Marku 10

1 Yesu lyawa ta̱ Ée, a̱vu u ka̱mba̱ e iÉa ya Yahuda, waru nu upasu wa̱ Urdu, ama na̱ a̱bunda̱ o Éoloto ta̱ uba̱ta̱ wa̱ yi, a̱vu u ka̱ra̱ o rocosu le ununa u tsu yuwusan. 2 A̱vu Afarishi a̱ ta̱wa̱ uba̱ta̱ wa̱ yi, reve e ece yi, “Unusu u Éa vuma lyawa ka va̱ yi?" 3 A̱vu we ece le, “Nye i Éa Musa damma nÉu?" 4 Reve a̱ usu yi, “Musa damma tsu ta̱ tsu ca ka aatagada a wukasu u lolo, a̱vu a lyawa yi." 5 ÆaÉa u usu nle, “Musa damma Éu ta̱ ne, adama a na i ri na aciyogbamu. 6 Amma a mantsa ma na a yuwain uvaÉi ne Éa u da̱na̱i shi. Amma ana a fara a yuwain, ‘vali na̱ ka Éa a yuwan nle.’ 7 ‘Adama o ndolo a Éa vuma aa lyawa dada va̱ yi na̱ mma va̱ yi, tsa̱ra̱ u suraa ka va̱ yi goon. 8 Ele ra o to oêwo ili i ta̱.’ Ana wo oêwoi a buwa ili i re shi, 9 adama o ndolo ili i na A̱sula̱ o Éoloi, she vuma kakasa wan." 10 A̱vu ana a̱ ka̱mba̱i o uêwa ÉaÉa ojoro a̱ yi e ece niyi ili i na u ritoi. 11 A̱vu u damma le, “Za na kakasai, reve u yuwisan lolo ro, tsipere tsa Éa waa yuwusan na̱ a̱yi. 12 Waru na̱ ka lyawa vali va̱ yi, a̱vu u yuwisan lolo ro, tsipere tsa Éa waa yuwusan." 13 A̱ ta̱wusa̱a̱ yi ta̱ na̱ muwun, tsa̱ra̱ u juêwa̱n le. Reve ojoro a̱ yi a putsa le. 14 Amma ana Yesu enei ne, reve a̱tsuma̱ a̱ la̱nga̱ yi. A̱vu u damma le, “Lyawai muwun n kekeêen n ta̱wa̱ uba̱ta̱ u va̱, she i putsa le wan. Adama e icuêun i ndolo i Éa o foÉoi tsugono tsa̱ A̱sula̱. 15 “Amayun a Éa maa dansaa Éu, za na usuyi tsugono tsa̱ A̱sula̱ cine muwun n ri shi, waa uwa a̱tsuma̱ o tsugono tsa̱ A̱sula̱ shi." 16 Reve u sheÉe le e ekere, a̱vu u zuwaa le abaêun. 17 Ana u remei mmalu a̱ tyo Urishelima, ÉaÉa nanza sumai elime e Yesu, a̱vu u kingyo. A̱vu u damma, manlu ma̱ a̱Éula̱, “Nye Éa maa yuwan, tsa̱ra̱ n tsura̱ wuma u babu ukotu?" 18 A̱vu Yesu usu yi, “Cine vee Éesu mu manlu ma̱ a̱Éula̱? Babu za va̱ a̱Éula̱, she A̱sula̱ goon. 19 A̱vu na aciya̱wu vu reve ta̱ ili i na A̱sula̱ a dammai a yuwan: ‘She vu una vuma nu ucigu wa̱ wu wan, she vu yuwan wivu wan, she vu yuwan tsipere wan. She vu usu ili i na vu revei shi wan, waru she vu paala za ro wan. Vu ca dada na̱ mma va̱ wu tsugbain.’ “ 20 A̱vu u usu yi, “Manlu, ele ndolo suru n yuwusan le ta̱, a̱mu o molobo." 