2 TIMOTHY 2

WBT

‹ Chapter 1 2 TIMOTHY — All Chapters Chapter 3 ›

1 Aizii pugaru õdani, ma�ozaka pukaudin na�iki ma�ozaka putaapa punyukunuu wuru ida�ana�a Christ Jesus taaniaz puma�ozaka-kinaa nii, pakamunanun idi�oraz manawun utaan pu�ati. 2 Aizii tawuru�u puabatanii kidaz õkowaadan iriba pidannao abatapan pu�u, pukowaada�a naaz pidannao ati dyautainao kidaz ĩnyukunuu Tominkaru paradan dau�ati. Marii kizi ĩtominpan kaiman, na�iki ĩnao kizi zaamata-kao, tominapa-kida�o ni�i naa kapam ba�orainao pidannao, ipai wuru dau�a�a paabatanii kidaz parada-karu. 3 Marii pubaiaapa pusha�apata-kao õgaru kawan, Christ Jesus dikin ii. Na�apa kizi pugaru kaimana�o soldyaa kawan. Kaimana�o soldyaa makon nii minziiwa, ubaiaapa�anan kasha�ora�o mizaataaka-kizai iti. 4 Aizii soldyaa kaudin-kizi taa-kao an, usha�apatan nii kaiman wuru�u unaobanaa taaniaz ukaudin-kizi nii. Usha�apanum kau�an kaiman uaipan panaobanaa nyukunuu. Aonaa turuu uturukadinan ba�oran kaduz kaudin-kizai dau�ati, wuru�u pana�a�oraz soldyaa kaudin-kizi kida ai. 5 Aizii dimaba�o pidan, uaipan an pazaamatan wuru�u konaunama�o aimaakan taa�azoo-kariwaiz, mazan aonaan an udiman kakinaorii kawana�ati, aona�o nii turuu uzaamatan wuru�u taa�azoo-kariwaiz dimaba�o pidan ati. 6 Aizii pidan wuru�u kaudina�oraz dadara pazakapun ii. Na�iki upaoriba aka dyuuan dono�o naa, uru�o nii kiwiin ka�idiwain wuru di�iki�i papaoriba aka kidaz. 7 Pudi�itapa kaimanaiman wuru�u aimaakan õkowaadanii kidaz pu�ati. Wanaobanaa kaminka�utan nii pudi�itinpan, na�iki utaan nii puaitapa-kinaa nii. 8 Karikaonan punyukunuitapa na�apam Jesus Christ, David takaan-daunuz, kadishita-kida-kao pabaaranaa iki. Uruu wuru�u õkuwaa ni�oraz, õkowaadapan Kaimana�o Kuwai udau�u. 9 Aizii õkowaadapan idi wuru�u Kaimana�oraz Kuwai, õpataka�uta-kao tuukii udikin ii. Atii õtaapa-kao taraa-kizai ida�a watuudinapa, na�apa pidan sha�apata�o kawan dikauda�o manawun aimaakan. Mazan Tominkaru Paradan aonaa turuu uwatuda-kao. 10 Aizii wuru�u õbaiatinanuz kaikapa�a Tominkaru pidanannao dikin ia�o uzaamataniinao kidaz. �kowaadapan ĩ�ati kaimana�o kuwai, õaipan idi ĩkazannaata-kao pamishidan ida�an Christ Jesus. Na�iki õaipan idi ĩmashaapan karikaonan Tominkaru tuma umashaapa-kizi ii, wuru di�ia�a konaunama�o na�iki kanada�oraz manawun. 11 Aizii di�oraz parada-karu ida�a, mishi�o kiauzo-karu: Aizii wamarina�atan an wa�oian kaiman-daun, na�iki wataapinan an mawaka�o kawan Jesus tuma, wa�oian dikin ii, mishi�o nii pa�an wakakupan karikaonan utuma. 12 Aizii wabaiatan an wuru�u pidannao pataka�utanuz waunao. Mazan diina�iti�i wakazowautapan nii utuma, unaobanai-tinapa kizi ii. Aizii wakian an, “aonaa mishi�o mani uruu” oo “aonaa wamishidan uruu,” na�apa�o nii kapam una�apan wadau�an, “aonaa õaitapan ĩnao,” ukian nii Tominkaru ati. 13 Aizii wamasha�apatinkan an waparadan kawana�ati. Mazan uruu pakawanu�o nii pa�an usha�apatinan paparadan kawana�ati. Usha�apanum kau�an aonaa na�apainim umamishiauzokan paparadan. 14 Karikaonan pa�i punyukunuu-kida ipai wuru�u parada-karu kidaz, wunao ati�i tominapa-kida�o ni�oraz pidannao. Ma�ozaka pukakinao ĩdyaun Tominkaru abatapan pu�u. Aonaa kizi ĩkashadaakapan sha�apa�oram parada-karu sodi kida dikin ii karikaonan. Aonaa kanom kaimana�o ikoda-kao kashadaaka-karu an na�apa kida�o parada-karu dau�an. Soo upozawaabi�ii-kidan naa karikaonan ipai pidannao, wuru�u abatapainao kidaz kadakotin-karu na�apa. 15 Ma�ozaka putiwain, putukapa-kida kizi Tominkaru ati mishi kaiman na�iki sakitapa pusha�apatan pukaudin-kizi u�ati. Aonaa kizi puba�azootin-kida-kao pukaudin-kizi dau�an. Mazan mishi kizi pa�an putominapa-kidan pidannao kaiman na�iki sakitapa, wuru dau�a�a, mishi�oraz kuwai, Tominkaru di�iki�oraz. 16 Mana�a pa�i puturukadina�ana�a kadakoinapa-karu an dikauda sodi kida�o parada-karu dau�u, wuru�u madiwaitapa-ka�oraz karikaonan. Usha�apanum kau�an pidannao wuru�u kadakoinpainao kidaz na�apa�o dau�an, ĩna�apainpan nii wuru�u atii ĩtanawatinan powa�a zii Tominkaru ai na�apa kida�o dikin ii karikaonan. 