Zabuli 130

1 Kulawa kuli magazo ga heni, ndangukulilila, gwa Mkulu Nguluwi. 2 Gwa Mkulu, uhuliche lizi lya heni, uwiche goya ikutu lya hegwe uhulichize kulanda kwa heni kwa isungu. 3 Gwa Mkulu Nguluwi, wone wahakumbuchile wihe wa hetwe gwa Mkulu, whaani yahawezile kusulupuka kulawa kuli kugazigwa? 4 Ila kwa hegwe twanguwa na kulechelwa, leka hetwe tukudumbe. 5 Ndangitumbila kwa Mkulu Nguluwi kwa nhumbula ya heni yeng’ha, ndina makundo ng’hatu na ulonzi wa heye. 6 Ndangitumbila kwa Mkulu, kusinda wamizi walingubeteza kubwemwenzuka, kusinda wamizi walingubeteza mitondo. 7 Gwa Isilaeli, witumbile kwa Mkulu Nguluwi, kwa vila kwa heye Mkulu Nguluwi kuna igano lya kwimilila, kwa heye kuna mong’ho ng’hatu wa kutugombola. 8 Heye kowagombola wanhu wa Isilaeli, kulawa kuli gehile ga hewo geng’ha.