21 A̱vu Yesu ka̱lyuwa̱ yi ni icigi. A̱vu u damma yi, “Ili i ta̱ i Éa vu lambai, êya̱wa̱ vu wina ili i na vu ri na̱ a̱yi suru, tsa̱ra̱ vu ca alambi, adama vu tsura̱ uzuwa zuva. Na̱ vu yuwan ne a̱vu vu ta̱wa̱ vu toni mu." 22 Ana wu uwwai ne, a̱vu u lukuta̱ urewesu, adama a na u ri ni ili a̱bunda̱. 23 A̱vu u vadala u ka̱lyuwa̱ ojoro a̱ yi, a̱vu u damma le, “Ili yu usa̱n i Éa za vu utsuru u tsura̱ u uwa a̱tsuma̱ o tsugono tsa̱ A̱sula̱." 24 A̱vu ojoro a̱ yi a uwa asalama, adama e ili i na u dammai. A̱vu u da̱shi dammisa, “Muwun n va̱, u ta yuwan usa̱n za vu utsuru uwa o tsugono tsa̱ A̱sula̱.â  25 U ta laêaa aarakumi a̱ pusula̱i na̱ vunu vu bele, ana za vu utsuru aa uwa o tsugono tsa̱ A̱sula̱." 26 Ana a uwwai ne, a̱vu a̱ ka̱ra̱ a asalama, a̱vu a damma, “Na̱ wo oêwo za vu utsuru a̱a̱ tsura̱ u uwa a̱tsuma̱ o tsugono tsa̱ A̱sula̱ shi, zane Éa aa laêa?" 27 A̱vu u usu le, “E ekere a vaÉilima̱ ili yu usa̱n i Éa, amma e ekere a̱ A̱sula̱ shi. Babu ili i na A̱sula̱ a̱a̱ kuÉa̱ yuwan." 28 A̱vu Bituru usu yi, “A̱tsu Éa nda tsu lyawai ili suru, a̱vu tsu kuru wu." 29 A̱vu u usu u damma, “Amayun a Éa maa dansaa Éu, za na lyawai uêwa wa̱ yi, ko dada va̱ yi, ko mma va̱ yi, ko u lyawai zakpara va̱ yi, ko vawun va̱ yi, ko gba u lyawai muwun ma̱ yi, ko ka va̱ yi, adama a̱ va̱ na Alabari a Saêani, she nu u tsura̱ atsupu. 30 A mantsa mo gogo, u ta̱ tsura̱ êwa, na̱ a̱za̱ a̱ yi, na̱ muwun ma̱ a̱na̱wu, na̱ a̱Éuma̱, na̱ muwun, ukpaku ukpaku. Amma waru a̱ ta̱ lyungwa̱ yi. Æe zuvaâ  waru u ta̱ tsura̱ wuma u babu ukotu. 31 A̱za̱ e elime na̱ a̱bunda̱ a̱ ta̱ ka̱mba̱ a̱ca̱pa̱. A̱za̱ a̱ a̱ca̱pa̱ a̱ ta̱ ka̱mba̱ elime." 32 Ele a̱tsuma̱ a mmalu a gawan Urishelima, Yesu Ée elime e le, a̱vu ojoro yi ka̱ra̱ asalama. A̱vu ama a na oo tono yi, a̱ ka̱ra̱ o wovon. A̱vu waru u da̱shi Ée ojoro a̱ yi, a̱vu u fara a dansaa le ili i na yaa cina yi. 33 A̱vu u damma, “A̱tsu Éa nda a̱ tyo Urishelima, a ta ca Mawun ma Vuma e ekere a nan ganu a gbagbain na̱ munlu n Wila̱. A ta paÉaa yi ugana u na oo una yi, waru a ta zuwa yi e ekere a̱ a̱za̱ e iwuya. 