Matta 6

1 A̱vu Yesu lyuwa elime o ritosu aza a na oo tono yi a̱vu u damma, “I yuwan ugbozu! A mantsa ma na yaa yuwusan ili i saêani, she i yuwan adama ama e ene a cuwa Éu wan. Ni i yuwan ne, ya̱a̱ tsura̱ iliyinkapa uba̱ta̱ wa Dada Éu za na ri zuva shi. 2 “A mantsa ma na yaa casu alambi, she i ca le ununa a̱za̱ e ikpaêa a tsu yuwan wan. A̱ tsi ivula̱ ta̱ avana a̱tsuma̱ a̱ a̱êisa̱ ne e re adama ama e ene le a cuwa le. Amayun a Éa maa dansaa Éu, a̱za̱ e ikpaêa o ndolo a̱ ushi ta̱ Ée iliyinkapa i le. 3 Adama o ndolo a mantsa ma na yaa yuwusaan alambi uneêe, i yuwan yi usokowu ununa ukere ugula̱ wa̱ wu wee reve ili i na ukere usaêani wa̱ wu waa yuwusan shi. 4 I ca uneêe u Éu usokowu, ne Éa Dada Éu na revei ili i na i ri usokowu suru, waa ca Éu iliyinkapa." 5 Reve Yesu lyuwa elime na adanshi u damma, “A mantsa ma na i ri a avasa, she yo oêwo ana a̱za̱ e ikpaêa wan! A tsu laêa ta̱ ciga e isawan a̱ a̱êisa̱ na̱ a̱ ngeêen mu re a yuwusan avasa adama ama e ene le. Amayun a Éa maa dansaa Éu, a̱ ushi ta̱ Ée iliyinkapa i le suru suru. 6 A mantsa ma na yaa yuwan avasa, i uwa a aasula reve i Éa̱ru una̱ntsu. Reve i yuwan avasa a̱ tyo ya Dada Éu na ri uba̱ta̱ o usokowuêu. Ne Éa Dada Éu za na tse ene ili i na yaa yuwusan usokowu, waa ca Éu iliyinkapa i Éu. 7 Waru a mantsa ma na i ri avasa, she yoo oêwo ana aza a na e revei A̱sula̱ shi wan. Adama a na a̱ tsu ka̱mbuwusa̱ ta̱ ili i na i ri na aci shi. A ta zuwusa A̱sula̱ a ta uwwa le adama a̱ a̱bunda̱ a adanshi e le. 8 She yo oêwo ana ele wan. Adama a na Dada Éu reve ta̱ Ée ili i na i cigai kafu i pati yi. 9 “Adama o ndolo, na̱ yaa yuwan avasa, i vasa tsunda: ‘Dada tsu na ri zuva,â  kamba tsu tsu ca aala a̱ wu tsugbain. 10 Tsugono tsa̱ wu tsa̱ ta̱wa̱, adama vuma biti o uvaÉi u yuwan tsutoni na̱ a̱vu, Ununa aa yuwusan tsutoni na̱ a̱vu zuva. 11 O urana wa anaêan vu ca tsu ilyalya i malya. 12 Vu yuwaan tsu gafura vu nusu u tsu, adama a na a̱tsu tsaa yuwusaan aza a na aa yuwusan tsu unusu gafura. 13 She vu lyawa tsu tsu uwa a̱ ma̱lyungwa̱ wan, agba vu wawa tsu e ekere a za wuya.’ 14 “Amayun nni i yuwaan ozo o ro gafura vu nusu le, Dada Éu na ri zuva u ta yuwaan Éu fo gafura vu nusu Éu. 15 Amma ni i yuwaan ozo o ro gafura shi, Dada Éu na ri zuva waa yuwaan Éu gafura vu unusu u Éu shi." 16 Reve Yesu lyuwa elime na adanshi u damma, “A mantsa ma na yaa yuwusan akuli, she i lukuta̱ urewesu u Éu ununa a̱za̱ e ikpaêa a yuwusan wan. A tsu vadala ta̱ o oêwo ili i ro koêo adama ama e reve a na a̱ ri a akuli. Amayun n ta dansaa Éu, a̱za̱ e ikpaêa o ndolo a̱ tsura̱ ta̱ Ée iliyinkapa i le suru suru. 17 Amma a mantsa ma na i ri a akuli, i saêa urewesu u Éu a̱vu yi sara a̱nji a̱ Éu. 18 Ne Éa za ee reve a na i ri a akuli shi, she de Dada Éu, za na ri uba̱ta̱ o usokowu suru. Waru a na u revei ili yu usokowu suru, u ta ca Éu iliyinkapa." 