Filibi 1

1 A̱mu Éa Bulu, waru Timoti ta̱ pa oÉolo na̱ a̱mu. A̱tsu agbashi e Yesu Kristi Zamawawa Éa. N ta Éanasaa azagbain na akambiâ  a azagbain a̱ a̱a̱êisa̱ a̱ a̱za̱ e Itoni, waru a̱ tyo a̱za̱ e Itoni suru a̱tsuma̱ a̱ Filibi aza a na A̱sula̱ a Éangwai. 2 Lyawa A̱sula̱ Dada tsu na̱ Zagbain tsu Yesu Zamawawa roco Éu isaêani, reve waru u ca Éu asuvu nden. 3 N tsu godyusho ta̱ A̱sula̱ a̱ va̱ a mantsa ma na n cuwain na̱ a̱Éu biti. 4 N tsu da̱na̱ ta̱ na̱ ma̱za̱nga̱ na̱ maa yuwusan avasa adama a̱ Éu. 5 Adama a na i shi ta̱ oÉolo na̱ a̱mu a̱tsuma̱ a mabaza ma Alabari a Saêani adama e Yesu Zamawawa. I fara ta̱ a yuwusan ne a mantsa ma na yu uwwai alabari a nda a̱vu i lyuwa elime na̱ mayan ne hali n gogo. 6 A̱sula̱ a Éa a farai ulinga u nda a̱tsuma̱ a̱ Éu, waru n reve ta̱ waa lyawa shi, she nu ulinga u nda u shiwan o urana u na Yesu Zamawawa a̱a̱ ta̱wa̱. 7 Mejege ma Éa n tara ne tsunda adama a̱ Éu suru. I ta̱ nu uba̱ta̱ la̱nga̱ a̱tsuma̱ o okolo a̱ va̱ adama a na tsu to oÉolo a̱tsuma̱ a abaêun a̱ A̱sula̱. Tsu yuwan ta̱ ne a mantsa ma na n shi o uêwa wa ali na a mantsa ma na n da̱na̱i fa̱a̱n, waru n da̱na̱i o mpolo n yuwan adanshi a amayun adama a Alabari a Saêani. 8 A̱sula̱ e reve ta̱ cine n ciga nÉu ni icigi ya̱ Yesu Zamawawa. Waru u reve ta̱ cine n cigai n da̱na̱ oÉolo na̱ a̱Éu. 9 N ta a avasa ncigalai n Éu n yuwan a̱bunda̱ lon hali u laêa ne. N ta a avasa waru a na yaa lyuwa elime na akungu a̱tsuma̱ o urevu nu ugbozu. 10 N ta a avasa ne adama a na n ciga Éu ta̱ i reve ili i na i ri ya̱ a̱Éula̱ na amayun, adama i da̱nu cece na̱ wuma u babu unusu hali Yesu Zamawawa ta̱wa̱. 11 Waru wuma u Éu u ta̱ da̱na̱ tapu na̱ mayan me ili i na A̱sula̱ a cigai waru ili i nda i ta̱ ta̱wa̱a̱ A̱sula̱ na̱ tsugbain ni ica. Ili i saêani i ndolo ele Éa ili i na Yesu Zamawawa zuwai a wuma u Éu. 12 Ama a̱ va̱, n ciga Éu ta̱ i reve ili i na a yuwaan numu u kamba ta̱ Alabari a Saêani a lyuwa elime. 13 Gogo nda koyan Éa pa nda reve ta̱ a na a̱ nla̱ numu na akani adama a na maa yuwusaan Zamawawa a̱ga̱nda̱. Hali gba na̱ a̱soja a na a̱a̱ pirishi ukobu u mogono suru e reve ta̱ a na maa yuwusaan yi a̱ga̱nda̱. 14 Waru adama a na a̱ nla̱ numu, a̱za̱ e Itoni na̱ a̱bunda̱ pa nda a̱ tsura̱ ta̱ ugbamu wo okolo hali gogo nda a ta dansaa ozo o ro adama a Zamawawa no okolo ugbamu babu wovon. 15 Ozo o ro a ta yuwusan alajiya adama a na a ciga numu, waru a ciga ta̱ a yuwan ili i na i ri mejege. Ama a nda a ta yuwusan alajiya adama a na e reve ta̱ Zagbain ta̱wa̱to mu ta̱ pa adama n yuwan mpolo n yuwan adanshi a amayun adama a Alabari a Saêani. Agba amayun a Éa waru ama o ro a ta yuwusan alajiya adama a̱ tsushuêun na̱ tsurala. 