GALATIANS 2

WBT

‹ Chapter 1 GALATIANS — All Chapters Chapter 3 ›

1 Aizii 14 wunu dauna�an õmakon koshan Jerusalem iti, Barnabas mako�o õtuma, na�iki õna�aka Titus kapam. 2 Wuru�u õmakonuz na�iti Tominkaru dyuudan idi�o õgaru. �na�ian pu�u, õmiitiniipan soo choochi zowaunaanao tuma karikaonan. �aipan ĩaitapan wuru daua�a õkowaadapankaniaz Kaimana�o Kuwai Gentilenao ati, na�iki õabata�azon kaiman ĩ�ati oo aonaa. Usha�apanum kau�an aonaa õaipan õkaudin-kizi wuru�u õsha�apataniaz naa na�iki õsha�apaapaniaz kai makon madiwautapaka. 3 Mishi, ĩna�apata panyukunuu. Uruu idi aonaa ĩdyuudan õminauda�u Titus choota-kao Jewnao kakinaori kawana�ati, Gentile pu�u padamata uruu. 4 Wakadakotinan wuru dau�ana�a, usha�apanum kau�an pabi�i kida pidannao taapinpainao mishida�o kawan Jesus, morotan idi�o wabii ati. Ĩtukapa�azon idi karikaonan pakawan mani wada�anan Jewnao kakinaorinaa, wazaamatinpan pu�a�a naa Christ Jesus di�iti. Usha�apanum kau�an ĩnao, tuukii ĩaipan wamashaapan pakawan Jewnao kakinaorinaa waranu�u. 5 Mazan aonaa wakashaapinan ĩ�ati, aonaa masakauda�u. Usha�apanum kau�an waaipan idi wakazannaatapan unao ati wuru�u mishi�oraz kuwai, Kaimana�o Kuwai ida�a�oraz. 6 Na�iki choochi zowaunaanaouz, aonaa na�iam ĩikodan õkuwaa kasharutinpan, uruu idi aonaa ĩpana�adanuzu na�iki aonaa ĩtotokadanuzu. (Aizii wuru�u ĩtaapa-kaoaz umanawunuinao choochi zowaunaanao nii, aonaa usha�apan õ�ati, usha�apanum kau�an Tominkaru aonaa unaubaan bauda�apa�o pidan powa�a zii ba�oran ai.) 7 Mazan ĩaitapa Tominkaru wuru�u taa�oraz õkaudin-kizi nii, kowaadapa�o nii Kaimana�o Kuwai Gentilenao ati, na�apa utaan kawan kapam Peter ati kaudin-kizai, ukowaadapanuz Kaimana�o Kuwai Jewnao ati. 8 Usha�apanum kau�an Tominkaru ma�ozakan ida�an õzaamata-kao apostle nii Gentilenao ati, na�apa Peter zaamata-kao kawan apostle nii Jewnao ati. 9 Aizii James, Peter, na�iki John, umanawunuinao choochi zowaunaanao, ĩaitapa Tominkaru wuru�u taa�oraz kaudin-kizai õ�ati. Uruu idi kaiman ĩnyukunuu Barnabas na�iki õgaru kaudinan dau�an na�apa ĩnao kawan. Na�iki powa�a zii ĩma�ozakadan waunao wakowaadapa-kizi kaimana�o kuwai Gentilenao ati. Aizii ĩnao ĩkakuwaapatinan nii Jewnao ati. 10 Kaina�a bauda�apa aimaakan ĩaipan washa�apatan, pakawan kizi wakaminka�uupan pataka�utinainao, ĩchoochin ida�a ainaouz. Uruu manawun aimaakan tuukia�oraz õsha�apata�azon. 11 Aizii Peter morowautapankan dono Antioch ii, na�ii õparadan u�ati ma�ozaka�o ida�an, õkakinaota-kinaa nii uruu sakitapa�o di�iti. �paradan u�ati pidannao kanaapu�u, usha�apanum kau�an usha�apataniaz aimaakan tuukia�o