Wenu 7

1 Ana a̱yi ndolo kotoi, a̱vu me ene nlingata ma̱ A̱sula̱ n na̱shi mishin e eÉele a̱ na̱shi o uvaÉi e geshei upepu na̱shi tsa̱ra̱ upepu u lapa uvaÉi ko mala ko uÉanga wan. 2 A̱vu me enishe malingata ma̱ A̱sula̱ mo ro mo uta̱ asana, u da̱na̱ ta̱ ni ili yu urotsu i na i tsu zuwa urotsu wa̱ A̱sula̱ a wuma. U Ée ta̱ nlingata n na̱shiêi aza a na a cayi ucira a ca uvaÉi na̱ mala a̱tsuma̱lima̱ lon na̱ a̱ba̱jini o uÉyo. 3 Reve malingataêa u damma, “She i lyawa upepu u lungusa̱ iÉa, ko mala, ko uÉanga wan, she na̱ tsu zuwa rotsu e icin ya agbashi a̱ A̱sula̱ a̱ tsu ni iliêi." 4 Mu uwwa ta̱ ana u Éeyi nu ucira ilaamba ya aza a na nlingata ma̱ A̱sula̱ n zuwayi urotsu wa̱ A̱sula̱ e icin i le. Laambaêa da̱na̱ ta̱ ukpakukupa ukpaku nu ukpakukupa amunga nu ukpakukupa una̱shi (144,000). Ama a ndaêa o uta̱ ta̱ diga o gundo va ama a Israêila kupa ne ejere. Ele Éa aza a na nlingata ma̱ A̱sula̱ n zuwayi urotsu: 5 A yuwaan ta̱ ama ukpakukupa kupa nu ukpakukupa ure (12,000) o ugundo wa Yahuza,â  a yuwaan ta̱ ama ukpakukupa kupa nu ukpakukupa ure (12,000) o ugundo wa̱ Roben waru urotsu. A yuwaan ta̱ fo ama ukpakukupa kupa nu ukpakukupa ure (12,000) o ugundo wa Gado, na ama ukpakukupa kupa nu ukpakukupa ure (12,000) o ugundo wa Asha. Waru a yuwaan ta̱ ama ukpakukupa kupa nu ukpakukupa ure (12,000) o ugundo wa Nafutali, a̱vu waru a yuwaan ama ukpakukupa kupa nu ukpakukupa ure (12,000) o ugundo wa Manasa. A yuwaan ta̱ ama ukpakukupa kupa nu ukpakukupa ure (12,000) o ugundo wa Saminu, na ama ukpakukupa kupa nu ukpakukupa ure (12,000) o ugundo wa̱ Levi. A yuwaan ta̱ ama ukpakukupa kupa nu ukpakukupa ure (12,000) o ugundo wa Isaka, a̱vu a yuwaan ama ukpakukupa kupa nu ukpakukupa ure (12,000) o ugundo wa̱ Zebelun. A yuwaan ta̱ ama ukpakukupa kupa nu ukpakukupa ure (12,000) o ugundo wa̱ Isuhu, waru a yuwaan ta̱ ama ukpakukupa kupa nu ukpakukupa ure (12,000) o ugundo wa Banyami.â  Suru suru a yuwaan ta̱ ama ukpakukupa ukpaku nu ukpakukupa amunga nu ukpakukupa una̱shi (144,000) urotsu. 9 Ana a̱yi ndolo kotoi, a̱vu n ka̱lyuwa̱ ÉaÉa me enei Ée oÉolo a ama a laêa ta̱ a̱bunda̱ a na vuma aa gura kece le suru. O uta̱ ta̱ a̱tsuma̱ e iÉa, o gundo, na ama, ne elentsu suru, a̱vu e isawan a̱ ma̱ka̱ka̱n ma̱ nda̱na̱ta̱ n tsugono na̱ Ma̱giriêiêi. O oto ta̱ a̱tugu a̱ uri, suru nle a̱ guza̱ ta̱ ashuwa-shuwa e ekere e le. 10 A̱ da̱na̱ ta̱ a yisaali na̱ a̱ba̱jini o uÉyo, “A̱sula̱ a̱ tsu a Éa oÉolo na̱ Ma̱giriêiêi a wawa ntsu, A̱sula̱ a̱ tsu u ta̱ nden a̱ nda̱na̱ta̱ n tsugono." 11 Nlingata ma̱ A̱sula̱êa̱ suru oÉolo na azagbain ni ili i wuma i na̱shiêi a̱ da̱na̱ ta̱ lo mishin zuzu na̱ nda̱na̱ta̱ n tsugono. A̱ ka̱Éa̱to ta̱ a̱ nda̱na̱ta̱ n tsugono a̱vu a yuwaan A̱sula̱ a̱ga̱nda̱. 12 A̱ da̱na̱ ta̱ adansa, “Tsu ta dansa A̱sula̱ a̱ tsu a̱ ta̱ mgbain, Lyawa tsu yuwaan niyi ica, tsu ca niyi tsugbain nu urevu, tsu to godyusho yi, u ta̱ nu ucira nu ukadu, a̱za̱ a̱ yi a Éa suru babu ukotu. Lyawa wo oêwo ne!" 13 A̱vu zagbain ta̱ ece mu, “Nan zane Éa gba aza a na o otoi a̱tugu a̱ uri? Te Éa o uta̱i?" 14 A̱vu n usu, “Zagbain, n reve shi, amma a̱vu vu reve ta̱.” Reve u damma mu, “Ele nda ele Éa aza a na a yuwain ankuri a kaÉai asuvu na̱ a̱tsuma̱lima̱ agba a̱ kuwa̱ shi. A̱ za̱êwa̱ ta̱ a̱tugu e le cece na̱ mpasa m Ma̱giriêi za na zuwai o oêwoi uêuri. 15 “Adama o ndolo a̱ ta̱ mishin a̱ ma̱ka̱ka̱n ma̱ nda̱na̱ta̱ n tsugono tsa̱ A̱sula̱.â  A ta yuwusaan yi a̱ga̱nda̱ urana na ayin a̱tsuma̱ a̱ A̱a̱êisamapaÉa a̱ yi. Waru za na ri nden a̱ nda̱na̱ta̱êa̱ u ta̱ da̱nu oÉolo ne ele tsa̱ra̱ u ka̱lyuwa̱ le ulobonu. 16 “Ama a nda a̱a̱ da̱shi yuwan ambulu shi, waru akuli a̱a̱ da̱shi reme le shi. Urana u buwa a damaton le shi, babu usuÉuwu u na wa̱a̱ juêwa̱n le, 17 adama a na Ma̱giriêi za na ri zuzu na̱ nda̱na̱ta̱ n tsugono to oêwo za va aguÉa le. U ta tara le a̱ tyo uba̱ta̱ u na mini ma na ma tsu ca wuma moo utusa̱. Waru A̱sula̱ a ta tasa aÉara e le."