Ajiya 26

1 A̱vu Agaripa damma Bulu, “Vu yuwan adanshi na aciya̱wu, mu uwwa.” A̱vu Bulu êya̱sa̱n ekere a̱ yi zuva, tsa̱ra̱ ama a̱ rungwa̱. Reve u teme adanshi, a̱vu u damma, 2 “Mogono Agaripa, n ta̱ na̱ ma̱za̱nga̱ a na n tsura̱i mantsa ma na maa yuwan adanshi a̱ ma̱ka̱ka̱n ma̱ wu anaêan. N geshe aciya̱va̱ adama a adanshi a na ama a̱ va̱ a̱ ta̱wa̱yi uba̱ta̱ wa̱ wu. 3 N reve ta̱ vu ta̱ nu urevu wa agadu a aza a Israêila lon na̱ cuêun vu nden n le. Gogo, vu yuwan ankuri vu polo atsuvu a̱ wu vu uwwa mu ulobonu! 4 “A kungwato mu ta̱ a Tarsu nu urevu wi ili suru wa aza a Israêila na̱ a̱tsuma̱ a̱ Urishelima. Azagbain a Israêila a̱ ta̱ nu urevu u nda suru. 5 E reve mu ta̱ nu ujimu, waru a̱ ta̱ nu urevu u na a̱mu Mafarishi ma Éa, aza a na a laêai wila̱ a̱tsuma̱ o ure wi itoni i tsu. A ta gura damma ne, nna̱ a ciga a damma mejege. 6 Gogo, n ta̱ mishin e geêetosu mu adama o uzuwu wo okolo a na n zuwai a nzuwulai n na A̱sula̱ a yuwayin ama a̱ tsu nu ujimu. 7 Nzuwulai n nda n Éa n zuwai gundo tsu kupa ne ejere a yuwusaan A̱sula̱ a̱ga̱nda̱ urana na ayin. Nzuwulai n nda n ta̱wa̱a̱ ta̱ nu uzuwu wo okolo. Mogono ma̱ va̱, adama a na n ri nu uzuwu wo okolo a nda a Éa aza a Israêila a̱ ta̱wa̱yi na adanshi a̱ va̱ pa nda. 8 Nye i zuwai woo oêwo usa̱n vuma usu a na A̱sula̱ a̱ tsu êya̱sa̱n ta̱ a̱kwa̱kwa̱? 9 “A̱mu aciya̱va̱ n shi ta̱ n ciga n putsaa na̱ malyuwa me elime na̱ mayan ma adanshi e Yesu va Nazara. 10 Nan ganu a gbagbain a ca mu ta̱ ucira u na maa yuwan ili i nda suru, waru n reme ta̱ a̱za̱ e Itoni na̱ a̱bunda̱ a̱ Urishelima, reve n zuwa ukere u va̱ fo tsa̱ra̱ o unusa le. 11 N zuwa ta̱ a fufaba le a mantsa na̱ a̱bunda̱ a̱tsuma̱ a̱ a̱êisa̱, ko u ta zuwa le a wasan Kristi Zamawawa. N da̱na̱ ta̱ na̱ tsushuêun ne ele lon, hali n karishi le ana a̱ tyo e ilyuci ya alanga e iÉa yo omocin, a̱vu n zuwa le Ée a̱tsuma̱lima̱." 12 A̱vu Bulu lyuwa elime, adansa, “Urana u ro n da̱na̱ ta̱ a̱tsuma̱ a mmalu a̱ tyo Dimaska, tsa̱ra̱ n yuwan ulinga u nda, na̱ mepepelime ma na ma̱ ri nu ucira u na nan ganu a gbagbain a zuwai ukere. 13 Mogono, a̱ tyo o urana a aci, ÉaÉa ekan a na a laêai ekan o urana o uta̱i Ée zuva, a̱vu u reme mu esu oÉolo na aza a na a̱ da̱na̱i na̱ a̱mu. 14 A̱tsuma̱ a̱ tsu, koyan riya̱ ta̱ e iÉa. Reve mu uwwa uÉyo a yuwusaan mu adanshi na̱ Tsuêarama,â  adansa, ‘Shawulu, Shawulu, nye i zuwai voo Éongishi mu? Tsulo tsa Éa na̱ nan yuwan nla̱ngi na aaÉanga a aguÉa.’ 15 “Reve me ece, ‘A̱vu Éa gba zane, Zagbain?’ “A̱vu Zagbain u usu, ‘A̱mu Éa Yesu za na voo Éongishi. 