Afisu 2

1 Nu ufaru, i rotso ta̱ a̱kwa̱kwa̱ adama a na i êyuwain a yuwan tsutoni na̱ A̱sula̱ reve i yuwusan unusu. 2 I tsu yuwusan ta̱ nden n Éu tsa ama o uvaÉi. I yuwan ta̱ tsutoni na̱ Male, za na a̱yi Éa mogono mo otoni a̱ lima̱ za na ri Ée zuva. A̱yi Éa otoni a̱ lima̱ a na aa yuwusan ulinga a̱tsuma̱ a ama a na a êyuwain a yuwan tsutoni na̱ A̱sula̱. 3 Suru ntsu tsu yuwan ta̱ cine ele fo a yuwusain nu ufaru. Tsu yuwan ta̱ ili yi iwuya i na tsu cigai tsu yuwan biti. Tsu toni ta̱ ili i na okolo a̱ tsu a cigai tsu yuwan suru ni ili i na majiyan ma̱ tsu ma ca ntsu tsu yuwan. Adama a na tsu yuwain iwuya wu ntsaa ta̱ A̱sula̱ a ca tsu a̱tsuma̱lima̱, cine waa ca akapi a ama. 4 Amma isaêani ya̱ A̱sula̱ a̱ba̱jini a Éa, waru u ciga tsu ta̱ lon. 5 U Éolo tsu ta̱ na̱ Yesu Zamawawa, reve u ca tsu wuma u saêavu. U yuwan ta̱ cuêun ndolo ko na u da̱na̱i a mantsa mo ndolo tsu da̱na̱ ta̱ tsa̱ a̱kwa̱kwa̱ adama a̱ nusu. Adama e isaêani i Éa goon A̱sula̱ a wawa nÉu. 6 U êya̱sa̱n tsu ta̱ diga o ukwa̱ na̱ Yesu Zamawawa, reve u zuwa tsu zuva tsa̱ra̱ tsu da̱nu oÉolo na̱ Yesu Zamawawa, reve waru tsu yuwan tsugono oÉolo na̱ a̱yi. A̱sula̱ a yuwan ta̱ ne ana u Éolo ntsu na̱ Yesu Zamawawa. 7 U roco tsu ta̱ isaêani ya̱ yi o ure u nda e ekere e Yesu Zamawawa, tsa̱ra̱ a aêwan a na a̱a̱ ta̱wa̱ ama ee ene a̱ba̱jini e isaêani a̱ yi waru u laêa ta̱ akapi e ili suru. 8 Adama e isaêaniâ  i na A̱sula̱ o roco nÉu Éa goon u wawa nÉu o ure u na i usuyi Yesu Zamawawa. U wawa Éu adama e ili i saêani i na i yuwain shi. 9 A̱yi nda uneêe wa̱ A̱sula̱ u Éa a̱ tyo ya̱êa̱ Éu, amma adama e ili i na i yuwain i Éa shi. A̱yi Éa i zuwai nanza a̱a̱ êya̱sa̱n avangaci shi. 10 A̱sula̱ a Éa a zuwa ntsu tso oêwoi ili i na tsu ri. A̱tsuma̱ e Yesu Zamawawa, A̱sula̱ a yuwan tsu ta̱ tsa̱ra̱ tsu yuwan linga saêani. Ure u na u foÉoi u nda nu ujimu u Éa adama tsu toni. 11 A̱Éu Atakpaci a Éa i shi. A̱Éu Éa ama a na aza a Israêila a̱ tsu Ée “aza a na a paÉai uryumbu shi.” Aza a na e Ée nÉu “aza a na a paÉai uryumbu shi”, e Ée ta̱ aciyele, “aza a na a paÉai uryumbu.” (MapaÉa mo uryumbu ili i na a tsu yuwan a̱ lipu le Éa.) 12 I cuwan a mantsa mo ndolo, koto i shi i reve Yesu Zamawawa shi, i shi pe a̱tsuma̱ a ama e iÉa ya Israêila shi. A̱sula̱ a yuwan