1 CORINTHIANS 8
WBT1 Aizii õdakoêatin nii upishaanuz, waunao mishidainao nikan dauaêoraz dunai, wuruêu taa-kariwaiz toma-kariwai tominkarunao ati. Waaitapa ipai waunao idaêa kainaêa aitapa-karu. Aitapa-karu toman waunao atadinapa, mazan wakamarainapanun idaêan wamaêozakadan nii wamin-mishidannao paêan. 2 Pidan zauda-kidaêoraz paaitapa aimaakan dobata manawun, aonaêo zii uaitapan aimaakan wuruêu. 3 Mazan mishi, Tominkaru aitapa paêan pidan marainpaêoraz paugaru. 4 Ukauêan, kaikapaêa õkianuêu dunai nika-kao dauêan, taa-kariwaiz toma-kariwai tominkarunao ati: waaitapa aimaakan toma-kariwaiz tominkarunao nii, aonaa mishiêo Tominkaru mani wuruêu, mazan waaitapa kainaêa baudaêapa Tominkaru paêan. 5 Mishi, ukainaêan puêu aimaakan kida dakota-kariwaiz tominkarunao nii aokazi ii, oo imiêi baaraêa, (naêiki kainaêa iriba pidan dakotanii tominkarunao nii naêiki naobanainao nii), 6 waunao ati kainaêa baudaêapa Tominkaru karikaonan, waDaru. Uruu tomaêoraz ipai aimaakan kida, naêiki wamashaapan uruu atiêo. Naêiki kainaêa baudaêapa Naobanai karikaonan, Jesus Christ. Ipai aimaakan kida toma-kao uruu idaêanaêo paêidiwara, naêiki wamashaapan uruu idaêanaêo. 7 Mazan aonaa ipai mani pidannao aitapan, aonaa kakupaêo mani wuruêu toma-kariwaiz tominkarunao. Pabiêi pidannao naudinaêoraêa naa Ä©êati pamishidan wuruêu toma-kariwaiz tominkarunao naêiki Ä©taapan Ä©dyaun kakupainao nii. Ukauêan Ä©nikan dono dunai, pakawan Ä©diêitinpan udauêu, taa-kariwai kawan toma-kariwai tominkaru ati. Uruu idi aonaa Ä©abatinan kaiman panyukunuu ii, Ä©abatinan Ä©shaêapata aimaakan oiaêo. 8 Mazan wanikan dono wanyukunui, aonaêo nii umaonapadan waunao Tominkaru idaêati. Aizii aonaan dono wanikanuz, aonaa uawutapadan Tominkaru nyukunuu kaimanan waêati. Naêiki wanikan dono kapamaz, aonaa utoman waunao kaiman powaêa zii Tominkaru ati. 9 Mazan pabiêi kida unao, uaitapa aonaa shaêapaêo mani wuruêu dunai nika-kao taa-kariwaiz toma-kariwai tominkarunao ati. Mazan uaitapin paêi, aonaa kizi uwaota-kidan umin-mishidan aonaêoraz zii umishidan maêozaka, unikan idaêan wuruêu wanyukunui unao kawan. 10 Aizii dii mani pumin-mishidan aonaêoraz zii umishidan maêozaka, utukapan uaroopan tominkarunao dapunaa ii, uruu idi unaêapatan panyukunuu, unikan naa dunai taa-kariwaiz tominkarunao ati, ukian puêu panyukunuu ii “oiaêo wuruêu õshaêapataniaz." 11 Ukauêan, pugaru aitapan idaêan aonaa kakupaêo mani wuruêu toma-kariwaiz tominkarunao, pupatakaêuin-kidan pumin-mishidan aonaêoraz zii umishidan maêozaka, uruu atiêoraz kapam Christ mawakan. 12 Ukauêan puêoian wuruêu, pushaêapata-kidan idaêan pumin-mishidan ati aimaakan uzauda-kidaniaz panyukunuu ii, aonaa kaimanaêo mani. Naêiki naêapaêo idaêan, oiaêo aimaakan wuruêu pushaêapataniaz Christ ati. 13 Ukauêan, õwaota-kidan an õmin-mishidan oiaêo diêiti õnikan idaêan dunai, aonaêo nii õnikauzon dunai powaêa.