1 CORINTHIANS 15

WBT

‹ Chapter 14 1 CORINTHIANS — All Chapters Chapter 16 ›

1 Aizii õmin-mishidannao, õnyukunuu-kida�azon u�ati tawuru�u Kaimana�o Kuwai õkowaadauzoniaz u�ati. Uruu sha�atii umishidaniaz na�iki pakawanu�oraz umishidapan umanawunu�o ida�an. 2 Uruu Kaimana�o Kuwai kazannaata�o unao, upakawanun an umishidapan õkowaadan kawan u�ati. Soo mani umamishidakan an, mazanu�o karikaonan wuru�u umishidapanuz. 3 �dobata-kidan kuwai unao ati, uruu dobata-kida-kariwaiz õ�ati. Wuru�u kuwai umanawunu�o manawun: Christ mawakan dau�ana�oraz wa�oian dikin ii, na�apa usaadinpan kawana�ati saada-kariwai Tominkaru Paradan ida�a: 4 udida-kao, na�iki idikinauda�utan kamoo ida�a ukadishita-kida-kao kakupa-karu ida�ati, na�apa usaadinpan kawan saada-kariwai Tominkaru paradan ida�a. 5 Christ aidinan Peter ati, udauna�an 12 patominapa-kidaniinao ati. 6 Udauna�an, uaidinan uwazoota 500 baokopatinpa�o mishidainao ati. Iriba ĩnao kakupa zii kai, baokoinao mawaka�a naa. 7 Na�iki udauna�an uaidinan James ati kapam, na�iki udauna�an ipai apostlenao ati. 8 Udauna�an, dawu�itin zii uaidinan õ�ati kapam, õgaru na�apa�o koraidaonaa kawan shakata�oraz pakamoon ua�ii. 9 �garu, awutapa�o õmanawunun ipai ba�oran apostlenao ai. Mishi, õgaru, aonaa kanom dikin ii turuu õdakota-kao apostle nii, usha�apanum kau�an õgaru pataka�uta�oraz da�i Tominkaru pidanannao. 10 Mazan õapostle-tinan, soo Tominkaru kamunanun idi�o õ�ati, na�iki ukamunanunuz õ�ati, aonaa madiwautapa-ka�o mani. Usha�apanum kau�an powa�a zii udadaran õkaudinan ba�orainao apostlenao ai. Mishi aonaa õgaru mani wuru�u sha�apata�oraz aimaakan, mazan Tominkaru pa�an wuru�u kaudina�oraz õgaru ida�an pakamunanun ida�an. 11 Ukau�an, aonaa usha�apan õ�ati, õgaru kakuwaapan oo ba�oran apostlenao kakuwaapan, ipai waunao, wakakuwaapan uruu bauda�apa�oraz kuwai dau�u, na�iki uru�u naa wuru�u unao mishidapaniaz. 12 Aizii waunao wakakuwaapan pu�u Christ kadishita-kida-kao dau�u mawaka-karu di�iki, na�apa dii mooko pabi�i unao kian mawakainao, aona�o nii ĩkadishita-kida-kao? 13 Umishiin an mani aona�o nii mawakainao kadishita-kida-kao mawaka-karu di�iki, ukau�an Christ, aonaa ukadishita-kida-kao. 14 Na�iki aonaan an mani Christ kadishita-kida-kao mawaka-karu di�iki, ukau�an madiwautapa-ka�o wuru�u wakakuwaapatinanuz, na�iki unao mishidapanuz madiwautapa-ka�o kapam. 15 Na�iki waunao apostlenao, wamariidinan naa karikaonan Tominkaru dau�u, usha�apanum kau�an wakian idi Tominkaru kadishita-kida Christ mawaka-karu di�iki. Aizii umishiin an mani aona�o nii mawakainao kadishita-kida-kao mawaka-karu di�iki, ukau�an aona�o Tominkaru kadishita-kidan Christ. 16 Ukau�an umishiin an mani aona�o nii mawakainao kadishita-kida-kao, Christ aona�o ukadishita-kida-kao kapam. 