2 TIMOTHY 4

WBT

‹ Chapter 3 2 TIMOTHY — All Chapters Chapter 5 ›

1 Aizii õparada�azon pu�ati ma�ozaka�o ida�an, Tominkaru abatapan pu�u, na�iki Christ Jesus abatapan pu�u, uruu tiwaa-kidapa�o ni�oraz na�iki pataka�uta�o ni�oraz ipai pidannao pa�oian dikin ii, ipai wuru�u kakupainaouz na�iki mawakainaouz. Uwa�atin idi kaina�iki unaobanai-tina�anan ipai pidannao ati. 2 Uruu idi tuukii manawun õkian pu�ati, pukowaada�a naa wuru�u kaimana�oraz kuwai, Tominkaru di�iki kida�oraz. Pukowaada�a naaz ipai sha�apa�oram pidannao ati, abata�azoinao ati oo maabata�azoo-kainao ati, upu�u pukowaadaz. Pukakinao ĩdyaun ĩsha�apaapan ai oii kida�o aimaakan. Na�iki puto�orau ĩdyaun ĩsookada kizi pasha�apaapan oii kida�o aimaakan. Na�iki puma�ozakada ĩnyukunuu putominapa-kida ĩdyaun kaimanaiman, kona�ia�o ida�an. 3 Kaina�a�o nii diina�iti�i, uruu aona�o ni�i naa manawun pidannao abata�azon wuru�u kaimana�oraz na�iki mishi�oraz kuwai, wuru�u wakowaadapaniaz. Mazan paaipan kawana�ati�o nii, ĩzaamatan nii pidannao, tominapa-kidainao nii paugaru, wuru kida dau�a�a tuukia�oraz manawun ĩabata�azon. 4 Mazan aizii wuru�u mishi�oraz manawun kuwai, aona�o ni�i naa ĩabata�azon. Soo ĩturukadinan ni�i naa pa�an paabata�azon dau�ati kotuainao kida kuwai, wuru�u pidannao tomanii kidaz karikaonan. 5 Mazan pugaru, puaitapin pa�i pa�an na�apam putaapinan, puzaudin na�iki ma�ozaka putaapa punyukunuu pusha�apatan ai na�apa kida�o aimaakan. Mana�a pukashadina�ana�a wuru aia�a pubaiatanuz dadara�o mashaapa-karu, oo pubaiatan to�ora-karu pukowaadapan dikin ii Kaimana�o Kuwai. Marii karikaonan pukakuwaapatin. Pusha�apata ipai pukaudin-kizi kaiman na�iki sakitapa, Tominkaru aipan kawana�ati. 6 Mazan aizii õgaru, maonapata�a naa pa�an õzowii-kao kamoon kaawan. Uruu dono�o ni�i naa õtaainan Tominkaru ati. Ukau�an aizii õmakon ni�i naa wuru amazada baara iki�i. 7 Mazan aata, õka�iita�a naa ipai õkaudin-kizi wuru�u Tominkaru taaniaz õsha�apatan nii. �sha�apata ipai õkaudin-kizi usakadin-kizi iki, atii utokon iti. Na�iki mishi, ma�ozaka õtaapan õmishidan wuru�u mishi�oraz kuwai, aonaa õpana�adanuz, mazan ipai õkowaadanuz sakitapa udyuudan kawana�ati. 8 Mazan kai, kaina�a�a naa umanawunu�o kowamai sarakada-karu nii õzowau ati, uruu õsha�apatinan idi�o mishi kaiman na�iki sakitapa Tominkaru awun za�a. Wanaobanaa Christ Jesus, sha�apata�oraz aimaakan sakitapa�o ida�an, uru�o nii taa õ�ati wuru�u kowamaiz diina�iti�i, wuru kamoo dono�o utiwaa-kidapanuz naa ipai pidannao. Mazan aonaa bauda�apa õgaru ati�o nii mani wuru�u umanawunu�oraz kowamai taa-kao. Mazan utaa-kao nii kapam ipai pidannao ati, wuru�u zaudapatinainaouz ukaawan, konaukia�oraz ĩtaapan panyukunuu patukapa�azon idi ukaawan. 