ta̱ akucunu ne ele, amma na̱ a̱Éu shi, reve u yuwaan le nzuwulai mi ili ya̱ a̱bunda̱ agba adama a̱ Éu a Éa shi. I shi ta̱ pe a̱tsuma̱ o uvaÉi u nda agba i shi ni ili i na yaa zuwa okolo shi, waru koto i shi i reve A̱sula̱ shi. 13 Æe a̱ca̱pa̱, i da̱na̱ ta̱ alanga, amma gogo a na o Éolo nÉu na̱ Yesu Zamawawa, A̱sula̱ a rawato Éu ta̱ zuzu na aciya̱yi o ure wu mpasa wa̱ Yesu Zamawawa. 14 Yesu Zamawawa na aciya̱yi u ta̱wa̱a̱ tsu ta̱ na asuvu nden. Nu ufaru tsurala tsa na tsa̱ ri pe e memere ma aza a Israêila na Atakpaci u ta̱ gashi uÉaÉu. U tawa ta̱ tsurala tso ndolo, reve u ka̱mba̱to tsu ama e ili i ta̱. 15 Wila̱ wa aza a Israêila a̱ ta̱ ni ili i na ama oo toni na̱ a̱bunda̱, amma Yesu Zamawawa tara le ta̱ reve u zuwa le a̱ ngeêen o ure wu ukwa̱ wa̱ yi. U yuwan ta̱ ne tsa̱ra̱ u Éolo aza a Israêila na Atakpaci a̱ tyo e ekere a̱ yi adama o oêwo ili i saêavu i ta̱. O ure u nda u Éa u ta̱wa̱yi na asuvu nden a̱tsuma̱ e le. 16 Waru ifoÉi ya̱ Yesu Zamawawa i Éa i kototoi tsurala tsa na tsa̱ ri pe e memere ma ama o ndolo. Reve u ka̱mba̱to le o oêwo lipu ta̱, reve waru u ka̱mba̱to le uba̱ta̱ wa̱ A̱sula̱. Yesu Zamawawa yuwan ta̱ ili i ndolo suru nu ukwa̱ wa̱ yi a akpata.â  17 U ta̱wa̱ ta̱ a̱tsuma̱ o uvaÉi u nda, reve u yuwan alajiya a Alabari a Saêani za na aa yuwusan adanshi adama a asuvu nden. U yuwaan Éu ta̱ Atakpaci alajiya, aza a na a̱ da̱na̱i alanga, waru a̱ tyo ya̱êa̱ tsu aza a Israêila, aza a na a̱ ri zuzu. 18 Gogo suru ntsu, aza a Israêila na Atakpaci, a̱ ta̱wa̱ ya Dada o ure u Ruhu va Akiza ta̱ adama e ili i na Yesu Zamawawa yuwaan ntsu. 19 Adama o ndolo, a̱Éu Atakpaci,â  i buwa omocin ko aza a na a̱ ri a̱za̱ e iÉa ya alanga shi. Amma, yo oêwo ta̱ ama e iÉa i ta̱ na ama a̱ A̱sula̱. A̱Éu ama a Éa a na a̱ ri pe a̱tsuma̱ o uêwa wa̱ A̱sula̱. 20 I ta̱ gashi ikunku a̱tsuma̱ o uêwa aza a na a yuwusaan usaa a atali. Ajiya na Ama̱sula̱ a̱ ta̱ gashi ikyun yu usaa u ndolo, waru Yesu Zamawawa Éa ikyun yu ucira yu usaaêa. 21 A̱yi Éa za na Éa̱na̱i usaa u ndolo ma̱Éula̱. U zuwa yi ta̱ u kungwa reve waru u ka̱mba̱ a̱a̱êisa̱ a akiza adama a Zagbain. 22 Adama a na i tu uÉolu na̱ Zamawawa u Éolo Éu ta̱ na̱ a̱za̱ e Itoni, tsa̱ra̱ yo oêwo uêwa, uba̱ta̱ u na A̱sula̱ a̱a̱ da̱nu nu ucira u Ruhu va Akiza.