Marku 13

1 Yesu o uta̱ a̱ A̱a̱êisamapaÉa,â  reve za ta̱ a̱tsuma̱ o ojoro a̱ yi u rawa uba̱ta̱ wa̱ yi, a̱vu u damma, “Manlu, ka̱lyuwa̱ cuêun vu usaa u saêani na ataliâ  a nda!" 2 Reve u usu yi, “Ye ene ta̱ cuêun vu usaa ndolo? Ko aatali a̱ ta̱ aa lyawa zuva vu za va̱ yi shi. Suru nle o to oco le e iÉa." 3 A̱yi nden a masasan ma̱ Zetun za na da̱na̱i a̱ nka̱la̱la̱i na̱ A̱a̱êisamapaÉa, reve Bituru na̱ Yakubu na̱ Yahaya na̱ Andarawu a yuwan yi yeci. 4 A damma, “Damma tsu mantsa ma na ili i ndolo yaa fara. Waru damma tsu ili i na yaa fara o ukosu." 5 A̱vu u damma le, “I yuwan ugbozu she i lyawa nanza yuwan Éu tsulo wan. 6 Ama na̱ a̱bunda̱ a̱ ta̱ ta̱wa̱ na aala a̱ va̱ a damma ele Éa Kristi Zamawawaêa. Reve a damma Éu, ‘A̱mu Éa,’ o to polo ama na̱ a̱bunda̱. 7 She okolo a̱ Éu a daêwan wan, na̱ yu uwwa alabari o uvon zuzu ko alanga. She na a yuwan ili i ndolo suru, amma ukosu u Éa shi. 8 IÉa i ta yuwan nla̱ngi ni iÉa. Tsugono tsu ta yuwan nla̱ngi na̱ tsugono. A ta yuwan ura̱mosu wi iÉa a̱bunda̱. Ambulu a ta yuwan a̱bunda̱. Ili i nda suru u to rocosu ufaru wu ukosu wu uvaÉi. 9 “I yuwan ugbozu na aciya̱Éu. E te reme Éu a̱ êya̱wa̱to Éu o ukobu wu ugeêetosu adama a̱ va̱. A ta fufaba Éu a̱ a̱êisa̱. A̱ ta̱ êya̱wa̱to Éu a̱ ma̱ka̱ka̱n mo ngono na̱ a̱za̱ o ugeêetosu, adama a̱ va̱. I damma le adama a Alabari a Saêani. 10 Amma kafu ukosu wu uvaÉi, a ta yuwan alajiya a Alabari a Saêani a̱ va̱ a̱tsuma̱ o uvaÉi suru. 11 Na a tara Éu a̱ tyo uba̱ta̱ o ugeêetosu, she yi daêwan o una̱ wi ili i na ya̱a̱ usu le wan. Na̱ mantsa ma rawa, o to roco Éu ili i na yaa damma. Ili i na yaa damma yoo uta̱ o una̱ u Éu shi, Ruhu va akizaâ  to roco Éu ili i na yaa damma. 12 “Vuma ta wina mawun ma̱ a̱na̱wu ma̱ yi adama o una yi. Nan dada waru a ta yuwaan ne muwun n le. Muwun n ta êyuwan mbara n le na̱ mukuci n le, tsa̱ra̱ o una le. 13 Ama suru a ta êyuwan Éu adama a̱ va̱. Amma za na isawain ugbamu, a̱ tyo o ukosu u ta laêa. 14 “Mantsa ma̱ ta̱ lo a̱ ta̱wa̱ a na yee ene za na a yuwusan ili yi idaba a̱ ma̱ka̱ka̱n ma̱ A̱sula̱ a̱tsuma̱ a̱ A̱a̱êisamapaÉa, uba̱ta̱ u na wu ntsayi shi ununa Daniyan dammai.” (Za vu Éesununa̱ u yuwan ugbozu.) “Reve aza a na a̱ ri a̱tsuma̱ a Yahuda a suma a̱ tyo a nsasan. 