COLOSSIANS 3

WBT

‹ Chapter 2 COLOSSIANS — All Chapters Chapter 4 ›

1 Aizii unao, kadishita-kida-kariwainaou�u naa Christ tuma pa�ina�o mashaapa-karu ida�ati. Ukau�an udyautada�a naa unyukunuu, utiwautina�a naa aokazi ii kida�o aimaakan dau�ati, Christ sakanatapa-kizi ia�oraz Tominkaru diwa�ora antanapu. 2 Ukau�an udi�itinpa�a naa aokazi ii kida�o aimaakan dau�ati. Aona�a naa udi�itinpa�ana�a karikaonan soo imi�i baara an kida�o aimaakan dau�u. 3 Usha�apanum kau�an unao mawakainaou�u naa Christ tuma. Ukau�an pa�ina�ora�a naa unao, mazan aonaa pidan tukapanuzu, udikindapa-kao idi Christ ida�a Tominkaru kanaapu�u. 4 Aizii diina�iti�i Christ kaawan dono�o naa da�ati�i imi�i baara ati, na�apaini�o ni�i naa pa�an unao tukapa-kao utuma umanawunu�o na�iki konaunama�o-karu ii. Uruu wuru�u taa�oraz pa�ina�o mashaapa-karu. 5 Ukau�an marina�a naa ukaduz mawakan, wuru�u naudapa�oraz pasha�apaapan oia�o kiwiin; aona�a naa ukaminshu�u-tinpa�ana�a oo aona�a naa uda�awupa�ana�a zun oo daonaiora tuma umamazidakan pu�u ĩtuma; aona�a naa powa�a usha�apaapa�ana�a kakiba�azonnaa kida�o aimaakan uminshu�unao tuma; aona�a naa una�azootapaaka�ana�a, na�iki aona�a naa udi�itinpa�ana�a usha�apaapa�azon dau�u oii kida�o aimaakan. Na�iki aonaa uaipaabi�ia�ana�a powa�a zii manawun puraata oo sha�apauzii, ukaina�an pu�a�a naa dobata u�ida�a. Una�apan an utominkaruniitapan kawanu�o wuruzu�u. 6 Na�apa�o dikin ii Tominkaru pataka�utan nii udawun iti pidannao wuru�u dikintapainaouz uruu. 7 Unao, usha�apaapauzonii uruu kaduz oii kida�o aimaakan kiwiin, umamishidakan dono zii Christ. 8 Mazan aizii, aona�a naa turuu usha�apaapan powa�a di�oraz kaduz kida aimaakanu�u: uto�orauzon oo uto�ora�akauzon kanom sodi dikin ii karikaonan. Aonaa kizi usha�apatan oia�o aimaakan uiribannao ati, soo uto�oran idi karikaonan ĩ�ati. Aonaa kizi ukadakotin-kidan oo udakoopan pidan. Aonaa kizi powa�a ukaiwaan mapidankiika�o parada-karu, aona�a naa turuu na�apa kida�o koditan unao dako iki. 9 Mana�a naa umariidapaaka�ana�a powa�a. Usha�apanum kau�an unao umuudani�i naa wuru�u kiwiini�o ukaduz, naudapauzoz pasha�apaapan oii kida�o aimaakan. 10 Mazan aizii pa�inaada-kariwai�i naa unao. Tominkaru watomiki, wuru�u saabaapa�oraz na�iki pa�inaada�oraz ukaduz, uaipan idi unao paugaru kawan, na�iki mishi kizi�i naa uaitapan uruu kaimanaiman. 11 Uruu idi aonaa na�ia�oram pidan pana�a�o nii ĩtukapa-kao, ipai pidan tukapa-kao na�apa pa�idiwaru: Jewnao, wuru�u choota-kariwainaouz, na�iki Gentilenao, aona�oraz ĩchoota-kao, na�iki munapo�o wiizai sannao, na�iki to�oraba�o pidannao, na�iki torii-kariwai poitoruinao, na�iki wunaou�u aona�oraz poitoruinao mani, ipai ĩdyaun na�apa pa�idiwaru ĩtukapa-kao. Kanom pa�an wuru�u umanawunu�oraz utukapa-kao, soo Christ. Uruu wuru�u mashaapa�oraz ipai unao ida�a. 12 Aizii Tominkaru pidanannaou�u naa unao, uzaamatani�i naa unao, kaimana�o pidannao nii, pamarainpan ni�o. Ukau�an kaikapa�a naa pa�i umashaapa aizi�i: ukasha�ora-kida pataka�utinainao, na�iki kaiman utaapaaka, aonaa u�atadinpa�ana�a, ukarodapa uiribannao