EPHESIANS 1
WBT1 Diźoraz kaarita Ƶgaru Paul diźikiźo Tominkaru aipan kawanaźatiźoraz Ƶapostle-tinan Christ Jesus ati. Ćsaadan Ƶkaaritan ipai unao ati, Tominkaru pidanannao, Ephesus iainaouz, mishidainaouz manawun Christ Jesus. 2 Marii waDaru Tominkaru naźiki Naobanai Jesus Christ kamunanun uźati naźiki utaa kizi unyukunuu kaiman-kinaa nii. 3 Tuukii wakonaukii-kidan Tominkaru, wanaobanaa Jesus Christ Tominkarunuz naźiki uDaruz. Uruu wuruźu kamunanuźoraz waźati, utaan idaźan kaiman kidaźo aimaakan aokazi iki kidaźoraz wadoronaa ati, wamashaapa-kinaa nii, naźiki washaźapatin-kinaa nii kaiman. Wuruźu ushaźapatanuz waźati aimaakan kida kaikapaźa, uzaamatin-kidan idiźo waunao Christ idaźati. 4 Patoman uaźiaźo zii amazada, Tominkaru zaamatan waunao Christ idaźati; uzaamatan waunao uaipan idi waunao kaimanainao nii manawun paawun zaźa, aonaa kizi oiaźo ikoda-kao waźidaźa. Umarainpan idi waunao, 5 kotuaźoraźa naa udiźitapan wuruźu pazaamataźazoonuz waunao paudainao nii Jesus Christ shaźapatanii idaźan. Tuukii ukaimanan uźati wuruźu ushaźapatanuz aimaakan naźapa, panyukunuu kawanaźatiźo naźiki paaipan kawanaźatiźo. 6 Ukauźan wakonaukii-kidan Tominkaru ukamunanun idi manawun waźati. Mishi tuukii manawun utukapa-kidan pakamunanun waźati, wuru idaźanaźa udani umarainapanii shaźapataniaz. 7 Utorian waunao paudani izain shootan idaźan umawakan dono. Naźiki uizain idaźan waźoian mainaabata-kao. Naźapaźo idaźan Tominkaru tukapa-kidan waźati umanawunuźo pakamunanun, 8 naźiki dobata utukapa-kidan pakamunanun waźati, paaitapaaban idaźan naźiki paaitapan idaźan ipai aimaakan. 9 Aizii paaipan kawanaźatiźoraźa naa Tominkaru aida-kidan waźati aimaakan wuruźu kotuaźoraz utaapa-kidan mashaa panyukunuu ii, ushaźapataźazooniaz waźati, wuruźu Christ idaźanaźoraz naa ushaźapatan. 10 Kaikapaźo wuruźu uaipanuz pashaźapatan aimaakan: Pakainaatanii kamoo kaawan dono ubaokopataźazon ipai daunuudaźu aimaakannao wuruźu aokazi iainao naźiki imiźi baara anainao kidaz baudaźapaźo naobanai waranuźu, uruu wuruźu Christ. 11 Aizii ipai aimaakan kida shaźapata-kaoaz naźapa Tominkaru aitan kawanaźatiźo, naźiki uzaamatanii waunao papidanannao nii uzaamatin-kidan idaźan waunao Christ idaźati. Ushaźapanum kauźan kotuaźoraźa naa Tominkaru diźitapan wuruźu pazaamataźazoonuz waunao. Aizii umishiaźa naa wuruźu pashaźapataźazoonii kidaz naźapa paaipan kawanaźati. 12 Ushaźapatan aimaakan kaikapaźa waunao Jewnao ati, mishidainaouznaa Christ kiwiin, uaipan idi wakonaukii-kidan pamanawunun. 13 Naźiki unao panaźainaouz pidannao Jewnao ai, Tominkaru zaamataniźi naa kapam unao Christ idaźati, uabatan naźiki umishidan donoźoraz mishiźo kuwai, tawuruźu Kaimanaźoraz Kuwai Tominkaru kazannaatan dauaźoraz unao. Aizii ukainaabatan wuruźu pazaamatanuz unao, utaan idaźan Kaimanaźo Doronaa unao ati, ukowaadauzoniaz padyuudaźazon papidanannao idaźati. 14 Uruu Kaimanaźo Doronaa, Tominkaru kainaabata-kinaa mishiźo nii utaan wuruźu ukowaadaniaz pataaźazon diinaźitiźi. Wazaamatan nii wuruźu utaaźazooniaz aimaakan usoźotan donoźo naa waunao kaimanaiman papidanannao nii. Uruu idaźanaźo nii tuukii pidannao konaukii-kidan Tominkaru umanawunun. 15 Tominkaru kamunanun idi waunao ati, aonaa Ƶsookadan Ƶtoriinpan uźati unao dauźan, naźiki karikaonan daźi kapam Ƶkonaukii-kidan uruu unao dauźan, sariapa Ƶabatan diźikiźo unao unamunaa. Ćabata tuukii umishidan Naobanai Jesus, naźiki Ƶabata kapam ipai umarainpan Tominkaru pidanannao. Uruu idi Ƶtoriinpan kawanaźati, Ƶtoriinpan Tominkaru ati unao dauźan. 17 Karikaonan daźi Ƶtoriinpan Tominkaru ati, wanaobanaa Jesus Christ Tominkarunuz, uruu waDaru umanawunuźo. Ćtoriinpan marii kizi utaan unao ati uaitapaaba-kinaa nii manawun, marii kizi ukainaabatinan unao ati uaitapa kizi uruu kaimanaiman. 18 Naźiki Ƶtoriinpan, marii kizi Tominkaru daźatan unyukunuu kaimanaiman, uaitapa kizi naźapam ukaimanan naźiki umanawunuźo wuruźu aimaakan ukowaadaniaz pataaźazon papidanannao ati. Uruu idaźatiźo wuruźu udapadanuz unao naźiki uzaamatanuz unao papidanannao nii. 19 Naźiki Ƶtoriinpan uaitapa kizi wuruźu umanawunuźoraz maźozaka-karu wazootapaźoraz ipai aimaakan kida maźozakan; uruu maźozaka-karu idaźanaźo Tominkaru kaminkaźutan naźiki umaźozakadan waunao mishidainaouz. Naźiki uruu maźozaka-karu ukaiwaanii 20 pakakuda-kinaa nii naźiki pakadishita-kida-kinaa nii Christ pamawaka-kizi iki, naźiki usakanata-kidanuz padiwaźora antanapu aokazi ii. 21 Christ, uruu umanawunuźo naobanai naźii, uwazootapa ipai daunuudaźu wuruźu umanawunuinao naźiki maźozakainao kidaz doronainao, kai, diinaźitiźi naźiki karikaonanuźo nii. 22 Tominkaru aipan ati, Christ waranuitapan nii ipai aimaakannao. Naźiki Tominkaru zaamatan Christ kazowautapaźo nii wuruźu papidanannao mishidainaouz. 23 Christ uruu mishidainao zowauz, aizii Ä©nao unanaa. Christ idaźanaźo wuruźu mishidainao ikodanuz pakakupa-kinaa nii naźiki pamaźozaka-kinaa nii. Naźiki uruu wuruźu taaźoraz kakupa-kinai ipai aimaakannao ati, ipai amazada kawanaźati.