Matta 13

1 A̱tsuma̱ o urana u ndolo, a̱vu Yesu lyawa uêwaêa, a̱vu u ka̱ra̱ a̱ tyo a̱ ngeêen m mala, uba̱ta̱ u na u da̱nuyi adama u yuwan uritosu. 2 OÉolo a ama a na o Éolotoi a̱ da̱na̱ ta̱ a̱bunda̱ lon, hali u zuwa yi u uwa a wantsun, a̱vu u da̱nu pe, ama Ée a aagaÉi. 3 A̱vu u roco le ili na̱ a̱bunda̱ a̱tsuma̱ e iroci. Reve u damma, “A yuwan ta̱ cimbi ro za na êya̱wa̱i mazaza me icuêun a̱tsuma̱ o uÉuma̱ wa̱ yi. 4 A̱yi a̱tsuma̱ a mazaza, a̱vu ozo o ro o oco yi o ure, reve nnunu n ta̱wa̱ n ka̱ka̱Éa̱ le. 5 Reve ozo o ro o oco ba̱ta̱ a atali, uba̱ta̱ u na u ri na̱ ma̱bula̱ waêa. A̱vu o uta̱ babu usa̱n, adama a na ma̱bula̱êa̱ ma̱ ri waêa. 6 Ana urana u yuwain, reve u kpanlato le, adama a na aralu e le a̱ ri a̱ruêun shi, a̱vu e êyewushi. 7 Ozo o ro gba o oco a awanda, a̱vu awanda a̱ êyon, reve a gbagbala le. 8 Ozo o ro gba o oco a̱ ma̱bula̱ ma saêani, a̱vu a kungwa a matsan ulobonu. Cuêun na cimbiêi u cuêwa̱in suru, ozo o ro a matsan ta̱ mataêatsu mataêatsu, ozo o ro kupota̱li-uta̱li, ozo o ro ukpaku ukpaku. 9 Za na ri na atsuvu, wu uwwa!" 10 Reve ojoro a̱ yi e ece yi, “Nye i zuwai vaa yuwusaan ama adanshi ni iroci?" 11 A̱vu u usu le, “A̱Éu Éa a Éangwai tsa̱ra̱ i reve ili yu usokowu i tsugono tsa zuva, agba ozo o ro e reve ili yu usokowu i nda shi. 12 Za na ri ni ili, a̱yi Éa a̱a̱ da̱shi yi lon, waru za na ri ni ili shi, waêa na u ri na̱ a̱yi, a̱ ta̱ ushi yi i Éa. 13 Ili i na i zuwai n tsu yuwusaan le adanshi ni iroci a̱yi Éa: ‘A̱ ta̱ ka̱lyuwa̱, agba ee ene shi, a ta zuwa atsuvu, agba aa uwwa ko a̱ tsura̱ urevu shi.’ 14 “Adanshi a̱ A̱sula̱ a shiwan ta̱, cine Ishaya vumava̱sula̱ dammai: ‘Ama a ta uwwa adanshi a̱ va̱, agba ee reve ili i na maa dansa shi. E te eneshe ili i na maa yuwusan, agba urevu wa̱ yi u ta̱ puwa̱n le. 15 Adama a na ama a nda a gbama ta̱ okolo, waru atsuvu e le a ula ta̱, waru a̱ kpa̱to ta̱ esu, adama o ndolo ee ene shi, waru atsuvu e le aa uwwa shi, okolo e le a̱a̱ tsura̱ urevu shi, waru a̱a̱ ka̱mba̱ uba̱ta̱ u va̱, tsa̱ra̱ n ka̱mba̱to le gbaga shi.’ 16 “Amma A̱sula̱ a zuwaa Éu ta̱ abaêun, adama a na esu a̱ Éu e te ene waru atsuvu a̱ Éu a ta uwwa! 17 Ama̱sula̱ na̱ a̱bunda̱ na ama a saêani a̱ da̱na̱ ta̱ a maluwa tsa̱ra̱ e ene ili i na yee inda, tsa̱ra̱ waru a uwwa ili i na yaa uwwusa. Amma n damma Éu e ene shi, waru a uwwa shi. 18 “Zuwai atsuvu, adama i tsura̱ ucuÉuwu wi iroci yi cimbiêi. 19 Icuêun i na yo ocoi a̱ ngeêen mu ure, ele Éa ama a na a uwwai adanshi o tsugono tsa̱ A̱sula̱, agba a̱ tsura̱ urevu wa̱ yi shi. A̱vu za wuya ta̱wa̱, reve u usa adanshiêi a̱tsuma̱ o okolo e le. 20 Icuêun i na yo ocoi ba̱ta̱ a atali, ele Éa aza a na a̱ ushiyi adanshiêi na̱ ma̱za̱nga̱ babu usa̱n. 21 Agba a̱ ri na aralu a̱ a̱ruêun shi, adama o ndolo a jima shi. Ana nden mu uvaÉi n suÉuwai, ko adanshiêi a zuwa nle a addama, a̱vu a̱ riya̱. 