Аюп 25

¹ Шухалиқ Билдад җававән мундақ деди: —

² «Униңда һөкүмранлиқ һәм һәйвәт бардур; У асманларниң қәридики ишларниму тәртипкә салиду.

³ Униң қошунлирини санап түгәткили боламду? Униң нури кимниң үстигә чүшмәй қалар?

⁴ Әнди инсан балиси қандақму Тәңриниң алдида һәққаний болалисун? Аял затидин туғулғанлар қандақму пак болалисун?

⁵ Мана, Униң нәзиридә һәтта айму йоруқ болмиған йәрдә, Юлтузларму пак болмиған йәрдә,

⁶ Қурут болған инсан, Сазаң болған адәм балиси униң алдида қандақ болар?».