na�iki utuudapa unyukunuu usha�apata�azon ai dikauda�o aimaakan; 13 na�iki udadarada uto�oran ukasharuta-kao an; na�iki umarina�ata�a naa kasha�ora kida�o aimaakan sha�apatauzo-kariwaiz u�ati, na�apa waNaobanaa Jesus marina�atan kawan washa�apatanii kida oia�o. 14 Ipai�o nii unao sha�apatan wuru�u kaikapa kida�orazu�u. Mazan marainpaaka-karu, uruu pa�an wuru powa�a�o zii manawun uaiapa-kao utukapa-kidan. Usha�apanum kau�an marainpaaka-karu ida�ana�o wuru�u pidan bauda�apatanuz na�iki baokopatanuz panyukunuu pamashaapa-kinaa nii kaiman. 15 Marii kaimanaaka-karu Christ di�iki�oraz ma�ozakadapan unyukunuu, na�iki uruu ida�an kizi udi�itinpan kaiman. Usha�apanum idi Tominkaru zaamatani�i naa baokopa unao bauda�apa�o nanai ida�ati, mashaapa�o nii kaimanaaka�a naa umin-mishidannao tuma. Na�iki karikaonan “kaiman pukamunanun wa�ati” ukii Tominkaru ati. 16 Marii Christ daua�o kuwai mashaapan kaimanaiman unyukunuu ida�a. Uruu ida�an kizi uaitapan utominapa-kidaakan, na�iki ukakinaotaakan kaimanaiman. Na�iki uruu ida�an kizi mishi ukonaukii-kidan Tominkaru unyukunuu kaimanan ida�an, ukunuian ida�an wuru�u Psalms di�iki kida�oraz kunui, na�iki ba�oran kunui Tominkaru dau�u kida�oraz. 17 Na�iki kanom usha�apatanii, uparadan ida�an oo usha�apatinan ida�an, marii ipai usha�apatanuzu Naobanai Jesus uu ida�an. Na�iki karikaonan ukonaukii-kida Tominkaru waDaru, “Kaiman pukamunanun wa�ati” ukii kizi u�ati, Naobanaa Jesus ida�an. 18 Unao daiaroinao, mana�a uwazootapa�ana�a udaiarunao, uizo�ati ĩparadan, Naobanai Jesus pidanannao mashaapan aita-kao kawana�ati. 19 Unao daiaruinao, umarainapa udaiaronao, mana�a uto�orainpa�ana�a ĩ�ati. 20 Unao koraiziannao, uizo�ati udaru na�iki udaro paradan, ĩdyuudan an usha�apatan aimaakan. Kaimana�o nii Naobanai ati usha�apatinan an na�apa. 21 Unao daruinao, mana�a uto�orada�ana�a oo ukasha�orada�ana�a udainao; utaapan an ĩdyaun na�apa, ĩkashadinan ni�i naa patiwautinan ai. 22 Unao poitoruinao, uizo�ati ipai unaobanaanao paradan, usha�apata kaiman wuru�u ĩdyuudanii kidaz usha�apatan, mazan aonaa ĩawunuutapan idi mani karikaonan na�iki uaipan idi mani karikaonan ĩnaudapan unao. Mazan minziiwa usha�apata ukaudin-kizi, umarainpan na�iki uizo�atin ida�an Naobanai Jesus. 23 Kanom usha�apatan an, utiwaa usha�apatanuzu kaiman, unyukunuu kaimanan ida�an; na�apa pidan aipan kawan pasha�apatan kaimana�o aimaakan Naobanai Jesus ati, aonaa pidan ati�o kawan mani karikaonan. 24 Ukau�an usha�apata�a naa ukaudin-kizi kaiman, usha�apanum kau�an uaitapani�i naa Naobanai Jesus taan nii ukaudinan winipinaa nii, wuru idi�i umanawunu�oraz aimaakan usaabaaniaz naa papidanannao idiwau nii. Ukau�an Naobanai Jesus pa�an wuru�u uNaobanaaz, uruu ati�o pa�an wuru�u ukaudinanuz. 25 Mazan aizii pidannao sha�apaapan an oii kida�o aimaakan, Tominkaru pataka�utan nii ĩdyaun udikin ii, ipai�o nii pidannao pataka�uta-kao na�apa pa�idiwaru. Aonaa Tominkaru tukapan pidannao pana�a kida upataka�utan an ĩdyaun oia�o dikin ii.

‹ Chapter 2 COLOSSIANS — All Chapters Chapter 4 ›

COLOSSIANS 3

Cite / Share This Page