Mbouŋ to Yes Israela 8

1 O Yoova, Tiina tiei, yom upatooŋ izam tiina irau taan isob. Yom upambood taum pa ŋgurubam to tiina kat. Ilib pa mbeb tisob to sambam paroŋania. 2 Yom ughur yes ndipain ve yes to gegegeu kat pa tipait izam ve tipatooŋ tapirim. Leso ugham koiamŋa neneeŋadi, ve upoon yes ndiran to didiaaŋ avodi. Mt 21:16 3 Matag izala pa sambam paroŋania, ve naghita nimam muri inepneep. You naghita kaiyo ve pitum to yom taum ughur di tila inadi, Mbnp 1:14; Mbo 19:1+ 4 ve naghaze: “Yei tamtoghon to taan, ninim sa mbeb poia, to yom matam iŋgalŋgal ghei? Pughu vena to matam payei? Mbo 144:3+; Hib 2:6 5 Yom ughur ghei nizi ris moghon pa yes aŋela ve yom taum. Ve upakur ghei ve ugham izamai ivot inim tiina. Hib 2:6-7 6 Yom ughur ghei pa niŋgin nimam muri, ve ughur mbeb tisob tineep ila sambamai: Mbnp 1:28, 9:2 7 Ŋgai naol to paanu, ve mbeb tisob to tineep ila su, 8 man tisob to tirovroov ila tata paroŋania, ve iigh tisob to tighaughau ila te lolo. 9 O Yoova, Tiina tiei, yom upatooŋ izam tiina irau taan isob.