GWAY GI IDAWUU'D 126

1 Ki Tap̱a warki’da shamaneṯṯan ma Sihyuun is mo tani ana wana e ki uni gwansan kun shu’bki jan mo. 2 Yan’ko’d ’twam bana ’tu’dkunu ki piny piny ki momp̱e’th mo, dhali ale’d bana a’di ḵumki cuuwa/ gom moŋ’kuny bwa mo. Dhali yan’ko’d uni oki gwo e bwaman kal gi ‘kwanin tiya mo ki: Tap̱a miiki dhan to jin caaca gom uni mo be. 3 Tap̱a miiki dhan to jin caaca gom ana mo be. Ana ‘borkina bwa mo. 4 Wara shamaneṯṯan bam is mo ma, ayy Tap̱a, mmowa e ki boṯan yi’de/ e mo ma Januub mo. 5 Dhalki uni gwansan kun si to ki kony jabu’th mo tani dhalki uni ‘ciṯẖ to ki cuuwa/ jin ḵumu/ ki bwaŋ ‘kunyka/ mo. 6 A’diyin jin yaki gwolu/ mmoḵal emen to mmosi mo tani midi kulu/ bway pa ki cuuwa/ jin ’thera a’di ki bwaŋ ‘kunyka/ mo, mmoḵali cwalman maman to jin sina a’di mo.