1 PETER 2
WBT1 Ukauźan umuudaźa naa oii kidaźo, wuruźu umariidinauzonuz, utaapinpauzonuz mishiźo kawan ukaimanan, ukishauzi-shorinuz, naźiki ukadakotinauzonuzu uiriban dauźu. 2 Umashaapa naźapa paźinaźo koraidaonaa shakataźakan kawan, zamaziźoraz naźiki aipaźoraz soo padaro dunuu karikaonan. Ukauźan naźapaźa naa uzamazi Tominkaru paradan dauźati. Uruu koraidaonaa daro dunuu kawanuźo uźati. Kaimanaźo nii udyaupain uźidaźan, naźiki maźozakaźo nii umishidapan Tominkaru, naźiki ukazannaatinan nii. 3 Ushaźapanum idi utiwaaniźi naa naźapam Naobanai kaimanan naźiki naźapam ukamunanban. 4 Uwaźati Naobanai Christ idaźati, kakupaźoraz kuba idaźati. Pidannao kashadaniaz, mazan Tominkaru zaamata uruu umanawunuźo nii. 5 Uwaźati kakupaźo kubanao kawanuźo nii kapam, ukaiwaa-kizinao kizi Tominkaru Dapunaa toma-kinao nii Kaimanaźo Doronaa idaźan. Naźiki ukaudin-kizi kaimanaźo faadaanao nii Tominkaru ati, naźiki taainaźo nii Tominkaru ati uaipan kawanaźati, Jesus Christ idaźan. 6 Ushaźapanum kauźan kaikapaźa saada-kariwai Tominkaru paradan kianuźu: “Utukapa, Ƶmuudan kuba Zion ii, zaamata-kariwaiz umanawunuźo kuba kabaun kadishita-kida-kinao. Aizii kanom mishidaźo uruu, aonaźa nii ubaźazootin-kida-kao umishidan dikin ii uruu." 7 Unao mishidainao ati umanawunuźo wuruźu kubaz. Mazan mamishida-kainao ati, “Wuruźu kuba tomapauzonao kabaun kashadaniaz, madiwautapa-kaźoraz Ä©tukapan, uruźu naa mishiźoraiman umanawunuźo kuba ipai baźoran kubanao ai." 8 Baźoran saada-kariwai kian kapam. “Uruu kuba tukurutin-kidaźo pidannao, naźiki uruu kuba kaboina-kidaźo Ä©dyaun.” ÄØtukurutinan pamamishidakan idiźo uruu dauaźo parada-karu. Mishiźo mazan Tominkaru aitan kawanaźati wuruźu naźapaźoraz shaźapan Ä©źati. 9 Mazan unao Tominkaru zaamataniinao paźan papidanannao nii, kaudinainao nii faadaanao nii, uruu Naobanai ati, naźiki unao Tominkaru buutanii kaimanaźo pidannao nii. Tominkaru idiwau unao, kakuwaapaźo nii umanawunuźo ushaźapatanii kida dauźati. Unao Tominkaru soźotanii umashaapa-kizi marutaźo bii iki, konaunamaźo pakanadan idaźati. 10 Kiwiitapa aonaa Tominkaru pidanannao mani unao, mazan aizii upidanannao unao. Kiwiitapa aonaa Tominkaru kamunan-kidan daźi unao, mazan aizii Tominkaru kamunan-kidaźa naa unao. 11 Ćmarainapanii Ƶiribannao, Ƶparadaźazon uźati, umashaapan idi tawarainao nii diźoraźa amazada idaźaźa. Ukauźan aonaźa naa ushaźapaapaźanaźa dikauda kidaźo aimaakan unaźazootapanii kida, naźapa kidaźo patakaźuan nii unao umashaapan ai kaiman. 