1 CORINTHIANS 4
WBT1 Udiźitapa Apollos naźiki Ƶgaru, waunao Christ poitorunao karikaonan. Tominkaru taanii wakaudin-kizi nii, wakowaada kizi pidannao ati naźapam Tominkaru diźitapanuz pashaźapatan aimaakan, wuruźu aonaźoraz uaitapa-kidauzon pidannao ati kotuaźa naa. 2 Aizii pidan taa-kariwaiz ukaudin-kizi nii, marii ushaźapatanuzu mishiiman, panaobanaa aipan kawanaźati. 3 Aizii Ƶgaru ati, aonaa ushaźapan pabiźi kida unao oo baźorainao diźitapan an naźiki kadakotin-kidan wuruźu Ƶkaudinanuz Tominkaru ati. Upuźu Ƶgaru, aonaa naźapam Ƶkian Ƶkaudin-kizi dauźan. 4 Ćgaru, Ƶaitapan kawanaźati, kaiman Ƶshaźapatan wuruźu taa-kariwaiz Ƶkaudin-kizi nii, mazan aonaa Ƶkian mani kaiwuruźu Ƶshaźapata wuruźu Ƶkaudin-kizi kaiman manawun. Mazan Naobanaiźo nii paźan wuruźu kowaadaźoraz kaiman Ƶshaźapatan Ƶkaudin-kizi oo aonaa. 5 Ukauźan, manaźa udiźitapaźanaźa naźiki ukadakotin-kidaźanaźa naźapam pidan shaźapatan pakaudin-kizi, wuruźu kamoo aita-kariwaiz kaawan uaźii. Mishiźoraiman uzaudapa Naobanai Jesus kaawan. Aizii ukaawan donoźo naa, ukanadapan nii aimaakan kida dizinpaźoraz marutaźo-karu ii. Naźiki uaitapa-kidan nii kaimanaiman kandii niźo pidannao shaźapatan aimaakan kida. Naźiki uruu dono Tominkaru naubaan nii ipai pidan wuru kawanaźatiźi Ä©kaudinanuz paźati. 6 Ćmin-mishidannao, Ƶkaiwaa Apollos naźiki Ƶgaru, Ƶtukapa-kida-kinaa nii naźiki Ƶtominapa-kida-kinaa nii unao, naźapaźoram atiźo manawun tawuruźu kii-karuz, “Ushaźapata aimaakan soo kakinaorii kida kawanaźati.” Uruu aonaźo nii uatadapan baudaźapaźo pidan naźiki ukashadan baźoran. 7 Kanom tomanii pugaru umanawunuźo nii baokoinao ai? Kanom kainaźa puźidaźa aonaźo Tominkaru taanii mani puźati? Ipai aimaakan kida puźidaźaźoraz Tominkaru diźikin an, kandii nii puźatadinpan, utaa-kao puźu puźati mawinipinaa-daun? 8 Unao, kainaźaźa naa mooko uzauda-kidan uźidaźa ipai aimaakan uaiapanii? Unao, kainaźaźa naa mooko uzauda-kidan uźidaźa ipai aimaakan Kaimanaźo Doronaa taaniaz ukaźiita-kinaa nii ushaźapatan kaudin-kizai Tominkaru ati? Unao, naobanainaouźu naa mooko uzauda-kidan aonaan puźu zii waunao naobanai-tinan? Kaiman manawun mani Ƶźati umishiin an unao naobanainaouźu naa, uruu turuu kizi waunao kapam naobanai-tinpan baokopa unao tuma. 9 Mazan Ƶtukapanuz, Tominkaru toman waunao apostlenao awutapa manawun ipai pidannao ai. Waunao naźapaźo pidannao kawan naźaka-kariwaiz zowii-karu nii iribaźo pidannao kanaapuźu, ipai pidannao naźiki angelnao awunuutapan puźu. 10 Waunao, watukapa-kao maaitapin-kainao nii, ushaźapanum kauźan