19 Yesu lyuwa ta̱ elime adansa, “She i Éolotowo aciya̱Éu uzuwa pa o uvaÉi wan! Ikupu na̱ matsafi ma̱ ta̱ lungusa̱ le, waru evu a ta gura Éoso a uwa pe e iva̱ le. 20 Amma, i yuwan izuwa i Éu zuva, uba̱ta̱ u na ikupu na̱ matsafi ma̱a̱ lungusa̱ le shi, waru evu aa gura Éoso a uwa pe e iva̱ le shi. 21 Okolo a̱ Éu a̱ ta̱ da̱na̱ uba̱ta̱ u na uzuwa u Éu u ri kuci. 22 “Esu ele Éa o oêwoi ana fitila lipu. Ne esu a̱ wu a̱ ri ulobonu, lipu va̱ wu suru u to oêwo ne ekan ma̱Éula̱. 23 Amma ne esu a̱ wu a̱ ri ulobonu shi, lipu va̱ wu ma̱Éula̱ u ta̱ da̱na̱ a̱tsuma̱ e irumbu. Ne ekan a na a̱ ri pe ya̱êa̱ wu wo oêwo irumbu, to, amayun vu ta̱ a̱tsuma̱ e irumbu i gbain. 24 “Ko za lo aa gura yuwaan azagbain e re tsugbashi shi. Vu ta êyuwan za ta̱, reve vu ciga za ta̱. Ko vu kuru za ta̱, reve vu êyuwan a̱ kuru za ta̱. Vaa gura yuwaan A̱sula̱ nu utsuru a̱ga̱nda̱ shi." 25 Reve Yesu lyuwa elime na adanshi, “N ta dansaa Éu, she i dama adama e ilyalya ni ili yo oso i na i cigai adama yo oêwo wuma wan. She i dama adama e itana yu uêotosu i lipu i Éu wan. Wuma u laêa ta̱ ilyalya, waru lipu laêa ta̱ itana i lipu. 26 Ka̱lyuwa̱i nnunu! A̱ tsu cuêwa̱n shi, agba aa gasa shi. A tsu zuwa ilyalya o mpon shi. Agba suru na̱ ne Dada Éu na ri zuva u ta̱ ka̱lyuwusa̱ le. Agba i reve ta̱ na i laêai nnunu pepere. 27 Yaa gura da̱shi ko mini ma̱ ta̱ a wuma u Éu shi ni i dama adama a̱ yi. 28 “Adama a̱ nye vu damai adama e itana yu uêotosu? Ka̱lyuwa̱i ununa yipa̱lu yu una i tsu kungwa. A tsu yuwan ulinga adama a yuwan itana i le shi. 29 Amma n ta dansaa Éu, ko Sulemanuâ  nu utsuru wa̱ yi suru, wo oto itana i saêani reve u lobono vadamma za ta̱ le shi. 30 A̱sula̱ o to foÉuso anlya o ogozo, aza a na a̱ ri wuma anaêan, nfaêan gba shi a̱ kula̱to. U lobono ta̱ i gura reve A̱sula̱ a ta ca Éu itana yu uêotosu. She i da̱na̱ nu ucawu wo okolo waêa wan! 31 She i dama wan hali i damma, ‘Nye tsaa lyuwa?’ ko ‘Nye tsoo sowo?’ ko ‘Nye tsoo oto?’ 32 Ama a na e revei A̱sula̱ Éa shi goon a tsu dama adama e ili i ndolo. Dada Éu na ri zuva reve ta̱ na i cigai ili i ndolo suru. 33 Ili i na yaa laêa ciga a̱yi Éa tsugono tsa̱ A̱sula̱, reve waru i yuwan ili i na A̱sula̱ a cigai. Reve a ca Éu akapi e ili i na i cigai suru. 34 Adama o ndolo, she i dama adama a nfaêan wan, adama a na nfaêan ta dama adama a aciya̱yi. Adama o ndolo she i da̱shi addama a aci a addama na urana suru wa̱a̱ ta̱wa̱a̱ wan."