COLOSSIANS 1

WBT

‹ Chapter 0 COLOSSIANS — All Chapters Chapter 2 ›

1 Di�oraz kaarita õgaru Paul di�iki�o, Tominkaru zaamataniaz Christ Jesus apostlen nii, na�iki Timothy, wa�inawuzuitapaniaz di�iki�o kapam. 2 Unao ati�o wasaadan, Colosse sannao, buutinainaouznaa Tominkaru ati, ma�ozaka�oraz umishidapan Christ, na�iki wairibaniitapaniinaouz Christ ida�an. Watoriinpan marii kizi waDaru Tominkaru kamunanun ipai unao ati, na�iki utaa kizi unyukunuu kaiman-kinaa nii. 3 Na�apainim watoriinpan an Tominkaru ati, wanaobanaa Jesus Christ daruz, karikaonan da�i wakonaukii-kidanuz unao dau�an. 4 Usha�apanum kau�an waabatan idi umishidan Christ Jesus, na�iki waabata kapam na�apam umarainpan umin-mishidannao. 5 Aizii wuru�u umishidanuz Christ Jesus, na�iki wuru�u umarainpaakanuz, uaitapan idi mishi�o nii Tominkaru taan u�ati wuru�u pataa�azooniaz, kaina�a�oraz utaapan aokazi ii. Aizii uaitapan wuru dau�ana�a taa�azoo-kariwaiz, Kaimana�o Kuwai di�iki�o, uabatan dono�oraz ukowaada-kao. 6 Uruu kuwai wuru�u kowaada-kariwaiz naa ipai amazada kawana�ati, na�iki ma�ozaka ukaiwainan. Uruu idi iriba, iriba pidannao mishidan, na�iki tuukii ĩmishida�azon kaimanaimana�a naa. Na�apa tawuru kawanu�u, uru�oraz zii unao abatauzon mishi�o kuwai Tominkaru kamunanun dau�u, tuukii umishidanuzu. 7 Unao abatan wuru�u mishi�oraz kuwai Tominkaru kamunanun daua�oraz, Epaphras kakuwaapan idi�o u�ati. Uruu wamarainapanii, na�iki kaudina�o Tominkaru ati waunao kawan. Minziiwa ukaminka�uupan waunao, ukowaadapan ida�an kaimana�o kuwai, Christ dau�u unao di�ii�aka. 8 Uruu kowaada�oraz wa�ati na�apam Kaimana�o Doronaa taan marainpaaka-kinai unao ati. 9 Sariapa waabatan di�iki�o kuwai unao dau�u, aonaa wasookadan watoriinpan Tominkaru ati. Karikaonan wapishaan Tominkaru utukapa-kida kizi unao ati kanom manawun wuru�u uaipaniaz usha�apatan pa�ati. Utaa kizi uaitapaaba-kinaa nii, uruu ida�an kizi uaitapan wuru�u udau�u kida�oraz aimaakan. 10 Watoriinpan Tominkaru ati unao dau�an, usha�apanum kau�an waaipan idi umashaapan kaiman manawun Naobanai aipan kawana�ati. Umashaapan an na�apa, kaimana�o nii manawun Naobanai ati. Waaipan usha�apatinan kaiman ukaminka�uta kizi�i naa pidannao, na�iki uaitapa kizi�i naa Tominkaru dau�u powa�a zii manawun. 11 Na�iki wapishaan Tominkaru marii kizi utaan umanawunu�o pama�ozakan unao nyukunuu iti. Ukau�an pakawan pa�i umishidapa Christ, ma�ozaka kizi utaapan unyukunuu udau�ati, aonaa kizi ukashadinan upataka�uta-kao dono. Mishi�oraiman pakawan kizi ukonaukiitinan, 12 na�iki karikaonan “kaiman,” ukii waDaru Tominkaru ati. Usha�apanum kau�an uruu wuru�u saabaa�oraz unao, uaipan idi�i naa uzaamatan wuru�u umanawunu�oraz aimaakan usaabaaniaz naa papidanannao ati, kanada�o-karu ia�oraz. 13 Kiwiin wamashaapan maruta�o-karu�u, Satan kazowautapan idi waunao. Mazan aizii Tominkaru so�otani�i naa waunao u�ai, na�iki uzaamatan naa waunao paudani Jesus Christ pidanannao nii, uruu udani umarainpaniazu. 14 Uruu ida�ana�o uso�otan waunao Satan ai, na�iki uruu ida�an umainaabatan wa�oian wa�ai. 15 Aonaa na�apainim zii pidan tukapauzon Tominkaru, mazan paudani Christ ida�an pa�an utukapa-kidinan. Uruu udani kiwiitapa�o, na�iki uwazootapa ipai, ipai wuru�u toma-kariwainao kidaz aimaakannao. 16 Usha�apanum idi uruu Christ ida�ana�o Tominkaru toman ipai aimaakan, aokazi ii kida�o, na�iki imi�i baara an kida�o, ipai wuru�u tukapa-kariwai kidaz na�iki ipai wuru�u matukapa-kariwaika kidaz, ipai ma�ozaka kidainaouz angelnao, na�iki doronainao, oiainao na�iki kaimanainao, ipai ĩnaobanaanao na�iki ĩzowaunaanao kapam. Ipai wuru�u aimaakan kida toma-kaoaz Christ ida�ana�o, na�iki u�ati�o kapam ĩtoma-kao. 17 Ipai aimaakannao, pidannao na�iki amazada kida toma-kao ua�ii, Christ una�an naa karikaonan. Uruu ida�ana�o wuru�u pakawan toma-kariwainao mashaapan na�iki ĩzikadinan Tominkaru toman kawana�ati ĩdyaun. 