1 TIMOTHY 5

WBT

‹ Chapter 4 1 TIMOTHY — All Chapters Chapter 6 ›

1 Mana�a pukashadakowaua�ana�a tunarunao-tinpa�ora�a naa pidan, putukapan an usha�apatan dikauda�o aimaakan. Mishi�oraiman puparada na�iki pukakinao uruu kaiman, na�iki kona�ia�o ida�an, na�apa puparadauzon kawan pudaru ati. Aizii pa�inainao daonaioranao ati na�apa kapam puparada, kaimana�o ida�an, na�apa puparadauzon na�iki pukakinaowauzon kawan pu�inawuzunao. 2 Aizii putukapan an zunnao, maskonnao-tinpainao kida�a naa sha�apatan dikauda�o aimaakan, puparada na�iki pukakinao ĩdyaun kaiman kona�ia�o ida�an, na�apa puparadauzon kawan pudaro ati. Aizii pa�inainao zunnao sha�apaapan an dikauda�o aimaakan, na�apa�o nii kapam puparadan ĩ�ati, kaimana�o, na�iki kona�ia�o ida�an. Na�apa puparadauzon, na�iki pukakinaowauzon kawan pudadakoonao kaimana�o ida�an, aonaa madoronaa-daun mani. 3 Pukamunan-kida, na�iki kaiman putaapa zunnao wuru�u mawakainaouznaa ĩdaiarunao, mashaapainaouz pa�ida�a na�iki paba�oran manawun. 4 Mazan aizii mawakaiba odaiaru kaudainaoun an zii, na�iki okatakaannaoun an zii, marii ĩnao kataapan oroo. Marii kizi ĩnao tukapa-kida kiwiin pidannao ati, na�apam mishidainao taapan pairibannao. Na�apa�o ida�an kizi ĩtukapa-kidan na�iki ĩkawadauntan powaa iti wuru�u ĩdaronao na�iki ĩko�okoonnao sha�apatauzonii kidaz ĩ�ati kotua�a naa. Usha�apanum kau�an tuukii Tominkaru konaukii-kidan patukapan na�apa kida�o aimaakan sha�apata-kao. 5 Aizii zun mawakaiba odaiaru, mashaapaibazo pa�ida�a na�iki paba�oran manawun, aonaa kanom ba�oran kaina�a kaminka�uta�o nii oroo. Uruu idi odopian na�iki otaapan panyukunuu soo bauda�apa Tominkaru ati karikaonan. Ipai kamoo na�iki ipai maruta�o otoriinpan kawana�ati, opishaan u�ati pakaminka�uta-kao. 6 Mazan aizii zun wuru�u mawakaibazo naa odaiaru mashaapan an madoronaa-daun, mawaka�o kawanu�ora�a naa otukapa-kao padoronaa ii, okakupan pu�u padamata. 7 Ukau�an pukowaada ĩ�ati ipai wuru�u di�oraz kakinaorii kida�a. Aonaa kizi ĩsha�apaapan oo ĩtukapa-kidan dikauda kida�o pakaduz, aonaa kizi kapam ĩkadakotin-kida-kao. 8 Mazan aizii na�ia�oram pidan mishida�o, aona�o utaapa�azon pairibannao, aitaniiman umataapa�azookan an padaro oo pako�okoon manawun, uruu tanawatina�ora�a naa pamishidan ai wuru�u na�apa�oraz pidan. Uruu idi udawun iti�ora�a naa manawun uruu wunao aia�a pidannao mamishida-kainaouz. 9 Mazan aizii zunnao, aona�oraz zii ĩmaskonnaoun tuukii, wuru�u mawakainao kidaz naa ĩdaiarunao, aonaa pa�i pa�an pusaada�ana�a ĩ�uu. Soo wunao pa�an pusaada, ikodainaouznaa 60 wunu. Baukapa�oraz omazidauzon, 10 na�iki kaimana�oraz okaduz aitapa-kao. Na�iki kaimana�oraz kapam odyaupaitan ipai paudainao. Na�iki konaukii-kidauzoz na�iki karikaonanu�oraz onaubauzon tawarainao kaawan padapu ati. Na�iki taapaibazo ipai mishidainao kaiman, na�iki chikauzoz ĩkidiba ĩkaawan an odapu ati. Na�iki kaminka�utauzoz pidannao, dopitainao na�iki kasha�oratinainao. Na�iki wuru�u sha�apatauzoz soo kaiman kida�o pa�idiwaru aimaakan. 11 Mazan aizii zunnao, aona�oraz zii ĩmaskonnaoun kida tuukii, wuru�u mawakainaouznaa ĩdaiarunao, aonaa turuu pa�an ĩ�uu saada-kao zii. Panaadon kaina�a�o nii zii ĩdi�itinpan daonaiora dau�u na�iki pamazidan dau�u. Na�apa�o ida�an ĩtanawatinan Christ ai. 12 Na�iki uruu ida�an ĩtukapa-kidan na�apam ĩmariidan karikaonan paparadan, pakiauzon kawana�ati u�ati kiwiin. 