16 êYon gogo! Ili i na i zuwai n ta̱wa̱i uba̱ta̱ wa̱ wu gogo, n Éangula wu ta̱ vo oêwo aagbashi a̱ va̱, reve waru vu damma ili i na ve enei. Vu ta damma uvaÉi ili i na i farai pa, na̱ mantsa mo ro na̱ ve ene mu. 17 N ta̱ lyungusu wu a̱ tyo uba̱ta̱ wa aza a Israêila, waru n ta lyungusu wu a̱ tyo uba̱ta̱ wa Atakpaci. N te keÉe wu na̱ va̱a̱ êya̱wa̱ uba̱ta̱ u na n lyungu nuwu. 18 N ta ciga vu kpa̱tuêwa̱ esu e le, reve waru vu vadala le a lyawa irumbu a̱ tyo uba̱ta̱ e ekan. A̱vu a vadala a lyawa ucira u Male a̱ ka̱mba̱ uba̱ta̱ wa̱ A̱sula̱. A̱sula̱ a ta yuwaan le gafura vu unusu u le, a̱vu a̱ tsura̱ ure oÉolo na ama a na a tawai nshinda̱ n le adama o ucawu wo okolo e le ya̱êa̱ va̱.’ “ 19 A̱vu Bulu damma waru, “Ne Éa waru, mogono Agaripa, n wasan shi. 20 N fara ta̱ yuwaan aza a Dimaska alajiya. A̱vu n ka̱ra̱ a̱ tyo Urishelima hali a̱ tyo e iÉa ya Yahuda. Reve waru n ka̱ra̱ a̱ êya̱wa̱ uba̱ta̱ wa Atakpaci. A̱vu n damma le, ama suru a lyawa mayan mo unusu, a̱vu a vadala a̱ ka̱mba̱ uba̱ta̱ wa̱ A̱sula̱. Reve a yuwan isaêani tsa̱ra̱ o roco ama a na a vadalai. 21 “A̱yi Éa i zuwai aza a Israêila e reme numu a̱ A̱a̱êisamapaÉa, azama o una mu. 22 Amma A̱sula̱ a kamba mu ta̱, a̱yi Éa i zuwai n ri wuma anaêan, tsa̱ra̱ n damma ama amayun a nda, diga a vuma keêen hali a̱ tyo o mogono ma gbain. Ili i na n dammai suru ili i na ama̱sula̱ na̱ Musa dammai Éa na yaa fara. 23 Ili i na gba yaa fara, ele Éa Zamawawa to sowo a̱tsuma̱lima̱, a̱yi Éa waru wo oêwoi vuma vu ufaru na êyoyin a̱tsuma̱ a̱ a̱kwa̱kwa̱, waru u ta̱ da̱na̱ ekan e ekere a aza a Israêila na Atakpaci." 24 Bulu a̱tsuma̱ adanshi, reve Fesutu yuwan adanshi nu uÉyo zuva, “Bulu vu jaara ta̱ wayan? A̱bunda̱ e Éesununa̱ u zuwa ta̱ ma̱puna̱ ma̱ wu ma̱ sa̱da̱!" 25 A̱vu Bulu ka̱mbuwa̱ yi, “N jaara shi, Zagbain Fesutu. Ili i na maa dansa amayun a Éa, waru u ta̱ nu urevu u saêani. 26 Agaripa mogono u ta̱ nu urevu wi ili i nda. N ta yuwusan adanshi babu wovon, n reve ta̱ u ta̱ nu urevu wi ili i na i farai Ée nu ujimu. Ili i nda i fara o oboguzu o ro usokowu shi. 27 Agaripa mogono, vu ca ta̱ okolo na ama̱sula̱? N reve ta̱ vu ca ta̱â" 28 Reve Agaripa gbandara yi neêen, “Vu ta a majiyan vu to oêwoto mu za vi Itoni a mantsa waêa?" 29 A̱vu Bulu usu yi, “Ko nu u tara mantsa me keêen ko mantsa ma̱ a̱bunda̱, avasa a̱ va̱ a̱yi Éa a̱vu na aza a na a uwwusa mu anaêan yoo oêwo ununa a̱mu n ri! Shede maa ciga Éu i da̱na̱ wunlu na akani a nda shi." 30 A̱vu mogono Agaripa, na̱ gwamna Fesutu, na̱ Baranisi, na aza a na a̱ da̱na̱i oÉolo ne ele suru a̱ êyon reve a̱ ka̱ra̱ a lyawa uba̱ta̱êa̱. 31 Ana a dammulai va̱ni le, a̱vu a damma, “Vuma nda yuwan ili i na i rawai o una yi shi, ko a zuwa yi o uêwa wa ali shi." 32 Hali Agaripa damma Fesutu, “O una̱ u na u pati ntsu tsu êya̱wa̱ na adanshi a̱ yi ya̱ Kaisa Éa goon yaa putsaa tsu tsu lyawa yi."