Roma 7

1 Ama a̱ va̱, suru nÉu i reve ta̱ Wila̱ wa Musa. Adama o ndolo i reve ta̱ na Wila̱ u tsu yuwan ta̱ tsugono a aci a ama ele ubuwu wuma goon. 2 Iroci, na̱ ka olo, wila̱ wu nla̱ yi ta̱ na̱ vali va̱ yi, na̱ valiêi u ri wuma. Amma nu u kuwa̱, wila̱ u lolo u buwa wunlu na̱ a̱yi shi. 3 Agba na̱ wo olo vali ro vali va̱ yi ubuwu wuma, Wila̱ u damma u ta yuwusan tsipere. Amma na̱ vali va̱ yi kuwa̱ u ta̱ fa̱a̱n e ekere a̱ wila̱ u lolo, waru u yuwan tsipere shi, ko na̱ wo olo vali ro. 4 Ama a̱ va̱, ne Éa u ri ya̱êa̱ Éu. Wila̱ u buwa o tsugono a aci a̱ Éu shi, adama a na i kuwa̱ ta̱ o ucira wa̱ yi ana i kuwa̱i na̱ Zamawawa a akpata.â  Gogo gba i to oÉolo na̱ za na a̱ êya̱sa̱in a̱tsuma̱ a̱ a̱kwa̱kwa̱, adama tsu yuwayin A̱sula̱ a̱ga̱nda̱. 5 Æe a̱ca̱pa̱, upasu u lipu u tsu za na ri nu unusu tsu yuwan ta̱ tsugono tsa̱ tsu. Wila̱ u zuwa tsu ta̱ tsu ciga mayan me ili i na i ri unusu u na u yuwain tsugono tsa̱ lipu tsu. Waru adama o ndolo, ili i na tsu yuwain biti u ta̱wa̱to tsu ta̱ o ukwa̱. 6 Agba Wila̱ u buwa a yuwusan tsugono tsa̱ tsu shi. Tsu ta̱ gashi a̱kwa̱kwa̱, waru Wila̱ wa̱a̱ tsura̱ ucira a aci a̱ tsu shi, ko keêen. Gogo tsu ta gura yuwaan A̱sula̱ a̱ga̱nda̱ o ure u saêavu na̱ Ruhu va̱ yi o ronuso tsu aÉanga, agba a akuci o ure u Wila̱ u na a Éanai shi. 7 I ta̱ da̱na̱ a majiyan gashi n ta dansa unusu na̱ Wila̱ ili i ta̱ i Éa. Ne Éa u ri shi! Amma Wila̱ u Éa u zuwa numu n revei ili i na a̱ tsu Ée unusu. Iroci, n shi n reve ili i na waa dansa she vuma ciga ili yi za ro shi wan, she na Wila̱ u damma numu she n yuwan ne wan. 8 Unusu u Éa u tsura̱i ure e ekere a̱ wila̱ u nda, ÉaÉa u zuwa numu n da̱na̱ na̱ tsushuêun icuêun icuêun. Na̱ Wila̱ u shi lo shi, unusu u shi a̱ tsura̱ ucira u nda shi. 9 Ko ili i shi i Éa̱la̱ mu shi kafu n reve ili i na Wila̱ u dammai u lobono ta̱ n yuwan. Amma ana n reve niyi, n reve ta̱ na n yuwain unusu waru za vu unusu Éa n shi, za na a̱a̱ kuwa̱. 10 Wila̱ u na u shi a zuwaa mu wuma, a̱yi Éa u ka̱mbisa̱i, u zuwaa numu ukwa̱. 11 Unusu u tsura̱ ta̱ ure u na wa̱a̱ pusa̱n mu ugbozu, reve u yuwan ulinga na̱ Wila̱êa̱ adama wu una mu. 12 Suru na̱ ne, Wila̱êa̱ a aciya̱yi u ta̱ na akiza, ili i na waru u dammai a̱ ta̱ na akiza na̱ mejege. 13 N ta dansa ili i na i ri ulobonu u ta zuwusaa mu ukwa̱? Oêo, ko keêen! Unusu u Éa u tarai ili i na i ri ulobonu reve u yuwan ulinga na̱ a̱yi adama u ta̱wa̱a̱ mu nu ukwa̱. Ili i nda i fara ta̱ adama n reve ili i na unusu u rotsoi na amayun. Ili i na i zuwai Wila̱ u ri lo a̱yi Éa adama u roco na unusu ili i wuya i Éa lon. 14 Tsu reve ta̱ Wila̱ ili i saêani i Éa. Wila̱ u Éa wa̱a̱ ta̱wusa̱a̱ na addama shi, amma a̱mu Éa, adama a na a̱mu vuma Éa goon. Adama o ndolo, unusu u ta yuwusan tsugono a aci a̱ va̱ gashi a̱mu aagbashi a̱ yi a Éa. 15 N reve ili i na i zuwai maa yuwusan ili i na maa yuwusan shi. N ciga ta̱ n yuwan ili i na i ri mejege na amayun, agba maa yuwusan yi shi. O una̱ u ndolo, reve n reme a yuwusan ili i na n êyuwain. 16 N reve ta̱ na ili i na maa yuwusan mejege ma Éa shi, a̱yi nda u roco ta̱ n usu ta̱ Wila̱ u tu ulobonu. 17 Adama o ndolo a̱mu Éa maa yuwusan ili i wuya i nda shi. Unusu u na u ri nden a̱tsuma̱ a̱ va̱ a Éa a yuwusan le. 18 Upasu u wuma u va̱ u na u ri akuci nu unusu u lyawa mu n yuwan ili i na i ri ulobonu shi, ko keêen. Ko na̱ n shi n ciga n yuwan ili i saêani, n tsu gura shi. 19 Na̱ n ciga n yuwan isaêani, n tsu yuwan shi. Waru na̱ n ri o mpolo n kuÉa̱ a yuwan unusu, reve gba me eneshe a̱mu Éa nda a yuwusan yi. 20 Agba na̱ maa yuwusan ili i na n cigai n yuwan shi, a̱mu Éa na amayun maa yuwusan yi shi. Unusu u na u ri a̱tsuma̱ a̱ va̱ a̱yi Éa waa yuwusan yi. 21 Apa ili i na me enei a wuma u va̱, na̱ n ciga n yuwan ili i saêani a̱vu n cina aciya̱va̱ a yuwusan iwuya. 22 Okolo a̱ va̱ a̱ ta̱ ma̱za̱nga̱ adama a̱ wila̱ u na wu uta̱i uba̱ta̱ wa̱ A̱sula̱. 23 Agba reve n cina uba̱ta̱ biti a̱tsuma̱ a̱ va̱ ili i ro a yuwusan nla̱ngi ni ili i na okolo a̱ va̱ a cigai a yuwan, reve u ka̱mba̱to mu aagbashi o unusu u na waa yuwusan tsugono tse ili i na maa yuwusan suru. 24 Adama o ndolo, okolo a̱ va̱ a̱ da̱nu shi! Zane Éa o uta̱a̱ mu e ekere a̱ lipu nda na aa zuwusa mu ukwa̱? 25 N godyo ta̱ A̱sula̱ adama e Yesu Zamawawa Zagbain tsu, a̱yi Éa za na wawa numu. Nda cine n ri: o okolo a̱ va̱, n ciga ta̱ n kuru wila̱ wa̱ A̱sula̱, agba upasu u lipu va̱ u na u cigai u yuwusan unusu, wo oêwoto mu ta̱ aagbashi o unusu.