9 Putiwaa pa�i puwa�atin kadiman õ�ida�ati. 10 Aizii Demas kashadina�a naa pamashaapan ai Tominkaru ati, tuukii umarainpan aimaakan imi�i baara an kida�oraz. Uruu idi uwa�akan õgaru, na�iki umakon Thessalonica iti. Aizii Crescens mako pa�an ukaudina�anan Galatia Baara iti, aizii Titus, Dalmatia Baara iti kapam ukaudina�anan. 11 Soo paba�oran Luke kaina�a õtuma. Puwa�atin an puna�aka pa�i Mark putuma. Usha�apanum kau�an turuu uruu kaminka�utan õgaru õkaudin-kizi dau�u. 12 Aizii Tychicus, õdyuuda uruu Ephesus iti. 13 Aizii puwa�atin an, puna�aka pa�i õchaakitan, õwa�akauzoniaz Troas ii. Carpus di�ii sha�atii õwa�akanuz. Na�apain puna�aka pa�i kapam tawuru�u kaarita kidaz, tawuru manawunu�u saada-kariwai kidaz kaznizo mada baara�a. 14 Alexander, tawuru�u tomapauzoz aimaakan kida chipirari ida�an, aonaa ukaimanan. Utoma dikauda manawun aimaakan õ�ati, uaipan idi pasha�apata-kidan õgaru dikauda�o ida�an. Mazan Tominkaru aitapan nii pa�an na�apam pasha�apatanuzu, una�apainpan winipinaa nii. 15 Puzaudinapa pa�i kapam u�ai. Usha�apanum kau�an tuukii manawun uto�oran, pamanaudapakan idi wuru�u wakuwaa kidaz. 16 Kiwiin, naobanai-tinpainao pidannao zaamatan õgaru õkakuwaapatinan dikin ii, na�iki ĩpishaan õgaru wuru dau�ana�a õkowaadapanii kidaz kuwai. Mazan õkazannaatin õaipan ati, aonaa bauda�apa pidan wa�atin kaminka�uta�o nii õgaru. Ipai ĩmakon õ�ai, ĩwa�akan õgaru õba�oran. Mazan õtoriinpan Tominkaru ati, marii kizi umarina�atan wuru�u aimaakan ĩsha�apataniaz õ�ati. 17 Mazan waNaobanaa, kaina�a uruu õtuma, aonaa pa�an uwa�akan õgaru, uruu taa�o õma�ozaka-kinaa nii. Uruu idi ma�ozaka õkakuwaapan Kaimana�oraz Kuwai Gentilenao ati. Uruu idi ipai daunuuda�u ĩabatan Kaimana�oraz Kuwai. Atii mishi aonaa õzowii-kao, waNaobanaa kazannaatan idi õgaru. 18 Mazan karikaonanu�o nii waNaobanaa kazannaatan õgaru, aona�o nii ukashaapan õantamikita-kao dikauda�o ida�an manawun. Una�akan nii pa�an õgaru kaiman aokazi iti, õmashaapa�an kizi�i naa pa�an utuma, unaobanai-tinapa kizi iti. Marii karikaonan pidannao konaukii-kidan soo uruu bauda�apa, umanawunun idi manawun. Amen. 19 �dyuudan õparadan Priscilla na�iki odaiaru Aquila ati, na�iki Onesiphorus ati, na�iki ipai pidannao ati wuru�u mashaapainao kidaz udapu ii. 20 Erastus kaina�ii uwa�akinan Corinth ii. Aizii Trophimus kaina�ii õwa�akan uruu Miletus ii, ukarinaan idi. 21 Putiwaa pa�i puwa�atin kadiman zoobaba, amazada wadidin ua�ii. Aizii di�i, Eubulus, Pudens, Linus, Claudia, na�iki ipai wuru�u mishidainaouz, ĩdyuudan kapam paparadan pu�ati. 22 Marii waNaobanaa Christ Jesus mashaapan putuma na�iki marii karikaonan Tominkaru kamunanun ipai unao ati.

‹ Chapter 3 2 TIMOTHY — All Chapters Chapter 5 ›

2 TIMOTHY 4

Cite / Share This Page