Wenu 13

1 A̱tsuma̱ a alavu alavu a̱ va̱ a̱vu me ene a̱a̱dodo o utusa̱ a̱tsuma̱ a mala. U ta̱ na aci e cindere na avana kupa. Aavana suru a̱ ta̱ na̱ mokokolo. Aaci suru u ta̱ Ée ni iÉana ya aala i na yaa yuwusan adanshi a vama e ekere a̱ A̱sula̱. 2 A̱yi a̱a̱dodo a nda o rotso ta̱ uta̱su, agba ana a̱ yi a̱ ta̱ ugaêan waru u ta̱ ne eleme waru a̱kpa̱ta̱ a ana a̱ yi a̱ ta̱ ugaêan, gashi nama gbain vu una na a̱ tsu Ée biya. Una̱ wa̱ yi waru u rotso ta̱ una̱ wu kamu. Aagangu a ca ta̱ a̱a̱dodo ucira una̱ta̱ na̱ za va̱ yi, a̱vu waru u ca yi nda̱na̱ta̱ n tsugono na̱ tsugono. 3 Aaci a̱ ta̱ a̱ da̱na̱ ta̱ na aalana a̱ wuntsu u na u rocoi a na o una niyi, agba wuntsuêu wi ina ta̱. A̱tsuma̱ o uvaÉi vuma suru oêwo ta̱ a asalama a̱ a̱a̱dodo o ndolo. 4 Suru nle a yuwaan ta̱ aagangu o ndolo a̱ga̱nda̱, za na cayi a̱a̱dodo ucira. A̱vu waru a yuwaan a̱a̱dodoêo a̱ga̱nda̱ reve a damma, “Babu za na ri tsa̱ a̱a̱dodo a nda! Babu za na aa gura lyuwa aci a̱ yi." 5 A̱sula̱ a lyawa ta̱ a̱a̱dodo o ndolo a yuwan uvaÉu nu ucira wa̱ yi ÉaÉa gba u yuwaan niyi adanshi a vama. A̱sula̱ a lyawa yi ta̱ u da̱na̱ nu ucira u ndolo hali aêwan a taêatsu na akapi. 6 A̱vu u da̱na̱ a yuwusaan A̱sula̱ adanshi a vama. Waru wi isula ta̱ ala a̱ A̱sula̱, nu uba̱ta̱ u na u ri nden, oÉolo na aza a na a̱ ri zuva suru. 7 A̱sula̱ a lyawa yi ta̱ u yuwan nla̱ngi na ama a̱ yi a̱vu u lyuwa aci e le. A ca yi ta̱ ucira u na u laêai gundo, ne elentsu, na ama, ni iÉa suru. 8 Ama suru a ta yuwaan yi a̱ga̱nda̱, ele Éa aza a na a Éanai ala e le a̱tsuma̱ a aatagada a ama a wuma kafu a yuwan uvaÉi shi. Aatagadaêa za Ma̱giriêi ma na o unai Éa. 9 Vuma na ri na atsuvu, wu uwwa. 10 Za na A̱sula̱ a Éangwai adama e reme yi, e te reme yi. Za na A̱sula̱ a Éangwai adama o una yi na̱ matsun me peêeni, a̱ to una yi. A̱yi nda u ta dansa ama a̱ A̱sula̱ a ciga a êyuwan a kaÉa asuvu a̱vu waru a̱ da̱na̱ nu ucawu wo okolo. 11 Waru me enishe ta̱ a̱a̱dodo o ro a na o uta̱i diga e iÉa. U ta̱ na avana e re gashi a̱za̱ a̱ ma̱giriêi, ÉaÉa gba u yuwain adanshi nu uÉyo wa aagangu. 12 A̱yi a̱a̱dodo a nda wi isawan ta̱ a̱ ma̱ka̱ka̱n ma̱ a̱a̱dodo o ufaru, a̱vu u yuwan ulinga na̱ cuêun vu ucira na a̱a̱dodo o ufaru a̱ ri na̱ a̱yi. Adama o ucira o ndolo a zuwa ta̱ ama o uvaÉi suru a yuwaan a̱a̱dodo o ufaru a̱ga̱nda̱, za na da̱na̱i na̱ wuntsu u na wu una niyi a̱vu wi ina yi. 13 ÆaÉa waru gba a̱a̱dodo e ire a yuwain a̱ba̱jini e iroci yi ili ya asalama. U zuwa ta̱ akina a̱ cipa̱ diga zuva a̱ tyo o uvaÉi, ama gba a̱ a̱ka̱nla̱. 14 A̱sula̱ a lyawa ta̱ a̱a̱dodo e ire a yuwan ili ya asalama a̱ ma̱ka̱ka̱n ma̱ a̱a̱dodo o ufaru. Adama e ili ya asalama o ndolo, u gura ta̱ luma̱ ama o uvaÉi. U zuwa le ta̱ a ruma a̱a̱ma̱li a̱ a̱a̱dodo o ufaru, za na o unai na̱ matsun me peêeni agba u ka̱mba̱ ta̱ wuma. 15 A̱sula̱ a lyawa ta̱ a̱a̱dodo e ire a yuwan a̱a̱ma̱liêi adama wo oêwo wuma, adama waru u gura yuwan adanshi waru u gura zuwa le o una aza a na a yuwaan niyi a̱ga̱nda̱ shi. 16 A zuwa ta̱ ama suru a yuwan rotsu o ukere usaêani ko e icin i le, ko ama a gbagbain a Éa ko muwun, ko a̱za̱ o utsuru ko alambi, ko agbashi ko aza a na a̱ ri agbashi shi. 17 Aza a na a̱ ri na̱ rotsu Éa goon aa lyawa a tsula waru ele Éa goon aa lyawa a wina. A̱yi urotsu u nda a̱yi Éa urotsu wa aala a̱ a̱a̱dodo ko laamba na ee isawan a aala a̱ yi. 18 U to lobono vu tsura̱ ugbozu adama vu reve laamba va̱ a̱a̱dodoêo! Na̱ vu ri nu ugbozu, vu te reve yi. Laamba va̱ yi a̱yi Éa ukpakuta̱li na̱ kupota̱li na̱ a̱za̱ a̱ ta̱li (666), waru laambaêa u ta̱ a̱ nden ma aala a vuma.