Wenu 11

1 Reve n ushi aaÉanga o uritosu, a̱vu A̱sula̱ a damma mu, “Ka̱ra̱ a̱ êya̱wa̱ vu rito A̱a̱êisamapaÉa a̱ A̱sula̱ na̱ masaêa, reve vu kece ama a na a̱ ri pe a yuwusan a̱ga̱nda̱. 2 Amma she vu rito agalaci a̱ A̱a̱êisamapaÉaêa wan, adama a na a̱mu A̱sula̱ n ca ta̱ Ée aza a na a̱ usu numu shi uba̱ta̱êa̱. A ta yuwan tsugono tsa̱ lyuci va̱ aêwan a taêatsu na akapi. 3 N ta̱ lyungu ama e re a̱ va̱, aza a na e enei ili i na i farai, adama a yuwan alajiya a amayun a̱ va̱. O to oto itana i na o tso oto adama a̱ a̱tsumola̱ngu waru a̱ ta̱ da̱na̱ a yuwusan alajiya a̱ va̱ a̱tsuma̱ a aêwan a taêatsu na akapi o ndolo." 4 Ama e re a na a yuwusan alajiya a adanshi a̱ A̱sula̱ e te isawan a̱ ma̱ka̱ka̱n ma̱ A̱sulazuva za na a yuwusan tsugono tsu uvaÉi ma̱Éula̱. Ama e reêe ele Éa Éanga zetunâ  re waru na̱ wisawatan wi ifitila re. 5 Nna̱ za ro yuwan mpolo n na waa amaton le, reve akina o uta̱ a̱ na̱ le o kototo nêyuwatan n le. Tsunda tsa Éa A̱sula̱ oo una za na yuwain mpolo n na waa amaton le suru. 6 A mantsa ma na a yuwusan alajiya e ikaka ya̱ A̱sula̱, u ca le ta̱ ucira a putsaa ni iroêi. Waru a̱ ushi ta̱ ucira u na a̱ ka̱mba̱to mini mpasa, waru a zuwa cuêun vu mÉa̱la̱ suru a amaton uvaÉi. A ta gura yuwan ili i nda a mantsa ma na a cigai suru. 7 Na ama e reêe o koto alajiya e ikaka i le, reve a̱a̱dodo a na o uta̱i diga a̱ a̱a̱ka̱ri a̱ a̱ruêun lungu-lungu a yuwan uvon ne ele. U ta lyuwa aci e le reve wu una le. 8 A ta vari lipu le o ure u gbain u lyuci u na a varai Zagbain le a akpata.â  A kurato ta̱ lyuciêi na̱ Sodomâ  na̱ Masar. 9 Ama suru, ni iÉa, nu ugundo, ne elentsu, a̱ ta̱ ka̱lyuwa̱ a̱kwa̱kwa̱ e le. Agba aa lyawa za ro ciÉo le shi, hali she na a yuwan rana taêatsu na akapi. 10 Ama o uvaÉi suru a ta yuwan ma̱za̱nga̱ adama a na ama e re a nda a̱ kuwa̱i. A ta yuwan a̱buki reve waru a̱ lyungula̱i neêe, adama a na ama̱sula̱ e re a nda a zuwa ta̱ ama o sowo a̱tsuma̱lima̱ lon. 11 Amma ana a yuwain rana taêatsu na akapi, reve A̱sula̱ a zuwa wivuwun u wuma a̱tsuma̱ a ama̱sula̱ e reêe waru. Reve a̱ êyon mishin, a̱vu za na ene nle suru wu uwwa wovon lon. 12 Reve ama̱sula̱ e reêe a uwwa a̱ba̱jini o uÉyo o utusa̱ diga zuva adansa, “Ta̱wa̱i pa nda!” Reve a̱ ka̱ra̱ a̱ tyo zuva a̱tsuma̱ e eleshe, nêyuwatan n le mishin a̱ a̱ka̱nla̱ e le. 13 A̱vu iÉa i ra̱mo nu ucira a̱vu aaÉaci a̱ ta̱ a̱tsuma̱ a aÉaci kupa suru a̱ ra̱mo a̱tsuma̱ a̱ lyuciêi. Ama ukpakukupa ucindere (7,000) u Éa kuwa̱i adama o ura̱mosu wi iÉa u ndolo. A̱vu aza a na a buwai wuma a uwwa wovon lon, reve a ca A̱sula̱ a na a̱ ri zuva tsugbain. 14 A̱tsuma̱lima̱ e ire o koto ta̱, agba za va taêatsu ta̱ lo a̱ ta̱wa̱. 15 Reve malingata ma̱ A̱sula̱ me cindere me ivula̱ aavana a̱ yi, a̱vu mu uwwa nlingata ma̱ A̱sulaÌ±â  ma zuva a yuwusan adanshi nu ucira adansa, “A̱sula̱ a̱ tsu waru na̱ za na u Éangwai wo oêwo Zamawawa u ta̱ nu ucira u na waa yuwan tsugono tsu uvaÉi suru, waru A̱sula̱ a ta yuwan tsugono babu ukotu." 16 Reve azagbain ushin na̱ a̱za̱ a̱ na̱shi, aza a na a̱ ri nden a̱ nda̱na̱ta̱ n tsugono a̱ ma̱ka̱ka̱n ma̱ A̱sula̱ a̱ kingyo nu urewesu u le e iÉa a̱vu a yuwaan yi a̱ga̱nda̱. 17 Reve a damma, “A̱sulazuva Mogono me Ili Suru, za na ri wuma gogo, waru u ta̱ wuma mantsa suru, tsu to godyusho wu a na voo rocosu tsu ucira wa̱ wu, waru vu fara ta̱ tsugono. 18 Ama o uvaÉi a yuwan ta̱ upan na̱ a̱vu, amma gogo mantsa mo upan ma̱ wu ma rawa ta̱. Mantsa ma Éa na vee geêeto a̱kwa̱kwa̱, a̱vu vu tsupa agbashi a̱ wu. Vu ta tsupa ama̱sula̱ a̱ wu na ama a akizaâ  a̱ wu, vu ta tsupa ama a na a uwwusa wovon wa ala a̱ wu, diga a za keêen a̱ tyo a zagbain. Waru vu ta̱ lungusa̱ za suru na ta̱wa̱yi nu ulungusu a̱tsuma̱ o uvaÉi." 19 Reve A̱a̱êisamapaÉa a̱ A̱sula̱ Ée zuva a̱ kpa̱tuêwa̱, reve e ene Akpati a Nzuwulaiâ  pe. A̱vu a yuwusan imaÉatsu, na̱ a̱giriêa̱, na̱ tsata, nu ura̱mosu wi iÉa na atayan a gbagbain.