17 Na�iki aonaan an mani Christ kadishita-kida-kao, ukau�an unao mishidapanuz Christ madiwautapa-ka�o karikaonan, na�iki aonaa zii unao oian kida so�ota-kao. 18 Na�iki aonaan an mani Christ kadishita-kida-kao, ukau�an pidannao mishidainaouz Christ mawakainaouznaa, aonaa ĩkazannaata-kao. 19 Aizii umishiin an mani aona�o nii wakadishita-kida-kao, ukau�an wuru�u wabaiatinanuz Christ dikin ii, madiwautapa-ka�o karikaonan. Na�iki waunao, turuu mani wakasha�ora-kida-kao ipai pidannao ai, wamishidan idi mariidin-karu�u naa karikaonan. 20 Mazan Christ, mishi�o ukadishita-kida-kao mawaka-karu di�iki. Uruu kiwiini�o ukadishitan pidannao mawakainao bii iki. Ukau�an, uruu ida�ana�o waaitapan mishi�o nii mawakainao kadishita-kida-kao mawaka-karu di�iki. 21 Pidannao mawakan bauda�apa�o pidan sha�apatan idi�o oia�o aimaakan, na�apa kapam pidannao mawakainao kadishitan nii ba�oran pidan sha�apatan idi kaimana�o aimaakan. 22 Ipai pidan mawakauzon, usha�apanum kau�an Adam kaduz ĩnao. Na�apa�o nii kapam ipai mishidainaouz Christ kadishita-kida-kao. 23 Mazan Christ, uruu kiwiini�o ukadishitan. Aizii uwa�atin dono koshan, pidannao mishidainaouz uruu, ĩkadishitan nii pamawaka-kizi iki. 24 Uruu dauna�an amazada katokon-tinan nii, Christ katokontan nii ipai oia�o doronainao naobanai-tinpainaouz. Na�iki utaan nii padaru Tominkaru ati, wuru�u pakazowautapanuz. 25 Usha�apanum kau�an Christ kazowautapan nii atii Tominkaru waranuita-kidan ipai utarubanao. 26 Mawaka-karu, uruu ukaduzun naa tarubai Christ mainaabatan ni�o. 27 Usha�apanum kau�an Tominkaru paradan kotua�o usaadauzo-kao kian, “Tominkaru kazowautapa-kida ipai aimaakan u�ati.” Mazan aitapa-kao wuru�u parada-karuz “ipai aimaakan” kia�oraz, aonaa Tominkaru tuma�o ati�o mani wuru�u na�apa-karuz, mazan uruu pa�an kazowautapa-kida�oraz ipai aimaakan Christ ati. 28 Aizii ipai�i naa aimaakan kida muuda-kao dono Christ kazowautapan nii, udauna�an uruu, Tominkaru Daniz, ukazowautapa-kidinan ni�i naa Tominkaru ati. Uruu taa�oraz ipai aimaakan kida Christ kazowautapan nii. Ukau�an Tominkaru, uru�o ni�i naa kazowautapa ipai aimaakan. 29 Aizii umishiin an mani pidannao mawakainao, aona�o nii ĩkadishita-kida-kao kakupa-karu di�iti, kandii nii mooko pidannao chikaawunuinan mawakainao pidannao dikin ii? Kanom wuru�u ĩtiwaaniaz pasha�apatan na�apa�o ida�an? 30 Aizii waunao mani? Aonaan an mani umishiin wakadishita-kida-kao nii wamawakan dauna�an, kandii ni�o mooko wuru�u wabaiatan aimaakan kichana�iki-kia�o kida ipai kamoo? 