12 Karikaonanuźu naa umashaapa kaiman mamishida-kainao Tominkaru biiźi. ÄØdakotan puźu ushaźapaapan dikaudaźo aimaakan, mazan Ä©tukapa kizi paźan ushaźapatan kaiman kidaźo aimaakan, uruu idi Ä©mishidan nii Tominkaru. Aizii Tominkaru kaawan donoźo naa, Ä©konaukii-kidan nii umanawunun. 13 Naobanai Christ aipan ati, uizoźati pidannao paradan taa-kariwainaouz wanaobanaanao nii. Uizoźati king, umanawunuźoraz unaobanai-tinpan. 14 Naźiki uizoźati wuruźu king waranu ainaouz naobanainao governornao paradan, ushaźapanum kauźan king dyuudanii Ä©dyaun patakaźutaźo nii maizoźati-kainao paparadan. Mazan izoźatiinao uparadan, kaimanaźo nii Ä©taapa-kao. 15 Tominkaru aipan unao shaźapatan kaiman kidaźo aimaakan, umashaata kizi maaitapin-kaźo pidannao, Ä©paradan ai maaitapinaka-daun unao dauźan. 16 Unao, aonaźoraźa naa upoitoruitapa-kao, mazan aonaa ukaiwaźanaźa wuruźu umashaapanuz naźapa udizapa-kinaa nii ushaźapaapan oiaźo, mishiźoraiman umashaapa Tominkaru poitorunao niźi naa. 17 Utaapa ipai pidannao umanawunuźo nii. Umarainapa umin-mishidannao. Ukichanaźiki Tominkaru ai, naźiki utaapa umanawunuźo nii pidan naobanai-tinpaźo. 18 Poitoruinao, utaapa unaobanaanao umanawunuźo nii naźiki uizoźati Ä©paradan, aonaa unaobanaanao kamunaniinao ati mani karikaonan, mazan toźorabainao unaobanaanao ati kapam. 19 Aizii unao, uaitapanii kanom Tominkaru aiapanii ushaźapatan, ukauźan utuudan nii kaziwaźo ubaiaapan uantamikita-kao dono umashaźapatakan puźu oiaźo, mazan uruu idaźanaźo nii Tominkaru nyukunuu kaimanan uźati. 20 Kanom uźitiiman kaimanaźo aimaakan uikodan nii utuudan dono uzowiautapa-kao ushaźapatan dikin ii dikaudaźo aimaakan? Mazan Tominkaru nyukunuu kaimanan uźati utuudan dono ubaiaapan dikaudaźo aimaakan ushaźapatan dikin ii kaimanaźo aimaakan. 21 Kaikapaźo nii wuruźu Tominkaru dapadanuz unao, ushaźapanum kauźan baiainpaźa naa Christ unao dikin ii. Uruu pakaduz wuruźu Christ waźakaniaz uźati, ukauźan udaźanaźa naa ukaduz ushaźapainpan idaźan uruu kawan. 22 Uruu Christ, aonaa ushaźapatauzon oiaźo, aonaa naźapainim umariidinauzon. 23 Aizii udakowapa-kao dono, aonaa udakoopan powaa iti pidannao dakoopainaouz paugaru. Upatakaźuta-kao dono, aonaa ukaunaan powaa iti pidannao ati antamikitainaouz paugaru. Mazan ipai utaan pashaźapata-kaoaz Tominkaru ati. Uruu paźan wuruźu aitapaźo niźoraz naźapam nii pashaźapatan pidannao Ä©shaźapatanii kida kawanaźati. 24 Uruu Christ baiaapaźo waźoian winipinaa, pamawakan idaźan cross paawaźa, wamuudin kiziźi naa oiaźo ai, naźiki wamashaapa kiziźi naa kaiman Tominkaru aipan kawanaźati. Ubaiainpan idaźan, ukakudan waunao. 25 Kiwiin unao, kaznizonao kawanuźo umakon panaźitiźi naa ukaźuzatiki ai. Mazan aizii ukaawan powaa ati ukaźuzatiki idaźati. Uruu taapaźoraz unao.