraz mazan aimaakan. Marii karikaonanu�u naa usha�apatan aimaakan na�apa, aonaa soo õna�an dono mani karikaonan utuma. 19 �dainao õmarainapaniinao, daroi dopian kawan kaziwa�o idi okaudanipan dono, na�apa�o kawanu�o õbaiatan kaziwa�o unao dau�ati. �dopitan nii udau�an atii umashaapan an zii kaimanaiman Christ kaduz kawana�ati. 20 Kaiman zii mani õgaru na�ii unao tuma kai. Uruu idi kaiman zii mani waabataakan waparadan, na�iki õaitapa mani na�apam õkian u�ati. Usha�apanum kau�an õmunapon idi, aonaa õaitapan na�apam õkian u�ati. 21 �pisha�azon unao aipainaouz pamashaapan kakinaorii waranu�u, aonaa zii mooko uaitapan na�apam kakinaorii kian? 22 Kaina�a saada-kariwai dya�utama�o Abraham dainao daonaioranao dau�an. Bauda�apa utoman paudani papoitoruaba tuma, ba�oran utoman paudaiaro tuma, aonaa poitorui mani oroo. 23 Udani poitoruiaba tuma�oraz, ushakatan na�apa koraidaonaa shakatauzon kawan. Mazan ba�oran udani, udaiaro di�iki�o. Oroo aonaa poitoruiaba mani, ushakatan na�apa Tominkaru kiauzon kawana�ati pa�an, Abraham ati. 24 Di�ora�a dya�utama�oraz zunnao kainaabatan dya�utama�oraz Tominkaru sha�apataniaz kida papidanannao ati. Hagar, poitoruiabaz, oroo kainaabata�o wuru�u kakinaorii Tominkaru taaniaz Moses ati midukuo Sinai ii. Ipai pidannao oroo di�iki�oraz, poitoruinao pa�idiwaru, ĩmashaapan idi kakinaorii waranu�u. 25 Na�iki midukuo Sinai, Arabia ia�oraz, ukainaabata-kao Hagar di�iti. Na�iki kai�oraz donoi Jerusalem, oroo di�iti koshan ukainaabata-kao, na�ii sannao mashaapan idi poitoruinao kawan kakinaorii waranu�u. 26 Mazan Sarah, oroo aonaa poitoruiaba mani pa�an, oroo di�iti aokazi ia�oraz Jerusalem kainaabata-kao, na�iki oroo wadaro kawanu�o. 27 Kaikapa�a Tominkaru paradan kotua�oraz kiauzonu�u odau�an: “Pukonaukii maudaniichiaba, Pukadako diiwa�o ida�an pukonaukian idi, aonaan pu�u pukaudanipauzon. Mazan aizii powa�a�o nii zii pudainao iriban, aoro aia�a, mazidaibazo." 28 �min-mishidannao, unao, na�apa Isaac kawan, Tominkaru dainaou�u naa, na�apa Tominkaru kiauzon kawan. 29 Mazan uruu dono wuru�u koraidaonaa shakata�oraz koraidaonaa shakatauzon kawan, wuru�u poitoruiaba daniz, uantamikitauzonii Isaac, shakata�oraz Tominkaru Doronaa ida�an. Na�apa kai aimaakan sha�apaapa-kao wa�ati kotua�o kawan. 30 Mazan na�apa dii saada-kariwai Tominkaru paradan kian? “Puwaata wuru�u poitoruiabaz paudani tuma! Usha�apanum kau�an aona�o nii odani zaamatan padaru sha�apauz kida, wuru�u taa�azoo-kariwaiz, aoro dani ati�i aona�oraz poitoruiaba mani." 31 Ukau�an õmin-mishidannao, waunao aonaa poitoruiaba dainao mani, mazan aoro dainao pa�an, aona�oraz poitoruiaba mani.

‹ Chapter 3 GALATIANS — All Chapters Chapter 5 ›

GALATIANS 4

Cite / Share This Page