Mbouŋ To Yes Israela 124

1 “Imin ta Yoova ivool toit mako, kanaŋ tagham saghat.” Yam eval tiina to Israel irau asaav tauvene: 2 “Saawe tau koiaanŋa tipaburigin malmal pait, imin ta Yoova ivool toit mako, kanaŋ tipasov ghiit. Pasaa, atezi yavyav pait kat. 4 Pataŋani tawe, ene imin yaa ivot toman tapiri ve izugh ghiit tala ve imbeluut ghiit. Ve ene imin lulu iloŋ, ve igherev ghiit tala gha taghun te." 6 Eemon Yoova ipul ghiit tala koiaanŋa nimazi to tivaghamun ghiit mako. Tauvene tapaiti pa poia tooni! 7 Saawe tana, iit tamin man tau liis ighamu. Eemon Yoova ipas ghiit pa liis tawe, ve taghau. 8 Yoova ta ighur sambam ve taan. I mon ta Uleeŋa toit.