13 Na�iki aona�a naa kanom ĩsha�apata�azon, soo ĩchi�ikina�azon karikaonan, na�iki ĩkadakotinan ba�orainao dau�u. Na�iki ĩaitapa�azon ba�orainao sha�apaapanii dau�an, na�iki ĩkadakoinapa-kidan ipai aimaakan pidannao sha�apaapanii kida, wuru�u aona�oraz padamata turuu ĩkowaadapan. 14 Ukau�an õkian, marii pa�an ĩmazidan wuru�u aona�oraz zii ĩmaskonnaoun tuukii, aizii ĩkaudanin an uruu ĩtaapan ni�i naa paudainao, na�iki ĩtaapan ni�i naa padapu kaiman. Aizii ĩmashaapan an na�apa, aona�o nii to�oratinainao wa�ati ikodan dikauda�o pakadakotin-kida-kinaa nii waunao. 15 Usha�apanum kau�an kaina�a�a naa ba�oran zunnao mawakainaouznaa ĩdaiarunao, tanawatinan na�iki ĩda�anan naa Satan. 16 Mazan aizii na�ia�oram zun mishida�o, na�iki kaina�a�o oiribannao mawakainaou�u naa ĩdaiarunao, marii otaapan oo okaminka�utan ĩdyaun. Aonaa kizi ba�oran mishidainao mizidinan ĩdau�an. Marii kizi pa�an mishidainao taapan, na�iki kaminka�utan wuru�u mairibanu�oraz na�iki pa�ida�a�oraz manawun ĩmashaapan. 17 Aizii choochi zowaunaanao, wuru�u kaudinainaouz kaiman, pakazowautapan dau�u choochi. Marii kaiman zoobaba ĩtaapa-kao, marii ĩkawinipinaata-kao powa�a zii, aitaniiman wuru�u kaudinainaouz manawun dadara, pakowaadapan dau�u Tominkaru paradan, na�iki dadara kapam ĩkaudinan ĩtominapa-kidan pidannao Tominkaru paradan kawana�ati. 18 Usha�apanum kau�an saada-kariwai Tominkaru paradan kian, “Mana�a udo�otauzo�ona�a tapi�iza dako, poroom aka dakazaapa-kida-kao an u�ati.” Na�iki “Kanom kaudina�o marii ukawinipinaata-kao." 19 Mana�a punyukunuupa�ana�a puabatan an pidan kowaadan choochi zowaunaa sha�apatan dikauda�o aimaakan. Soo mishi puabatan an zii na�apauda�um pidannao di�iki, dya�utam oo idikinauda�u pidannao, tukapainao manawun, kakuwaapan an zii udau�u. 20 Uruu dauna�an turua�a naa pa�an puparadan oo pukakinaowan uruu, ipai mishidainao abatapan pu�u. Marii kizi kapam ba�orainao kichana�ikin pasha�apaapan ai na�apa kida�o oia�o. 21 Tominkaru, na�iki Christ Jesus na�iki kaimana�o angelnao abatapan pu�u õkia�azon pu�ati. Tuukii manawun õaipan puizo�atin wuru�u di�oraz kakinaorii kida�a. Aonaa kizi pukazannaatan pabi�i kida pidannao, wuru�u pumarainapaniinaouz, ĩsha�apatan an oia�o. Mazan marii kizi pukakinaowan ipai pidannao patumaaka na�iki sakitapa parada-karu kawana�ati. 22 Mana�a puzaamata�aka�ana�a kadiman manawun pidannao kazowautapa�o nii choochi. Na�iki aonaa pupatumaaka-dina�ana�a pidannao tuma ĩsha�apaapan dono oia�o. Pumashaapa kaiman, aonaa pu�oiipa�ana�a. 23 Mana�a pa�i putuza�ana�a wunu pa�idiwaru, putuza masakauda�u kida wine putoba kaziwan idi. Usha�apanum kau�an mapuda manawun pukarinaapatinauzon. 24 Kaina�a pabi�i kida pidannao kaiman-daun ĩ�oian tukapa-kao, aonaa na�itim udiza-kao. Na�iki ipai pidan aitapan pataka�uta-karu nii ĩdyaun. Mazan kaina�a ba�orainao ĩ�oian tukapa-kao nii oo uaidinan nii diina�iti zii�i ĩkootowapa-kida-kao dono. 25 Na�apa kapam pabi�i kida pidannao wuru�u sha�apatauzonao kidaz kaimana�o pa�idiwaru aimaakan. Kaiman-daun ĩkaimanan tukapa-kao, na�iki ba�orainao aonaa ĩtukapa-kidan pakaimanan, mazan aonaa na�itim ĩdizan wuru�u pakaimannuz.

‹ Chapter 4 1 TIMOTHY — All Chapters Chapter 6 ›

1 TIMOTHY 5

Cite / Share This Page