22 Aza a na o ocoi a awanda, ele Éa ama a na a uwwai adanshiêi, reve a uwa a̱tsuma̱ a̱tsuma̱lima̱ o uvaÉi u nda, reve waru icigi i na oo oêwo nu utsuru wu luma̱ le. Reve a gbagbala adanshiêi a putsaa le a bala. 23 Aza a na o ocoi a̱ ma̱bula̱ ma saêani, ele Éa ama a na a uwwai adanshiêi, a̱vu a̱ tsura̱ urevu wa adanshiêi. Cuêun vuma ndolo tsu matsan ta̱ ulobonu, mantsa mo ro gba shi, mataêatsu mataêatsu, mantsa mo ro gba kupota̱li-uta̱li, mantsa mo ro ukpaku ukpaku." 24 A̱vu Yesu yuwaan le iroci i ro: “Tsugono tsa zuva tsu ta̱ ne tsunda: Cimbi ro zaza ta̱ icuêun i saêani a̱tsuma̱ o uÉuma̱ wa̱ yi. 25 Na ayin, mantsa ma na ama a lantsai suru, a̱vu maêyuwatan ma̱ yi ma̱ êya̱wa̱ u cuêwa̱a̱n yi ewenwele a̱tsuma̱ e iwele reve u ka̱ra̱. 26 Ana iweleêe i farai a kungusa tsa̱ra̱ a matsan, reve fo ewenweleêe a kungwa oÉolo ne ele. 27 Reve agbashi a vumaêa a̱ ta̱wa̱ uba̱ta̱ wa̱ yi a̱vu a damma yi, ‘Vu cuêwa̱n ta̱ icuêun i saêani o uÉuma̱ wa̱ wu. Te Éa ewenwele o uta̱i?’ 28 “Reve u usu, ‘Maêyuwatan ma Éa ma̱ cuêwa̱in ewenweleêe.’ “Reve e ece yi, ‘Vu ciga tsu ta̱ tsu mula̱ ewenweleêe?’ 29 “A̱vu u usu, ‘Oêo, adama a na na̱ yi mula̱ ewenweleêe gogo, i ta̱ mula̱ iwele fo. 30 Lyawai iweleêe a kungwa oÉolo, hali a̱ tyo a mantsa me ikani. Reve n damma aza a zamalinga: Æolotoi ewenweleêe uba̱ta̱ u ta̱ neêen, a̱vu yi nla̱ le tsa̱ra̱ i kula̱to le. A̱vu i Éoloto iweleêe i ta̱wa̱to le o mopon ma̱ va̱.’ “ 31 A̱vu Yesu dammisa le iroci i ro, u damma, “Apa cine tsugono tsa zuva tsa̱ ri: Vuma ro tara ta̱ oroci a suêwanêuri, reve u cuêwa̱n yi a̱tsuma̱ o uÉuma̱ wa̱ yi. 32 A̱yi Éa cuêun na laêai uka̱la̱mu a̱tsuma̱ e icuêun, agba nu u kungwa, u tsu laêa ta̱ olopu biti mgbain. U tso oêwo ta̱ a̱ba̱jini o uÉanga, hali nnunu n ta̱wa̱ n yuwan Ée nkinda e eten a̱ yi." 33 A̱vu Yesu yuwusaan le iroci i ro, “Apa a nda cine tsugono tsa zuva tsa̱ ri: Ka tsu tara ta̱ woliloâ  a̱vu u ja̱mba̱ra̱ yi a yira a̱tsuma̱ e meretsu, she nu u ja̱mba̱ra̱ yi suru suru, a̱vu u tsutsa." 34 Yesu yuwusan ta̱ adanshi ni iroci adama u damma oÉolo a ama ili i nda suru. U tsu damma le ili i ro babu na u yuwain adanshi ni iroci shi. 35 U yuwan ta̱ ne tsa̱ra̱ u shiton ili i na vumava̱sula̱ dammai, “N ta yuwaan Éu adanshi ni iroci. N ta damma ili i na i ri usokowu diga a mantsa ma na A̱sula̱ a yuwain uvaÉi." 36 Ana Yesu lyawai oÉolo a amaêa, a̱vu u uwa a̱tsuma̱ o uêwa, reve ojoro a̱ yi a̱ ta̱wa̱ uba̱ta̱ wa̱ yi a̱vu a damma, “Damma tsu urevu wi iroci ye ewenwele a̱tsuma̱ o uÉuma̱êa̱." 37 Reve u usu le, “Za na zazai icuêun i saêaniêi a̱yi Éa Mawun ma Vuma. 38 UÉuma̱ waru gba a̱yi Éa uvaÉi. Ele icuêun i saêani ele Éa ama a na a̱ ri ozo o tsugonoêo. Ele gba icuêun ye ewenwele ele Éa aza a na o uta̱i uba̱ta̱ wu za wuya. 39 Maêyuwatan ma na ma zaza nle a̱yi Éa Mekerenkesu. Mantsa me ikani a̱yi ukosu wu uvaÉi. Aza a zamalinga a na oo Éoloto le, ele Éa nlingata ma̱ A̱sula̱. 