ACTS 19

WBT

‹ Chapter 18 ACTS — All Chapters Chapter 20 ›

1 Aizii Apollos kakuwaapatinan pu�u Corinth ii, Achaia Baara ia�oraz, Paul una�ian zii pa�an baza antanapu Asia Baara an. Uwa�atin atii ukaawan Ephesus ati. Na�ii uikodan mishidainao Jesus, 2 na�iki upishaan ĩdyaun kaikapa�a: “Kaimana�o Doronaa morotanii unyukunuu iti umishidan dono?” “Aonaa na�apainim zii waabatauzon Kaimana�o Doronaa dau�an,” ĩkian u�ati. 3 “Na�apa�oram mooko uchikaawunuu-kaoaz?” ukian ĩ�ati. “Na�apa John Chikaawunuupauzon kawan, utominapa-kidan kawana�ati pidannao,” ĩkian. 4 “Mazan John chikaawunuuan pidannao tanawatinainaou�u naa pa�oian ai, udyuudan idi ĩmishidan wuru�u kaina�iki�oraz uwa�atin padawu�ati. Uruu Jesus, dau�ana�o wuru�u una�apanuz,” ukian ĩ�ati. 5 Pidannao abatan idi uparadan na�apa, sariapa ĩchikaawunuu-kidinan Naobanai Jesus uu ida�an. 6 Uruu dauna�an Paul muudan naa paka�u ĩ�ida�a, sariapa Kaimana�o Doronaa morotan ĩnyukunuu kida di�iti. Na�iki ĩparadan naa ba�oran kaduz parada-karu kida ida�an. Na�iki ĩkowaadan naa kuwai Tominkaru di�iki kida�o. 7 Uikoda mani 12 wuru�u pidannaouz. 8 Idikinauda�u kauzu Paul na�ian, ukakuwaapatinan pidannao ati synagogue ii. Uaipan idi ĩmishidan, ma�ozaka ukakuwaapan, na�iki kaimanaiman ukowaadan ĩ�ati wuru�u Tominkaru naobanai-tinapanuz dau�u. 9 Mazan kaina�a pabi�i kida pidannao dikintapa, aonaa ĩmishida�azon Paul kuwaa. Na�iki iriba�o pidannao abatapan pu�u dikauda sodi kida ĩparadan, wuru dau�ana�a da�anainaouz “Jesus Kaduz.” Uruu idi Paul na�akan mishidainao pa�idiwaru patuma, tominpauzo-kizai dapunaa iti, Tyrannus idiwauz. 10 Na�ia�a naa utominapatin-kidan pidannao ipai kamoo, atii dya�utam wunu. Uruu idi ipai, ipai pidannao, Jewnao na�iki Gentilenao, wuru�u mashaapainao kidaz Asia Baara ii aka abatan wuru�u Paul kowaadanii kidaz Tominkaru paradan, Naobanai Jesus dau�u kida�oraz. 11 Tominkaru aipan ati Paul sha�apatan umanawun kida�o aimaakan aona�oraz pidan ka�iitan pasha�apatan. 12 Atii Paul linson, na�iki kamicha pishatapa�o umada, na�aka-kao karinainao di�iti, na�iki ĩpishata-kao u�idi sariapa ĩkakudan. Na�iki sariaapa�o nii kapam oia�o doronainao koditan pidannao di�iki. 13 Kaina�a kapam pabi�i kida Jewnao, chi�ikapan na�iki ĩso�oopan oia�o doronai kida pidannao ai. Sariapa ĩtamakapan ĩtiwaan kapam paso�otan oia�o doronai Naobanai Jesus uu ida�an. Ĩkian oia�o doronai ati, “Wakian pukodita Jesus tawuru�u Paul kowaadapaniaz uu ida�an,” ĩkian. 14 Sceva dainao wuru�u na�apainpainaouz. Aizii wuru�u ĩdaru Jewnao faadaan zowaunaa uruu, 7 wuru�u udainaouz. 15 Mazan oia�o doronai kian ĩ�ati, “�aitapanii Jesus na�iki Paul. Mazan unao, aonaa õaitapan,” ukian. 16 Upu�a�a naa mazan pidan, wuru�u oia�o doronai zaamatapaniaz, zaka�utina�akan naa ĩdyaun na�iki uzo�ii bi�ia�akan naa ipai ĩdyaun tuukia�o ida�an, ipai ĩmada izain, na�iki ipai kapam ukuzuua�akan ĩkamichan kida ĩmada iki. Uruu idi ĩkidoopan naa udapu iki, na�iki pamada kaziwan bii�i, ĩdima�akan naa u�ai kadimana�o ida�an. 17 Ipai Jewnao na�iki ipai Gentilenao, mashaapainao kidaz Ephesus ii abatan ipai wuru�u aimaakan sha�apanuz kaikapa�a. Uruu idi tuukii pidannao tarian, na�iki tuukii ĩdi�itinpan. Na�iki kaiman pa�idiwaru pidannao paradan Naobanai Jesus dau�an. “Ei, ma�ozaka�o mishi manawun uruu,” ĩkian. 