31 �min-mishidannao, ipai kamoo õbaiatan aimaakan kichana�iki-kia�o manawun! Mishi�o kaiwuru�u õna�apanuz, na�apa wuru mishiin kawan õ�atadinapanuz unao dau�an, wabauda�apatinpan idi Christ Jesus waNaobanaa ida�ati. 32 Da�a�a, Ephesus ida�a, kaina�a pidannao õtarubanao. Tuukii ĩkashadaakapan õtuma na�iki ĩdakota pazowian õgaru. Na�apa ĩkichana�iki-kian õ�ati baudokoru kawan. Ukau�an kandii ni�o mooko õbaiatan na�apa kida�o aimaakan umishiin an aona�o nii pidannao mawakainao kadishita-kida-kao? Umishiin an mawakainao aona�o nii ĩkadishita-kida-kao, ukau�an kii-karu kawana�ati: “Wakonaukiitina�a naa ipai kamoo. Waaroopa�a naa na�iki watuzapa�a naa, usha�apanum kau�an waikana�an wamawakan ni�i naa na�iki aona�o nii powa�a wakadishita-kida-kao." 33 Aonaa umariida-kidina�ana�a pidannao ati kiainaouz aona�o nii mawakainao kadishita-kida-kao. Usha�apanum kau�an pukamina�utinpan dono pidannao idi, aona�oraz ĩkaduz kida kaimanan, ĩpataka�uan nii kaimana�oraz pukaduz. 34 Usakitapada udi�itinpan, na�iki aona�a naa u�oipa�ana�a. �kian na�apa õba�azoo-kida�azon unao, usha�apanum kau�an pabi�i unao, aonaa manawun uaitapan Tominkaru. 35 Pidan pishaan nii, “Na�apam nii wuru�u pidannao mawakainao kadishita-kida-kao? Sha�apa�oram kaduzu�o nii ĩnanaa kida?" 36 Pugaru madiwautapa-ka�o pidan. Kandii nii pupishaan kaikapa�o aimaakan? Aushaa, putukapa mooko, pupaowan dono uudai, aonaa usoda�akan sariapa, soo udida-kao an kiwiin. 37 Na�iki aimaakan pupaowaniaz soo uudai karikaonan, panaadon poroom aka oo ba�oran kaduz paoribai uuda. Aonaa pupaowan paoribai udaru�ora�a naa. 38 Mazan Tominkaru taan ukadunaa nii paaipan kawana�ati, na�iki ipai sha�apa�oram uudai ati utaa ĩkadunaa nii, ĩkaduz kida kawana�ati. 39 Na�iki aimaakan kida kakupainaouz, pana�a�o ĩnanaa kida. Pidannao pana�a ĩnanaa, uzainao pana�a ĩnanaa, kotu�uz pana�a ĩnanaa, na�iki kopau pana�a ĩnanaa. 40 Na�iki aokazi ii aka, kaina�a aimaakan kida, na�iki imi�i baara an, kaina�a kapam aimaakan kida; wuru�u aokazi ii aka�oraz aimaakan kida, pana�a�o ĩkonaunaman wuru�u imi�i baara ana�oraz aimaakan kida konaunaman ai. 41 Kamoo pana�a ukonaunaman, kauzu pana�a ukonaunaman, na�iki wizinao pana�a ĩkonaunaman; na�iki wizinao, upu�u zii pana�a kida ĩkonaunaman ba�oran wizinao ai kapam. 42 Ukau�an, na�apa�o nii wuru�u pidannao mawakainao kadishita-kida-kao dono kakupa-karu di�iti. Pidan mawaka�o dida-kao dono, wuru�u unanaa toma-kariwaiz mawakauzo karikaonan, mazan ukadishita-kida-kao dono�o naa, aona�o ni�i naa powa�a umawakauzon. 43 Pidan mawakan dono, unanaa dida-kariwaiz, aonaa ukonaunaman, na�iki kapati�o wuru�u unanaaz. Mazan ukadishita-kida-kao dono�o naa, konaunama�o nii na�iki ma�ozaka�o nii unanaa. 