34 A ta yuwaan yi ulamu reve a̱ tsuwa̱n yi ma̱tsa̱n. Waru a ta fufaba yi, a̱vu o una yi. Agba na a yuwan rana taêatsu, u ta̱ êyon." 35 A̱vu muwun ma̱ Za̱ba̱di, Yakubu na̱ Yahaya, a rawa zuzu na̱ a̱yi a damma, “Manlu tsu ciga wu ta̱, vu yuwaan tsu ili i na tsaa pati wu." 36 Reve we ece le, “Nye i cigai n yuwaan Éu?" 37 Reve a̱ usu, “Urana u na a̱ êya̱sa̱n nuwu zuva na̱ tsugono, tsu ta ciga wu vu zuwa za ta̱ o ukere usaêani, za ta̱ o ukere ugula̱." 38 A̱vu u usu le, “I reve ili i na yaa patishi shi. I ta gura sowo awuya a na moo sowo, a ta gura tsupu Éu ununa a̱a̱ tsupu mu a awuya?" 39 Reve a̱ usu a ta gura. A̱vu u usu le, “I ta gura sowo awuya a na moo sowo, ununa a̱a̱ tsupu mu ne Éa a̱a̱ tsupu Éu. 40 Amma adama a na ya̱a̱ da̱nu o ugula̱ ko o usaêani, za va̱ Éa shi na maa ca. A̱sula̱ a Éa aa ca ba̱ta̱ na u foÉoyi aza a na a Éangwai." 41 Ana ojoro a̱ yi a uwwai ne, reve a uwa a̱tsumola̱ngu na̱ Yakubu na̱ Yahaya. 42 A̱vu u Ée le, u damma le, “I reve ta̱ aza a na a zuwai o oêwo aza a tsugbain a ama o uvaÉi, a̱ ta̱ na̱ tsugbain a aci e le. 43 Ne Éa woo oêwo e ekere a̱ Éu shi. Za na cigai wo oêwo zagbain, she nu u ka̱mba̱to aciya̱yi aagbashi a̱ Éu biti. 44 Za na cigai u uwa elime a̱ Éu, she nu u ka̱mba̱to aciya̱yi aagbashi a̱ Éu suru. 45 Ko Mawun ma Vuma, u ta̱wa̱ tsa̱ra̱ a yuwaan yi tsugbashi shi. Amma tsa̱ra̱ u yuwan tsugbashi, waru u ca aciya̱yi, adama a wawa ama." 46 A̱vu a rawa Jeriko. A̱yi o uta̱ Jeriko no ojoro a̱ yi no oÉolo a ama a̱bunda̱, a̱vu irumba̱ i ro i ta̱wa̱ zavipati aala a̱ yi Bartimawu, mawun ma Timawu. U tsu da̱nusu ta̱ a̱ ngeêen mu ure. 47 Ana wu uwwai Yesu va Nazara ta̱ lo a̱ ta̱wa̱, a̱vu u êya̱sa̱n uÉyo wa̱ yi a dansa, “Yesu, Yesu, mawun ma̱ Da̱wuda, ka̱lyuwa̱ ununa n ri iliyali." 48 A̱vu ama na̱ a̱bunda̱ a putsa yi, a dansaa yi u rungwa̱ una̱ wa̱ yi. Amma she ili i na i êya̱wa̱i elime, a̱vu u da̱shi uta̱a̱ uÉyo a dansa, “Yesu, Yesu, mawun ma̱ Da̱wuda, ka̱lyuwa̱ ununa n ri iliyali." 49 A̱vu wi isawan, reve u zuwa e Ée yi. A̱vu e Ée irumba̱êa̱, a damma yi, “Yuwan ma̱za̱nga̱, u ta̱ Éesu wu." 50 A̱vu u vari aapalutsu a̱ yi, a̱vu u jika̱ a̱ êya̱wa̱ uba̱ta̱ wa̱ Yesu. 51 A̱vu we ece yi, “Nye vu cigai n yuwaan wu?” A̱vu u usu yi, “Manlu, adama n tsura̱ me ene ure." 52 A̱vu u usu yi, “Yuwan mmalu ma̱ wu, ucawu wo okolo a̱ wu u wawa wu ta̱.” Babu usa̱n, a̱vu esu a̱ yi a̱ kpa̱tuêwa̱, a̱vu u kuru Yesu a̱ ka̱ra̱.