Zabuli 53

1 Wapoka wangilonjelaga mnhumbula, “Haduhuli Nguluwi.” Weng’ha nawajilila lukami, nawadita gehile ga kuzudiza, haduhuli ne yumwe yalingudita linojile. 2 Nguluwi kanguwalola wanhu kulawa kilanga, yalole kota hana yoneche yawele na luhala, kota hana yoneche yalingumuwinza Nguluwi. 3 Ila weng’ha nawabelenhuka, weng’ha nawajilila hamwe, haduhuli yaditile ganojile, haduhuli ne yumwe. 4 Ndaze, hewo walingudita wihe wahela nyhala? Wanguwadakula wanhu wa heni kota mhau, hambe wamlande Nguluwi. 5 Aho wowa na kukabusa kukulu, kukabusa kuwele hawanakona hamwande, kwa vila Nguluwi kojisambalula mizeje ja wang’honyo, hewo wobasigwa soni kwa vila Nguluwi nakawalema. 6 Twangugana ulohozi wa Isilaeli ufiche kulawa Siyoni. Nguluwi hoyowahilula goya wanhu wa heye, walelwa wa Yakobo wotowa luchenze, Waisilaeli wosangalala.