2 CORINTHIANS 10

WBT

‹ Chapter 9 2 CORINTHIANS — All Chapters Chapter 11 ›

1 �garu Paul, tuukii õparada�azon unao ati kaimana�o ida�an, na�apa Christ paradauzon kawan. Aonaa õto�oran bii a�o mani õparada�azon unao ati. Mishi kaina�a pabi�i kida unao kian õdau�an, “Aonaa mishi�o mani wuru�u uparadan ma�ozakanuz, soo pamunapon idi�o karikaonan uma�ozakatinpan. Mazan ukaawan an da�ati�i, aonaa uka�iitauan paparadan na�apa wakanaapu ati,” ĩkian. 2 Aizii õkia�azon unao ati ma�ozaka�o ida�an, upana�ada�a naa wuru�u udi�itinapanuz dikauda kida�o dau�u, aonaa kizi õparadan unao ati ma�ozaka�o ida�an õkaawan dono u�idi�iti. Mazan na�apa�o õdi�itinpan õparada�azon dau�an ma�ozaka�o ida�an wunao ati�i dakotainaouz wamashaapan na�iki washa�apatinan mamishida-kainao kawan. 3 Na�apa mishi waunao mashaapan da�a�a imi�i baara�a ipai ba�oran pidannao kawan, mazan aonaa wamizaataakapan kadakotin-kidainaouz waunao tuma, mamishida-kainao mizaataakapan kawan. 4 Wuru�u mizaataaka-kinai wakaiwaapanii kidaz aonaa pidannao imi�i baara sannao kaiwauzonii kawanu�o mani, mazan umanawunu�o mizaataaka-kinai Tominkaru di�iki�o. Uruu ida�an turuu wamainaabata-kidan Tominkaru taruba ma�ozakatinapa-kizi. Na�iki uruu ida�an turuu wamashaatan pana�iti�o kadakotin-karu Tominkaru paradan ai, 5 na�iki turuu wamainaabatan u�ida�an wuru�u pidannao atadinapa-kinaa kidaz, ĩawautapa-kinaa kidaz pidannao ĩaitapa�azon Tominkaru dau�ana�o kuwai. Na�iki uruu ida�an turuu kapam watanawatan pidannao nyukunuu kashadamikinao, ĩizo�ati kizi Christ paradan. 6 Aizii unao tukapa-kidan dauna�an mishi�o uizo�atin na�iki uda�ana�azon Christ, uruu dauna�an wakakinaowan nii ma�ozaka�o ida�an wunaou�u aona�oraz ĩizo�ati�izon Christ kakinaori. 7 Unao tuukii umishida�akauzon sha�apa�oram pidan paradan, aonaa udi�itapan kiwiin wuru�u ĩparadan kidaz. Unao bii�i kaina�a pidannao, ĩkian ĩnao mishi�o pa�an Christ poitoru manawun. Marii ĩdi�itapan wuru�u pamishidapanuz, ĩtukapa kizi, na�iki ĩaitapa kizi waunao mishi�o kapam Christ poitoru, na�apa ĩnao kawan. 8 Dobata mishi õatadinpan Tominkaru taan dau�an umanawunu�o kaudin-kizai õ�ati, mazan aonaa õkiba�azoo-kidan õatadinpan. Usha�apanum kau�an utaan õ�atizu õkaminka�uta-kinaa ni�o unao, umishidapa kizi powa�a zii, aonaa õwaota-kida-kinaa ni�o mani unao umishidapan ai Christ. 9 Mazan aonaa õtarii-kida�azon mani unao kaiwuru�u õsaadanuz õparadan kaikapa�a. 10 Kaina�a pabi�i kida unao, ukian õdau�an, “Tuukii uma�ozakatinpan pakaaritan ida�an, mazan ukaawa�akan dono wabii ati, aona�o nii uka�iitauan paparadan wa�ati ma�ozaka�o ida�an." 11 Mazan õaiapa wuru�u pidan na�apa�oraz uparadan aitapan ipai wuru�u wasaadanii kidaz waparadan wakaaritan ida�a, na�apainim wakaawan dono unao di�iti mishi�o nii washa�apatinan na�apa wakian kawan wakaaritan ida�a. 12 Waunao aonaa wapatumaaka-dina�azon wakaudin-kizi ida�an wunao tuma�a dakotinpainaouz umanawunu�o Christ poitorunao nii ipai ba�orainao ai. Mazan wuru�u ĩdakotinapanuz umanawunu�o Christ poitoru nii, pa�ida�a�o karikaonan, uruu idi ĩabatinpan umanawun nii. Mishi�oraiman maaitapin-ka�o pidannao wuru�u na�apa�oraz ĩdi�itinpan. 13 Waunao, aonaa turuu wa�atadinpan na�apa. Aonaa wa�ida�a�o mani wuru�u wakaudinanuz, mazan wamakon soo wadyuuda-kizinao di�iti kida�o pa�an. Usha�apanum kau�an wakaudinanuz ipai unao wiizi ida�an Tominkaru aitanii kawana�ati�o. 14 Uruu idi aona�o nii wamakon unao wiizi dawun iti, aonaa wa�atadinpa�azon. Aonaan an mani waikodinauzon unao atii uwiizi iti kotua�a naa, turuu mani wadakota-kao atadinpainao nii. Mazan waunao sha�atii kiwiini�o wakaawa-kidauzon unao di�iti, Kaimana�o Kuwai Christ daua�oraz. 15 Na�iki aonaa wa�atadinpauzon ba�orainao sakadanii kaudin-kizai kida ida�an. Mazan waaitapa na�iki wamishida unao mishidan nii powa�a zii wuru�u Christ daua�oraz kuwai. Una�apan an udarudina�o nii wuru�u wakaudin-kizi. 16 Ukau�an turua�o ni�i naa wamakon uwiizi dawun itinapu kida�o wiizai di�ii�aka wana�akan Kaimana�o Kuwai, marii kizi na�ii�akainao pidannao abatanuz. Mazan aonaa pidannao kakuwaapatin kizi di�ii�aka�o nii mani wuru�u wakakuwaapatinanuz. Usha�apanum kau�an aonaa wa�atadapa�azon wakaudinan ba�oran pidan kaudin-kizi ii aka. 17 Na�apa usaadinpan kawan Tominkaru paradan ida�a: “Na�ia�oram pidan atadinpa�azo�o pakaudin-kizi dau�an, marii pa�an u�atadinpan Naobanai Tominkaru sha�apatanii kida dau�an." 18 Pidan pa�ida�a�o karikaonan udakotinpan umanawunu�o nii, madiwautapa-ka�o wuru�u, aonaa turuu ukuwaa mishida-kao. Mazan pidan wuru�u Tominkaru tukapa-kidaniaz umanawunu�o nii, turuu pa�an ukuwaa mishida-kao.

‹ Chapter 9 2 CORINTHIANS — All Chapters Chapter 11 ›

2 CORINTHIANS 10

Cite / Share This Page