waunao Christ poitorunao. Mazan unao, utaapinan aitapaabaźo nii paźan, uzaamatinpan idi Christ idaźati. Waunao, aonaa wataapa-kao umanawunnao nii, mazan unao, utaapinan umanawunnao nii paźan. Unao naubaapa-kao, mazan waunao aonaa wanaubaapa-kao. 11 Pakawan kai waunao wazamazi naźiki maradako; aonaa wakakamichanun; waunao, wabaźizii-kao; aonaa wadapu nii wamashaapa-kizi nii. 12 Waunao, dadara wakaudinan wamashaapa-kinaa nii. Aizii pidannao paradan dono waźati kaziwa-kidaźo parada-karu idaźan, watoriinpan nii, kaiman kizi paźan aimaakan shaźapan Ä©źati. Pidannao patakaźutan dono waunao, wataapada Ä©shaźapatan waunao, aonaa watiwaan wakaunan. 13 Pidannao kadakotin-kidan dono waunao dikaudaźo idaźan, waunao kaimanaźo nii paźan waparadan Ä©dauźan. Pakawan kai, pidannao taapan waunao naźapa aimaakan kawan aonaźoraz naa uaipa-kao. 14 Ćsaadan diźoraz unao ati, aonaa Ƶbaźazootin-kidaźazon idiźo mani unao, mazan Ƶtominapa-kida-kinaa niźo naźiki Ƶkakinaota-kinaa niźo unao paźan, ushaźapanum kauźan unao, Ƶdainao kawanuźo Ƶmarainpan. 15 Utiichaannao kainaźan puźu mani iriba padamata, tominapa-kidaźo unao mashaapa-karu dauźu Christ ati, mazan kainaźa baudaźapa pidan unao daru kawanuźo. Ćgaru wuruźu unao daru, ushaźapanum kauźan Ƶgaru kiwiitapaźoraz Ƶkowaadan uźati Kaimanaźo Kuwai, naźiki uruu idiźo umishidanuz Christ Jesus. 16 Ukauźan Ƶpishaan unao umashaapa kizi paźi naźiki udiźitinapa kizi naźapa Ƶgaru kawan. 17 Uruu idiźo Ƶdyuudan Timothy unao diźiti, uruu Ƶdani kawanuźo Ƶtaapan naźiki Ƶmarainapanii. Uruu mishiźo ushaźapatan kaudin-kizai Naobanai atiźo. Uruźo nii nyukunuu-kida unao ati naźapam Ƶdaźanan Christ Jesus, naźapa Ƶtominapa-kidan naźiki Ƶkakinaopan kawan mishidainao ipai choochi Ƶmorowauta-kizi kawanaźati. 18 Pabiźi kida unao umanawun nii uabatinpan, uzauda-kidan aonaźo nii Ƶwaźatin Ƶmorowautaźanan uźidaźati koshan. 19 Mazan Naobanai aipan an unaźapan, Ƶwaźatin nii uźidaźati kadiman. Uruu donoźo nii Ƶaitapan wuruźu atadinpainao pidannao umanawun-tinpan pakadakotinan idaźanaźo karikaonan, oo mishiźo wuruźu kainaźa maźozaka-karu Ä©źidaźa, Tominkaru diźikiźoraz. 20 Ushaźapanum kauźan Tominkaru kazowautapan dono pidannao, upanaźada Ä©kaduz pamaźozakan idaźan. Pidannao kian an kainaźa Ä©źidaźa Tominkaru maźozakan mazan Ä©kaduz aonaa ukaimanan, aonaa Tominkaru kazowautapanii mani wuruźu Ä©naouz. 21 Aizii Ƶwaźatin dono, shaźapaźoram kaduz idaźan uaipan Ƶwaźatin uźidaźati? Uaiapa Ƶwaźatin baźizi tuma, oo uaiapa shaźa Ƶwaźatin kamarainpanuźo naźiki kaimanaźo nyukunui idaźan?