18 Na�iki uruu wuru�u kazowautapa�oraz pananaa, mishidainaouz. Christ wuru�u mishidainao sakadin-kiziz, uruu di�iki�o ĩikodanuzu karikaonanu�o kakupa-karu. Na�iki uruu kiwiitapa�o Tominkaru kadishita-kidan mawaka-kizai iki, aonaa na�apainim nii umawakan powa�a. Usha�apanum kau�an uaipan idi soo uruu bauda�apa, umanawunu�o na�iki wazootapa�o nii ipai wuru�u patomaniinao kidaz. 19 Uruu idi kaiman Tominkaru ati na�iki paaipan kawana�ati�o wuru�u umashaapanuz kaiman-daun pauDani ida�a. 20 Na�iki Tominkaru muuda wuru�u pauDaniz kaimanaaka-kida�o nii patuma ipai patomaniinao. Uruu ida�ana�o wuru�u ipai toma-kariwainao, pidannao na�iki ipai aimaakannao imi�i baara an kidainaouz, na�iki aokazi ii kidainaouz kaimanaakan Tominkaru tuma. Aizii wuru�u Tominkaru kaimanaakanuz ipai patomaniinao tuma, ukashaapan ida�ana�o paudani Jesus Christ mawakan cross paawa�a, na�iki uizain shootan ida�ana�o. 21 Mishi kiwiin aonaa karikaonan unao aitapauzon Tominkaru. Tuukii utarubaitapanuz, usha�apaapan ida�an oii kida�o aimaakan, na�iki udi�itinpan idi oii kida�o dau�u pa�idiwaru. 22 Mazan aizii Tominkaru kaimanaaka-kidan naa pa�an unao patuma, pauDani Jesus Christ mawakan ida�an. Tominkaru sha�apatan aimaakan kaikapa�a uaipan idi patukapan unao pakanaapu�u kaimanainao nii manawun, na�iki so�otinainao oia�o ai utiwaa-kidapa-kao dono diina�iti�i, na�iki aonaa kizi oia�o ikoda-kao unao ida�a. 23 Mishi�o nii kaimana�o aimaakan sha�apan unao ati kaikapa�a, utaapan an ma�ozakaiman wuru�u umishidapanuz Christ, na�iki uma�ozakadan an umishidan kaimanaiman, na�iki karikaonan kizi�i naa uzaudapan wuru�u Tominkaru kowaadanii kidaz pataa�azon, Kaimana�o Kuwai ida�ana�oraz ukowaada-kidan. Unao ipai�i naa uabatan wuru�u Kaimana�oraz Kuwai. Uruu kapam kowaadapa-kariwaiz naa ipai pidannao ati ipai amazada kawana�ati. �garu Paul kaudina�o kapam wunao tuma�a kowaadapainaouz kaimana�o kuwai Jesus Christ dau�u. 24 Aizii konaukii õnyukunuu usha�apanum kau�an õpataka�uta-kao kaikapa�a õkakuwaapatinan dikin ia�o unao Gentilenao ati. Minziiwa õkashaapan õpataka�uta-kao Christ aipan kawana�ati, õkaminka�uta-kinaa nii mishidainao, wuru�u udakotapaniinaouz pananaa nii. 25 �garu, Christ pidanannao poitoru. Usha�apanum kau�an Tominkaru zaamatanii õgaru, kaudina�o nii, kowaada�o nii kaimanaiman paparadan unao Gentilenao ati. 26 Wuru�u kuwai oo uparadan udyuudaniaz õkowaadan, umanawunu�o aimaakan sha�apata�azoo-kao daua�o. Kotu�u, kotu�u mashaa Tominkaru taapan ipai pidannao ai wuru�u kuwaiz. Mazan aizii kaiman-daunu�u naa ukowaada-kao Tominkaru pidanannao ati, wuru�u mishidainaouznaa. 27 Konaukii Tominkaru kowaadan pataa�azon papidanannao ati wuru�u umanawun-karu Christ ida�a�oraz, uaipan papidanannao aitapan unao Gentilenao mishidainaouznaa ati�o kapam utaa�azon. Aizii wuru�u umanawun kida�oraz aimaakan ukowaadaniaz pataa�azon, Christ mashaapan dau�ati�o unao nyukunuu ii wuru�u una�apanuz. Uruu ida�an uaitapan mishi�o nii ubaokopatinan Tominkaru tuma umanawunu�o-karu ii diina�iti�i. 28 Uruu Christ daua�o wuru�u wakakuwaapatinanuz ipai pidannao ati. Kaimana�o ida�an wakakinaowan oo watominapa-kidan pidannao, waaipan idi Tominkaru tukapan ĩdyaun diina�iti�i turuudinainaou�u naa pa�idiwaru Christ ati. 29 Uruu idi�o dadara õkaudinan, atii kai. Christ taan idi pama�ozakan õ�ati õkaudin-kinaa nii, ma�ozaka õkowaadapan naa wuru�u kaimana�oraz kuwai.

‹ Chapter 0 COLOSSIANS — All Chapters Chapter 2 ›

COLOSSIANS 1

Cite / Share This Page