44 Wuru�u pidan nanaa dida-kariwaiz, uruu nanai imi�i baara ana�o kaduz, mawakauzo karikaonan. Mazan ukadishita-kida-kao dono�o naa, karikaonanu�o ni�i naa ukakupan, kakupa-karu Kaimana�o Doronaa taaniaz. Mishi kaina�a nanai mawakauzo karikaonan, na�iki kaina�a nanai Kaimana�o Doronaa taaniaz kakupa-karu u�ati. 45 Na�apa saadauzo-kariwai Tominkaru paradan kian, “Kiwiitapa�oraz Adam, utoma-kao kakupa�o pidan nii”; mazan dawu�itiini�oraz Adam, uruu Christ. Na�iki Christ, uruu Doronai taa�oraz karikaonanu�o kakupa-karu pa�an. 46 Ukau�an wuru�u nanaiz Kaimana�o Doronaa taaniaz kakupa-karu u�ati, aonaa uruu mani wuru�u kiwiini�oraz. Mazan wuru pa�ana�a nanai imi�i baara ana�oraz kaduz, uruu kiwiini�oraz pa�an. Dawu�itin zii pa�an wuru�u nanai Kaimana�o Doronaa taaniaz kakupa-karu u�ati. 47 Kiwiitapa�oraz Adam, imi�i idi�o utoma-kao, mazan dawu�itiini�oraz Adam, uruu aokazi iki�o uwa�atin pa�an. 48 Ipai pidannao imi�i baara ainaouz, na�apa�o ĩnanaa wuru�u pidan kawan, toma-kariwaiz imi�i idi. Mazan pidannao makoinao ni�oraz aokazi iti, na�apa�o nii ĩnanaa wuru�u pidan kawan aokazi iki�oraz uwa�atin. 49 Wananaa toma-kao kawan wuru�u pidan nanaa kaduz kawan imi�i idi, diina�iti�i na�apa�o nii wananaa wuru�u pidan nanaa kaduz kaawan aokazi iki�oraz. 50 �min-mishidannao, kaikapa�o ati�o kaiwuru�u õkianuz: Wuru�u wananaa, imi�i baara ana�oraz kaduz karikaonan, aonaa turuu umashaapan Tominkaru naobanai-tinapa-kizi ii; na�iki wananaa mawakauzoz, aonaa turuu ukakupan karikaonanu�o nii. 51 Aushaa uabata, õkowaadan aimaakan aona�oraz uaitapauzo-kao: aonaa ipai�o nii mani wamawakan, mazan dawu�itiini�o kuwudii poota-kao dono, ipai�o nii wapana�adina�akan kadiman aka, pidan samuruuankan kawan paawun. Aizii wuru dono�o kuwudii poota-kaoaz, pidannao mishidainao Christ mawakainaouznaa, ĩkadishitan nii, aona�o ni�i naa ĩmawakauzon powa�a. Na�iki ipai waunao kakupainao, wapana�adina�akan nii kapam. 53 Wuru�u wananaa mawakauzoz pana�ada-kao nii nanai kida di�iti, aona�o ni�oraz umawakauzon. 54 Ukau�an wananaa mawakauzoz pana�ada-kao dono�o naa nanai kida di�iti karikaonanu�o ni�oraz ukakupan pa�an, uruu Tominkaru paradan kotua�oraz usaadauzo-kao mishiinan ni�i naa: “Mawaka-karu mainaabata-kaoa�a naaz kaiman-daun!" 55 “Mawaka-karu, na�ii dii puka�iitanuz puzowian pidan? Mawaka-karu, na�ii dii puma�ozakan pukaziwaa-kinaa nii pidan?" 56 Mawaka-karu ikodan pama�ozakan pakaziwaa-kinaa nii pidannao, ĩ�oian ida�ana�o, na�iki oia�o ikodan pama�ozakan wadikintapan ida�an kakinaorii, Moses ati�oraz utaa-kao. 57 Mazan “kaiman manawun,” wakian Tominkaru ati, uruu taa�oraz wa�ati turuu-kinaa nii wadikintan oia�o na�iki mawaka-karu, waNaobanaa Jesus Christ sha�apatanii ida�an. 58 Ukau�an õmin-mishidannao, õmarainapaniinao, ma�ozaka ukadishitapa umishidapan ida�a, na�iki aonaa utaapada�ana�a aimaakan zikadan unao umishidapanii ai. Karikaonan usha�apaapa ukaudin-kizi Naobanai Jesus ati, usha�apanum kau�an uaitapa wuru�u ukaudinanuz Naobanai ati, aonaa madiwautapa-ka�o mani wuru�u.

‹ Chapter 14 1 CORINTHIANS — All Chapters Chapter 16 ›

1 CORINTHIANS 15

Cite / Share This Page