15 Za na ri zuva vu ukwa̱êa̱, she u cipa̱ u uwa o uêwa wa̱ yi, tsa̱ra̱ u tara ili i ro a̱tsuma̱ o uêwa wan. 16 Za na ri Ée o uÉuma̱, she u ka̱mba̱ o uêwa, tsa̱ra̱ u tara aapalutsu a̱ yi wan. 17 U ta suÉuwa a̱ma̱ci a na a̱ ri na̱ a̱tsuma̱ oÉolo na̱ a̱ma̱ci a na a̱ ri na̱ muwun n na ma apasa maani. 18 “She i yuwan avasa, tsa̱ra̱ ili i ndolo i fara na̱ lyushi wan. 19 A̱tsuma̱ a rana ndolo, o to oêwo rana va̱ a̱tsuma̱lima̱ lon, cuêun na koto a yuwain shi, ana A̱sula̱ a yuwain uvaÉi u nda. A̱ da̱shi waru cuêun va̱ yi shi. 20 Amma A̱sula̱ e jebe ta̱ rana ndolo, na̱ ne Éa shi, ko za aa laêa shi. Agba adama a aza a na waru A̱sula̱ a Éangwai, ÉaÉa e jebei rana ndolo. 21 “Na̱ za ro damma Éu, ‘NdeÉe Zamawawa,’ ko ‘Apa yi,’ she i usu wan. 22 Adama a na azamawawa e epen na ama̱sula̱ e epen, a̱ ta̱ ta̱wa̱. A ta gura yuwan ili ya asalama na̱ a̱bunda̱, tsa̱ra̱ o polo aza a na a Éangwai n na aa gura. 23 Amma i yuwan ugbozu n damma Éu ta̱ Ée ili i na yaa fara suru. 24 “Amma a̱tsuma̱ a rana ndolo, na̱ mantsa ma̱ a̱tsuma̱lima̱ lon mo koto, urana u to oêwo irumbu, woto waru wa̱a̱ da̱na̱ ne ekan shi. 25 Italyoêo waru i ta̱ da̱na̱ a̱ riya̱sa̱ e iÉa. A̱ ta̱ jinga̱Éa̱ cira na ri zuva. 26 Reve ee ene Mawun ma Vuma a̱ ta̱wa̱ e eleshe nu ucira na̱ tsugono tsa̱ A̱sula̱. 27 Reve u lyungu nlingata ma̱ A̱sula̱, tsa̱ra̱ o Éoloto ojoro a̱ yi, aza a na u Éangwai uba̱ta̱ suru, diga o ufaru wu uvaÉi a̱ tyo o ukosu. 28 “I rito ili i ro o uÉanga wu ubiri. Na̱ yee ene a̱vuêun a̱ yi a vadalasa, a yuwusan ototopi, i reve lyushi yuwan ta̱ zuzu. 29 Ne Éa waru na̱ yee ene ili i nda a farasa, i reve u yuwan ta̱ zuzu na̱ ma̱ta̱wa̱a̱, u ta̱ lo o una̱ntsutsu. 30 Amayun a Éa maa dansaa Éu, uvaÉi u nda woo koto shi, she ni ili i na a dammai nda suru a shiwan. 31 Zuva ni iÉa o to koto, amma adanshi a̱ va̱ oo koto shi. 32 “Amma adama o urana u ndolo, ko mantsa babu za na revei, ko nlingata ma̱ A̱sula̱, ko Mawuêun, she Dada va̱ yi goon. 33 I yuwan ugbozu waru i yuwan avasa adama a na i revei mantsaêa shi. 34 “U to oêwo cine vuma tsu da̱na̱ mocin e iÉa i ro u lyawa ta̱ Ée uêwa wa̱ yi, reve u ca agbashi a̱ yi ucira, suru nle waru u ca le ta̱ ulinga u na aa yuwan. Reve u damma za vi ipiri u ka̱lyuwa̱ ulobonu. 35 I da̱na̱ ufoÉu adama a na i revei mantsa ma na zavuêwaêa wa̱a̱ ta̱wa̱ shi. Ko nu ulivu, ko nu urana, ko e memere ma ayin, ko nu usana. 36 Nu u ta̱wa̱ she u cina Éu a nlavu wan. 37 Ili i na maa dansaa Éu, a̱yi Éa i da̱na̱ ufoÉu."