18 Uruu dono iriba mishidainao kowaadan ipai oii kida�o pasha�apaapauzonii iriba�o pidannao abatapan pu�u. 19 Ba�orainao kida kowaadan na�apam pamarunao-tinpauzon. Mazan uruu dono ipai ĩna�akan naa pamarunao-tinpan kaaritannaa kida. Uruu idi pidannao kanaapu�u ipai ĩkawaodan wuru�u pakaaritan kidaz. Aizii ĩaitaan ipai wuru�u kaarita kida winipinaaz, dobata, dobata, ubaokopatinan uikoda fifty thousand wizi�i kida�o puraata. 20 Aizii mishidainao tukapan idi ma�ozaka kuwai pishatan pidannao nyukunuu, powa�a zii ĩma�ozakadinan pakakuwaatinan dau�ati. Uruu idi powa�a zii mishidainao iribainan. 21 Aizii ipai wuru�u aimaakan kida sha�apan dauna�an kaikapa�a, Paul di�itinpan, na�iki uaipan pamorowautapan wiizai kawana�ati kida wuru�u Macedonia na�iki Achaia Baara ii aka kida�oraz. Na�iki�o ni�i naa uaitan padobatan atii Jerusalem iti. Paul kian, “�kaawan dauna�an Jerusalem iti, õmakon nii na�iki õmorowautapa�anan nii kapam Rome iti." 22 Uruu idi udyuudan pamin-kaudinannao, Timothy na�iki Erastus kiwiitan Macedonia iti. Aizii Paul una�ia�akan zii pa�an Ephesus ii, Asia ia�oraz. 23 Mazan uruu dono�o naa pidannao to�oradinan Ephesus ii tuukii manawun, usha�apanum kau�an iriba�a naa ĩtukapan pidannao da�anan “Jesus Kaduz." 24 Kaina�a pidan Ephesus ii, Demetrius kia�o u�uu. Uruu tomapauzo iriba, iriba, tominkaruaba Artemis dapunaa dikin kida silver idi. Utomanuzu duusodi kida�a. Na�apa�o ida�an dobata, dobata uikodan puraata pa�ati, na�iki pidannao ati, wuru�u kaudinainao kidaz utuma. 25 Uruu idi udapadan na�iki ubaokopatan ipai pidannao kaudinainao patuma na�iki ba�orainao kida na�apa�o kapam ĩkaudinan ĩnao kawan. Na�ia�a naa ukian ipai ĩnao ati, “�paonarunao, aizii õparada�azon u�ati. Ipai unao uaitapa kanom kaduz wakaudin-kizi nii. Na�iki uaitapa dobata, dobata waikodan puraata watomanii kida ida�an. 26 Aizii utukapa, na�iki uabata ukinao idi na�apam Paul dikauda kian wuru dau�ana�a watomanii kidaz aimaakan. Ukian, ‘Wuru�u toma-kariwai kidaz tominkaru nii ka�ui idi�oraz, mazanu�o karikaonan, aonaa mishi�o mani.’ Uruu idi ipai�i naa una�apatan da�ainao pidannao nyukunuu, paparadan kawana�ati, atii ipai di�ii�aka�a Asia Baara kawana�ati kida, iriba�a naa ĩmishidan uparadan. 27 Aizii pidannao dakoopan ni�i naa watomapanii kidaz. Na�iki umanawunu�oraz watominkarunuaba Artemis, odapu tukapa-kao ni�i naa madiwautapa-ka�o nii karikaonan. Na�iki aona�o ni�i naa powa�a pidannao dyautan oroo, atii na�apa�o ni�i naa karikaonan omanyukunuuta-kao. Ipai unao, uaitapa ipai pidannao toriinpauzon o�ati, da�a�a Ephesus an, na�iki ipai Asia Baara ii aka, na�iki ipai ba�oran amazada kawana�ati kida." 28 Aizii pidannao abatankan idi una�apan, sariapa mishi ĩto�ora�akan, na�iki ĩkadakoina�akan naa diiwa, diiwa. “Ma�ozaka�o, na�iki umanawunu�o watominkaruaban Artemis, da�a�a Ephesus ida�a,” kia�o wuru�u ĩkadakoinanuz. 