17 Ama a nda a̱tsuma̱ a alajiya e le adama e Yesu Zamawawa, a̱ ta̱ no okolo o ro koêo. A ta yuwusan alajiya ni icigi ya aci i le tsa̱ra̱ a̱ tsura̱ ica. Amayun a̱ pe a̱tsuma̱ e le shi waru a̱ ka̱mbuwa̱ ugbozu shi. A ciga ta̱ a̱ da̱shi mu usuÉuwu a̱tsuma̱ a akani a na n ri. 18 Agba ko cine tsa Éa majiyan mo okolo me le ma̱ ri, amayun a Éa a ta yuwusan alajiya e ikaka adama e Yesu Zamawawa. N ta yuwusan ma̱za̱nga̱ adama a alajiya e le. Waru n ta lyuwa elime na̱ ma̱za̱nga̱ 19 adama a na n reve ta̱ avasa a̱ Éu ni ikambi i Ruhu va̱ Yesu Zamawawa u ta zuwa a lyawa mu. 20 N te icigi kuci n yuwan nden n na maa yuwan ili i na yaa zuwa mu mu uwwa wono wan, amma o una̱ u ndolo, n ciga ta̱ n yuwaan Kristi Zamawawa a̱ga̱nda̱ babu wovon kuci. N shi na̱ wovon Ée a̱ca̱pa̱ shi, waru n ciga ta̱ n da̱na̱ nu ucira gogo hali a̱ êya̱wa̱ elime adama wuma u va̱ u ca yi tsugbain kuci, ko n ri wuma ko na̱ n kuwa̱. 21 Na̱ n ri wuma, u to oêwo adama a̱ Kristi Zamawawa, agba na̱ n kuwa̱ u ta laêaa mu. 22 Agba na̱ n lyuwa elime na̱ wuma a̱ lipu nda, n ta̱ tsura̱ n lyuwa elime nu ulinga wa̱ Kristi Zamawawa. N gura reve ili i na maa Éangwa shi. 23 A̱sa̱la̱ a na maa tara u yuwan ta̱ usa̱n. A mantsa mo ro n laêa ta̱ ciga n da̱na̱ wuma, a mantsa mo ro gba shi, n laêa ta̱ ciga n kuwa̱ adama n da̱nu oÉolo na̱ Kristi Zamawawa. N da̱na̱ oÉolo na̱ a̱yi u laêaa mu ta̱ ulobonu suru suru. 24 Agba n reve ta̱ i buwa ta̱ a zama mu tsa̱ra̱ n da̱na̱ oÉolo na̱ a̱Éu. 25 Waru adama a na i buwai a zama mu, n reve ta̱ n ta buwa wuma tsa̱ra̱ i kungwa a̱tsuma̱ o ucawu wo okolo a̱ Éu waru ne Éa ya̱a̱ ushi ma̱za̱nga̱ mo ucawu wo okolo a̱ Éu. 26 Na̱ ne Éa, na̱ n ta̱wisa̱ ya̱êa̱ Éu waru, i ta̱ da̱na̱ na̱ ma̱za̱nga̱ ma̱ a̱bunda̱ adama e ili i na i cina numu, waru i ta̱ tsura̱ ili na̱ a̱bunda̱ na yaa zuwa i damma Yesu Zamawawa tu ulobonu. 27 Amma ili i na i farai biti, a̱yi Éa, ni i ciga i êyuwan i yuwan nden n na ma̱a̱ ta̱wa̱a̱ Alabari a Saêani tsugbain adama e Yesu Zamawawa. To, ko n da̱shi ta̱wa̱ me ene Éu ko mu uwwa adama a̱ Éu, n te reve a na i ri mishin a majiyan ma̱ ta̱ ni ifoÉi i ta̱, o mpolo n na ya̱a̱ tsura̱ aza a na aa ca okolo a Alabari a Saêani. 28 She yu uwwa wovon adama a nêyuwatan n Éu wan. Ne Éa woo oêwo le iroci i na A̱sula̱ na aciya̱yi a̱a̱ lungusa̱ le a̱vu gba u wawa Éu. 29 Adama e Yesu Zamawawa, A̱sula̱ a ca Éu ta̱ ili i saêani a na a ca niyi okolo, waru u ca Éu ta̱ ili i saêani i na yoo sowo a̱tsuma̱lima̱ adama a̱ yi. 30 I reve ta̱ cine a ca numu a̱tsuma̱lima̱ hali gba gogo nda yu uwwa ta̱ a na ne Éa u buwai. A̱Éu fo i te reveshe cuêun va̱ a̱tsuma̱lima̱êa̱.