Galatiya 6

1 Ama a̱ va̱, na̱ za ro a̱tsuma̱ a̱ Éu yuwan ta̱ unusu, to, a̱Éu a na i ri nu ucira a̱tsuma̱ a̱ Ruhu i ka̱mba̱to vumaêa o ure u mejege. Amma i yuwan yi ben. Amma i yuwan ugbozu, adama a̱Éu fo i yuwan cuêun vi iwuya i ndolo wan. 2 I kambulai nni i ri ni itana yu ume i na yaa tanu. Ni i yuwan ne, i ta̱ da̱na̱ a yuwusan ili i na Kristi Zamawawa ciga nÉu i yuwan. 3 Na̱ za ro a tarasa aciya̱yi ili i ro i Éa, agba a̱yi ili i ro i Éa shi, aciya̱yi a Éa wa̱a̱ lumusa̱. 4 Za suru u petelyuwe wuma wa̱ yi. Nnu u yuwan ta̱ mejege, u ta̱ za̱nga̱na̱ nu ulinga wa̱ yi. Amma she u kurato ulinga wa̱ yi na̱ linga va ama wan. 5 Za suru nu u êyuwan u ciga u tanu itana ya̱ yi. 6 Za na a̱ ushishi uritosu wa̱ A̱sula̱, u neêeshen ili i saêani i na u ri na̱ a̱yi na̱ manlu ma̱ yi. 7 She yi luma̱ aciya̱Éu wan: She i jiyan gashi i ta gura pusa̱n A̱sula̱ ugbozu wan. Ili i na vuma cuêwa̱in a̱yi Éa waa gasa. 8 Nna̱ a̱ cuêwa̱n ta̱ adama o yoêonoto icigi yi iwuya i le, icigi yi iwuya i le i ta̱ lungusa̱ le. Amma na̱ a̱ cuêwa̱n adama o yoêonoto Ruhu okolo, a̱ ta̱ ushi wuma u babu ukotu uba̱ta̱ wa̱ Ruhuêu. 9 She tsu kuna̱i na̱ mayan me ili i na i ri ulobonu wan, tsu ta̱ ushi ugasa u wuma u babu ukotu u tsu a mantsa ma saêani nna̱ tsu kuÉa̱ o ure shi. 10 Adama o ndolo tsu yuwayin ama suru isaêani na̱ tsu tsura̱ mantsa suru. U laêa ta̱ ulobonu tsu yuwayin a̱za̱ a̱ tsu a̱za̱ e Itoni i saêani. 11 I ta gura ene iÉani i gbagbain i na n yuwain ana n Éanai nu ukere u va̱. 12 Aza a na a cigai o yoêonoto aza a Israêila okolo a Éa a yuwusan ukadu a zuwa Éu mapaÉa mo uryumbu. A ta uwwusa wovon u na aza a Israêila a ca le a̱tsuma̱lima̱ nno o toni akpata e Yesu Zamawawa goon. 13 Aza a na a paÉai Ée uryumbu, ele a aciyele oo tonishi Wila̱êa̱ shi, amma a ciga Éu ta̱ i paÉa uryumbu adama a̱ êya̱sa̱n avangaci e ekere e ili i na a zuwa nÉu i yuwan nu ucira. 14 A̱mu gba, n ciga n êya̱sa̱n avangaci a aci e ili i ro shi, she o ukwa̱ wu Zagbain tsu Yesu Kristi Zamawawa a akpata goon. Adama a akpataâ  o ndolo, maa yuwusan waru wuma cine ama o uvaÉi a nda a yuwusan shi. Amma a gura reve ili i na i zuwai maa yuwusan cuêun wumaêa shi. 15 Wo oêwo ili i ro shi nna a paÉa vuma uryumbu ko na a paÉa yi uryumbu shi. Amma ili i na i laêai ulobonu a̱yi Éa vuma ushi wuma u saêavu diga uba̱ta̱ wa̱ A̱sula̱. 16 A̱sula̱ a ta ca ama a na o toniyi adanshi a nda asuvu nden a̱ yi, waru u ta zuwaa le abaêun. Ama o ndolo ele Éa ama a̱ A̱sula̱ a amayun. 17 Diga gogo a̱ êya̱wa̱, she nanza da̱shi damaton mu ni ili i nda waru wan. Alana a na n ri nda ne ele a̱ lipu va̱ o to rocosu a̱mu za va̱ Yesu Éa. 18 Ama a̱ va̱, lyawa isaêani yi Zagbain tsu Yesu Kristi Zamawawa i da̱na̱ oÉolo na̱ a̱Éu suru. Ami.