40 “O tsu Éoloto ta̱ ewenwele a̱vu a̱ kula̱to. Ne Éa woo oêwo a mantsa mo ukosu. 41 A̱mu Mawun ma Vuma, n ta̱ lyungu nlingata n va̱, a ta tawa ili i na i tsu zuwa unusu suru a̱tsuma̱ o tsugono tsa̱ va, waru na aza a na aa yuwusan iwuya suru. 42 A ta vari le a̱tsuma̱ a̱ a̱a̱ka̱ri a na a̱ ri tapu na akina a na a̱ ri usuÉuwu lon, uba̱ta̱ u na ama a̱ da̱na̱ a̱ shosun na a lumi anga e le na̱ mÉa̱la̱. 43 Ele gba ama a̱ a̱Éula̱ a̱ te ikana gashi urana o tsugono tsa Dada le. Za na ri na atsuvu, wu uwwa!" 44 A̱vu Yesu lyuwa elime na adanshi, “Apa cine tsugono tsa zuva tsa̱ ri: Vuma ro tsura̱ ta̱ uzuwa u na vuma ro sokoi a̱tsuma̱ o uÉuma̱. A̱vu wu palisa yi. U yuwan ta̱ ma̱za̱nga̱ a̱vu u êya̱wa̱ u wina ili i na u ri na̱ a̱yi suru, a̱vu u ka̱mba̱ u tsula uÉuma̱êa̱. 45 “Waru, apa cine tsugono tsa zuva tsa̱ ri: Za va atsulu na awina ro te izami yi iyeÉi yi ikebe.â  46 Nu u tsura̱ za na laêai ulobonu, reve u êya̱wa̱ u wina ili i na u ri na̱ a̱yi suru tsa̱ra̱ u tsula yi. 47 “Waru, apa cine tsugono tsa zuva tsa̱ ri: A̱za̱ e mereme ma mugula n ro a vari ta̱ igolo i le a̱tsuma̱ a mala, a̱vu e reme mugula icuêun icuêun. 48 Ana igoloêo i shiwain, a̱vu o rono yi o uta̱ a alanga, reve a̱ da̱nu tsa̱ra̱ a kakasa mugulaêa. Mugula n saêani a̱vu a zuwa le a̱tsuma̱ a aasaêatsu, aza a na a̱ ri ulobonu shi gba, o oco le. 49 Ne Éa woo oêwo mantsa mo ukosu. Nlingata n ta̱ ta̱wa̱ a kakasa a̱za̱ e iwuya a̱tsuma̱ a ama a̱ a̱Éula̱. 50 Nlingataêa n ta vari a̱za̱ e iwuya a̱tsuma̱ a̱ a̱a̱ka̱ri a na a̱ ri tapu na akina a na a̱ ri usuÉuwu lon, uba̱ta̱ u na ama a̱a̱ da̱na̱ a̱ shosun na a lumi anga na̱ mÉa̱la̱." 51 A̱vu Yesu ece le, “I gura ta̱ reve ili i nda suru?” Reve a̱ usu, “Ee, tsu tsura̱ ta̱ urevu wa̱ yi." 52 Reve u damma le, “Manlu ma̱ wila̱ ma na suru ma̱ tsura̱i urevu u tsugono tsa zuva u rotso ta̱ vuma na oo uta̱su akuci nu uzuwa u saêavu a alanga a̱tsuma̱ o mopon." 53 Ana Yesu kotoi adansa iroci i nda, a̱vu u lyawa uba̱ta̱êa̱. 54 Reve u ka̱mba̱ Nazara, lyuci na u kungwai. Ana u yuwain uritosu Ée a̱tsuma̱ a̱ a̱a̱êisa̱,â  ama suru a yuwan ta̱ asalama a̱vu a damma, “Te Éa u tsura̱i ugbozu nu ucira u na waa yuwusan ili ya asalama i nda? 55 A̱yi mawun ma za vu usheêen ma Éa. Meriâ  Éa mma va̱ yi, waru muwun ma̱ a̱na̱wu ma̱ yi ele Éa, Yakubu, na̱ Isuhu, na̱ Simo na̱ Yahuza. 56 Muwun ma̱ a̱na̱wu me esheli ma̱ yi suru a̱ ta̱ pa oÉolo na̱ a̱tsu. Cine tsa Éa waa gura yuwan ulinga u nda suru?" 57 Adama o ndolo ugbozu u le u da̱nu na̱ a̱yi shi, a̱vu a êyuwan yi. Reve gba u damma le, “Vumava̱sula̱ ri na̱ tsugbain a̱ lyuci no o uêwa wa̱ yi shi, she a̱ lyuci ro." 58 Adama o ndolo, u gura yuwan ili ya asalama ya̱ a̱bunda̱ a̱ lyuci va̱ yi shi, adama a na a̱ ri nu ucawu wo okolo shi.