29 Uruu idi iriba, iriba pidannao kadakoinan diiwa�o ida�an, ĩto�oradinan naa mapidankiaka uruu wiizai di�ii�aka. Upu�a�a naa ĩikoda�akan Gaius na�iki Aristarchus. Sariapa ĩzaamatan ĩdyaun. Ĩnao Paul minauda�unao Macedonia iki�o ĩwa�atin. Ĩna�aka�akan naa kowas ĩnao pidannao baokopainpauzo-kizi iti. 30 Tuukii padamata Paul mako�ozon na�iti, pidannao kanaapu iti. Mazan aonaa mishidainao kashaapan umakon na�iti. 31 Kaina�ia�o kapam Paul paonarunao na�ii, tuubaru kidainao pidannao. Ĩnao dyuudan paparadan u�idi�iti, aonaa kizi umakon pidannao baokopainapa-kizi iti. 32 Aizii na�ia�a naa pidannao to�oradinan tuukii, ba�orainao kadakoinan pana�iti sodi kida�a naa karikaonan, usha�apanum kau�an, kaina�a pabi�i kida pidannao aonaa ĩaitapan kanom dau�ati�o manawun wuru�u pawa�atinuz. 33 Aizii Jewnao aipan idi pakazannaatinan, sariapa ĩzaamatan pabii iki Alexander parada�o nii pidannao kanaapu iti, marii kizi ukowaadan ĩ�ati aonaa ipai�o mani wuru�u Jewnao sha�apaapanuz aimaakan kaikapa�a. Soo Paul pa�an wuru�u na�apainpa�oraz. Sariapa Alexander sawadan paka�u, uaipan pidannao mashaadinan na�iki ĩabata kizi uparadan. 34 Aizii pidannao tukapankan naa uruu Jew, ipai baokopa ĩkadako�okan patumaaka kaikapa�a: “Ma�ozaka�o, na�iki umanawunu�o watominkaruaban Artemis da�a�a Ephesus ida�a,” kia�o wuru�u ĩkadakoinanuz atii tomunu�iki. 35 Upu�u mazan donoi zowaunaa kaawan ĩ�ida�ati, sariapa umashaatan wuru�u ĩkadakoinapanuz. Ukian ĩ�ati kaikapa�a: “Uabata õparadan Ephesus sannao. Ipai pidannao aitapan soo wawiizi Ephesus taapa�o wuru�u umanawunu�oraz tominkaruaba Artemis dapunaa. Na�iki ipai pidannao aitapan kaina�a kapam wataapan umanawunu�o kuba, oroo kawanu�oraz utoma-kao, tawuru�u waotauzoz aokazi iki. 36 Aonaa turuu pidan kashadan na�iki udakoopan watominkaruaban Artemis. Ukau�an usookada�a naa wuru�u ukaikapainpanuzu�u. Mana�a usha�apaapa�ana�a aimaakan madoronaa-daun. 37 Unao kaawa-kidanii wuru�u pidannaouz da�ati�i, ĩmasha�apatakan pu�u dikauda�o aimaakan, aonaa kanom ĩkoidapan watominkaruaban dapu iki, na�iki aonaa ĩdakoopan watominkaruaban dikauda�o ida�an. 38 Aizii Demetrius na�iki ipai umin-kaudinannao, ĩkaakapaa�azon an pidannao, marii pa�an ĩkaakapaan, na�iki ĩna�akan ĩdyaun Rome iki�o naobanai di�iti, na�ii kizi ĩkootowapa-kida-kao, kootowapa-karu kamoon dono. 39 Aizii unao mani, kaina�a zii uparada�azon aimaakan dau�an? Uparada�azon an, marii uabata-kidan wuru�u uparadan kidaz, wuru di�ia�a kabaun toma-kariwaiz kawiiziinao miitiniapa-kizi nii. 40 Aizii di�i wuru�u washa�apatanuz aimaakan kaikapa�a, kichana�iki-kia�o wuru�u, wato�oradinan mapidankiaka manawun. Aizii Rome iki�o naobanai abatan ana�a naa pa�i wuru�u wadikaudainapanuz, sariaapa�o nii upishaa-kidan waunao kanom dikin ia�o wuru�u wato�oradinanuz kaikapa�a. Aona�o nii waaitapan na�apam wakazannaatinan." 41 Donoi zowaunaa ipaian dauna�an paparadan kaikapa�a, usookada�akan naa miitiniapa-karu.

‹ Chapter 18 ACTS — All Chapters Chapter 20 ›

ACTS 19

Cite / Share This Page