17 Aizii wuru�u ĩtominapa-kidanuz pidannao na�apa, una�itin utuubarudinan wuru�u, atii iriba�o nii upataka�uan pidannao. Na�apa�o nii u�udarudinan bishoi kawan, wuru�u bishoi unikan nii pidan mada atii u�udarudinan. Kaina�a dya�utam daonaioranao wunao bii a�a, na�apainaou�u naa. Hymenaeus na�iki Philetus kia�o ĩ�uu. 18 Na�iki ĩnao aona�a naa powa�a ĩmishidan wuru�u mishi�oraz tominapa-kinai, Tominkaru di�iki�oraz. Uruu idi ĩmariidapan naa pidannao, ĩkowaadapan naa ĩ�ati, kadishita-kida�aka-kaoa�a naa mishidainao pamawaka-kizi iki. Ĩkowaadapan idi na�apa kida�o, iriba ĩpozawaabi�ita-kidan pidannao nyukunuu. Uruu idi aona�a naa ĩaitapan na�ia�oram naa pamishida. 19 Mazan kaina�a mishi�o parada-karu Tominkaru di�iki�o. Aona�o nii na�apainim pidan pana�adan wuru�u uparadan kidaz. Kaikapa�a wuru�u uparadan kiauzonuz: “Naobanai aitapanii na�ia�oram pidannao zaamatinainao pa�ida�ati.” Na�iki ba�oran uparadan kian, “Ipai pidannao wuru�u kowaadainaouz pazaamatan Christ panaobanaa nii, marina�a naa ipai ĩtanawatinan, na�iki ĩmuudan wuru�u oii kida�oraz aimaakan ĩnaudapauzonii kidaz pasha�apaapauzon." 20 Kaina�a umanawun kida�o kabaunnao, unazo ii kaina�a toma-kariwai pabi�inaaka kida�o boonnao, kooponao, na�iki parapinao. Pabi�i kida ĩtoma-kao gold idi na�iki silver idi. Ba�orainao kida toma-kao kubai idi na�iki atamun idi. Aizii wuru�u toma-kariwainao kidaz, pabi�i kida ukaiwaa-kao, umanawunu�o aimaakan sha�apaapa-kao dono�o nii. Ba�orainao kaiwaa-kao nii na�apam karikaonan. 21 Aizii pidan, na�apa kapam. Na�ia�oram pidan saabaan an panyukunuu ipai oia�o ai, Tominkaru kaiwaan niiz umanawunu�o sha�apainapa-karu dono kida, usha�apanum kau�an utaainan idi panaobanaa ati. Na�iki Tominkaru kaiwaan nii uruu sha�apata�o nii kaimana�o na�iki umanawun kida�o pa�idiwaru aimaakan pa�ati. 22 Aizii ipai aimaakan wuru�u punaudapauzonii kidaz pusha�apaapan pupa�inan dono, marina�a naa. Mana�a naa putaaina�ana�a, na�apa kida�o aimaakan ati. Mishi�oraiman puma�ozakada�a naa punyukunuu, mishi kizi pumashaapan kaiman, na�iki mishi kizi ma�ozaka putaapan pumishidan, na�iki mishi kizi pukamarainapanun, kaiman kizi kapam putaapan punyukunuu pidannao tuma, wunaou�u kaimana�oraz pa�an ĩtaapan panyukunuu. Panyukunuu kaimana�o di�iki�oraz pa�an ĩtoriinpauzon Naobanai Jesus ati. 23 Mazan na�apainim kashadaaka-karu an, parada-karu oo kanom sodi kida dau�an, wuru�u mazanu�o oo madiwautapaka kida�oraz karikaonan, mana�a punyukunuupa�ana�a na�apa kida�o sha�apaapa-kao, munapo pumashaapa na�apa kida�o ai. Usha�apanum kau�an puaitapa kaimanaiman wuru�u na�apa kida�oraz aimaakan, toma�o karikaonan to�orataaka-karu oo zunaapaaka-karu. 24 Aizii pidan, wuru�u Naobanai Jesus poitoruitapaniaz, aona�a naa turuu uzunaapaakan, mazan marii pa�an ukaimanan ipai pidannao ati. Na�iki marii kizi utominapa-kidan pidannao kaimanaiman, na�iki aonaa kizi ukashadinan. 25 Na�iki uru�o nii kakinaota pidannao, wuru�u dikintapainao, na�iki kashadainao kidaz ukuwaa, ukakinaowan nii ĩdyaun kaiman, kona�ia�o ida�an. Panaadon bauda�apa kamoo Tominkaru aipan ati, ĩpana�adinan nii zii wuru aia�a pamamishidakanuz, na�iki wuru aia�a padi�itinpanuz pana�iti kida. Uruu dono�o nii zii ĩaitapan na�iki ĩmishidan wuru�u mishi�oraz kuwai, Tominkaru di�iki kida�oraz. 26 Na�iki uruu dono�o nii zii ĩaitapan udikaudan wuru�u pasha�apaapauzonii kidaz aimaakan, Uruu idi ĩkazatinan ni�i naa Satan mariidapan ai paugaru. Uzaamatapauzonii ĩdyaun kaimanaiman. Na�iki ipai ĩizo�atiizon wuru�u Satan aipauzonii kidaz usha�apata-kao pa�ati.

‹ Chapter 1 2 TIMOTHY — All Chapters Chapter 3 ›

2 TIMOTHY 2

Cite / Share This Page