upana�itin. 12 Uruu zi�o Peter kaawan dono Antioch ati, karikaonan da�i uaroopauzon Gentilenao tuma, mishidapainaouz Jesus. Mazan Jewnao, James di�ikiinaouz kaawan dono�o naa, aona�a naa powa�a uaroopan ĩtuma utaria�akan idi�i naa ĩnao ai, aipainaouz Gentilenao choota-kao. 13 Uruu idi baokoinao Jewnao mishidainaouz Jesus, ĩtamakapa�akan naa Peter, aona�a naa kapam ĩaroopan Gentilenao tuma. Na�iki Barnabas, upu�u zii una�apan kapam ĩnao kawan, ĩaitapan pu�u padamata aonaa sha�apa�o mani wuru�u aroapa-karuz Gentilenao tuma. 14 �tukapan idi�i naa aonaa ĩsha�apatinan Kaimana�o Kuwai kawana�ati, wuru�u mishi�oraz kuwai. Uru�u naa õparadan Peter ati ipai ba�orainao kanaapu�u. �kian u�ati, “Jew pugaru, mazan upu�u pumashaapan Gentile kawan, aonaa pusha�apatinan Jew kawan. Kandii ni�i naa mooko aizii puaipan Gentilenao mashaapan Jewnao kawan? 15 Mishi, pugaru na�iki õgaru, Jewnao wadaru na�iki wadaro nii, aonaa Gentilenao mani, dakota-kariwainaouz ‘oiainao’ nii. 16 Mazan waaitapa Tominkaru dakotan waunao kaimana�o pidan nii wamishidan ida�an Jesus Christ, aonaa waizo�atin ida�an mani Moses kakinaori. Ukau�an waunao, wamishidapanii Christ Jesus, Tominkaru dakota-kizi waunao kaimana�o pidan nii wamishidan ida�an Christ, aonaa waizo�atin ida�an mani Moses kakinaori. Usha�apanum kau�an aonaa na�apainim nii Tominkaru dakotan pidan kaimana�o pidan nii uizo�atipan ida�an Moses kakinaori." 17 Aizii waunao, wadawatan pu�u Tominkaru dakota-kinaa nii waunao kaimana�o pidan nii wamishidan ida�an Christ, mazan upu�u Jewnao dakotan waunao oiainao nii kapam, Gentilenao kawan. Ukau�an Christ aipan ati�o mooko wuru�u wa�oipanuz? Aonaa! 18 Mazan õkiwinan an powaa iti wuru�u kakinaorii õmuudaniaz naa, uruu ida�an õtukapa-kidan õdikintapan kakinaorii. 19 �garu mawaka�o kawanu�ora�a naa kakinaorii ai. Ukau�an aona�a naa powa�a õmashaapan kakinaorii waranu�u, õmashaapa-kizi�i naa pa�an Tominkaru ati. 20 �garu, õmishidan idi Christ, mawaka�o kawanu�ora�a naa õgaru Christ tuma cross ida�a. Aonaa õgaru�u naa mani kakupa�oraz, mazan Christ pa�an wuru�u mashaapa�oraz õ�ida�a, na�iki uru�u naa kazowautapa�oraz õgaru. �mashaapanuz naa, õmishidapan ida�ana�ora�a naa Tominkaru Dani, marainpa�oraz õgaru na�iki mawaka�oraz õ�ati. 21 �garu aonaa õkashadan Tominkaru kazannaatan waunao pakamunanun idi karikaonan. Usha�apanum kau�an umishiin an mani Tominkaru dakotan waunao kaimana�o pidan nii waizo�atipan ida�an Moses kakinaori, madiwautapa-ka�o karikaonan wuru�u Christ mawakanuz.

‹ Chapter 1 GALATIANS — All Chapters Chapter 3 ›

GALATIANS 2

Cite / Share This Page