Ajiya 16

1 Bulu na̱ Sila a fara ta̱ êya̱wa̱ Daraba she Lisitira uba̱ta̱ u na a cinai Timoti, za na mma va̱ yi za vi Itoni Éa, umatsun wa Israêila u Éa. Dada va̱ yi gba shi Meheleni ma Éa. 2 A̱za̱ e Itoni a na a̱ ri a̱tsuma̱ a Lisitira na̱ Ikoniya a cuwusa ta̱ Timoti. 3 Bulu shi ta̱ ciga Timoti toni yi, ÉaÉa u tara niyi. Reve u paÉa yi uryumbu, adama a na aza a Israêila a na a̱ ri uba̱ta̱ u ndolo, e reve ta̱ a na dada va̱ yi Meheleni ma Éa. 4 Mantsa ma na Bulu na̱ Sila a uwusai lyuci lyuci, reve a cuÉuwa ama ili i na azagbain a dammulai adama a Atakpaci, tsa̱ra̱ a̱ kuru. 5 Ne Éa a̱za̱ e Itoni a̱ da̱shi tsura̱i ucira o ucawu wo okolo, waru urana suru a̱ da̱shishi ta̱ a̱bunda̱. 6 Reve o toni iÉa ya Firijiya ni iÉa ya Galatiya, adama a na Ruhu va̱ A̱sula̱ putsaa le ta̱ a yuwan alajiya neêen a̱tsuma̱ a Asiya wan. 7 Ana a rawai o utyo wi iÉa ya Misiya, reve a yuwan a̱tyo o ukadu u na a yuwan tsa̱ra̱ a̱ tyo e iÉa ya Bitiniya, amma Ruhu va̱ Yesu lyawa le shi. 8 Reve o toni a̱ mÉa̱nga̱ mi iÉa ya Misiya, reve a̱ ka̱ra̱ a̱ cipa̱ a̱ tyo Taruwasa. 9 Na ayin, reve Bulu ene alavu alavu. A̱tsuma̱ a alavu alavuêu we ene ta̱ vuma va Makidoniya mishin, a patishi yi, adansa, “Ta̱wa̱ Makidoniya tsa̱ra̱ vu kamba tsu." 10 Ana Bulu enei alavu alavu o ndolo, babu usa̱n reve tsu êyon a̱ êya̱wa̱ Makidoniya, tsu reve ta̱ a na A̱sula̱ a Éa e Ée ntsu tsu yuwaan le alajiya a Alabari a Saêani. 11 Reve tsu êyon tsu uwa a̱tsuma̱ a wantsun diga Taruwasa, reve tsu ka̱ra̱ tsu êya̱wa̱ e iÉa i memere ma̱ mini ma Samutara. Ana usana u tawai, a̱vu tsu da̱shi uwa a̱tsuma̱ a wantsun, reve tsu êya̱wa̱ a̱ lyuci va Niyapali. 12 Reve tsu koso rawa Filibi uba̱ta̱ u na ama a̱ Roma na̱ a̱bunda̱ a̱ da̱nuyi, waru a̱yi Éa a̱ba̱jini a̱ lyuci upasu wa Makidoniya. Tsu cuêwan ta̱ a̱ lyuciêi rana re. 13 Urana wa Ashibi, a̱vu tsu uta̱ lo zuzu nu una̱ntsu u lyuci, reve tsu êya̱wa̱ zuzu nu uÉolu a yuwusan majiyan uba̱ta̱ u na aza a Israêila aa yuwan avasa o ta̱ lo. Reve tsu yuwaan a̱ma̱ci a na a̱ ta̱wa̱i adanshi. 14 Ka ro da̱na̱ ta̱ lo za na a̱ tsu Ée Lidiya, za na tsu yuwusaan A̱sula̱ a̱ga̱nda̱ a uwwusa tsu. A̱yi kaêa umatsun wa Tayatira u Éa. U tsu winisa ta̱ amuna a na a̱ ri na̱ ma̱Éiya̱, aza a na a̱ ri ni ikebe lon. A̱sula̱ a̱ kpa̱tuêwa̱ ta̱ okolo a̱ yi e ili i na Bulu ri adansa. 15 A̱ rumbu yi ta̱ oÉolo na ama a na a̱ ri pe a̱tsuma̱ o uêwa wa̱ yi, reve u pati tsu tso oêwo omocin a̱ yi a̱vu u damma, “Ni i usu a̱mu vuma na cayi okolo uba̱ta̱ wa̱ A̱sula̱ a Éa, i ta̱wa̱ o uêwa u va̱ i cuêwan pa.” U kpara tsu ta̱ hali tsu usu. 16 Urana u ro a̱tsu a̱ êya̱wa̱ uba̱ta̱ wa avasa, reve tsu gaêan na aagbashi o usheli a na a̱ ri no otoni a̱ lima̱ a̱ yindi. Aza a na a̱ ri na̱ a̱yi gba a̱ ta̱ tsurusa̱ ikebe lon o ukere u yindi u na waa yuwusan. 17 Reve u tonishi tsu a̱ca̱pa̱ a yisaali, “Ama a nda agbashi o Mogono ma̱ A̱sula̱ ma Éa o to rocosu ure wi iwawi." 18 U jima ta̱ a yuwusan ne. Reve Bulu oêwo udamu, reve u vadala u damma otoni a̱ lima̱êa̱, “N ta dansaa wu, vu uta̱ a̱tsuma̱ a ala e Yesu Kristi Zamawawa, vu lyawa yi.” Babu usa̱n reve u lyawa yi. 19 Ana aza a na a̱ ri nu usheliêi e enei ili i na i farai, agba a̱a̱ tsurisa̱ ikebe waru shi, reve e reme Bulu na̱ Sila. A̱vu o rono le a̱ tyo e eden a̱ tyo a̱ ma̱ka̱ka̱n ma azagbain. 20 Ana a rawai, reve a damma, “Aza a Israêila a nda a ta damatosun ama a̱ tsu. 21 O to ritosu ili i na a̱tsu a̱za̱ a̱ Roma wu ntsayi tsu yuwan shi." 22 Reve oÉolo a ama o Éolushi aci adama a adanshi a na aa yuwusan adama a̱ Bulu na̱ Sila. Reve azagbaiêin a zuwa a fufaba le na aÉanga. 23 Reve a fufaba le waêashi, na̱ ne suru a̱vu a̱ êya̱wa̱to le o uêwa wa ali. Reve a damma za vi ipiri va amaêa u lyawa le a̱a̱ pusa̱ wan. 24 Reve u yuwan ununa a damma niyi. Reve u zuwa le pe pe a̱tsuma̱ na akani a ana e le a̱ a̱gba̱la̱ o ume. 25 Ana ayin a cigai maÉatsaa, reve Bulu na̱ Sila e reme avasa ni ishipa a̱ tyo e ekere a̱ A̱sula̱. Akapi a ama a na a̱ ri o uêwa wa aliêi a uwwusa le. 26 Babu usa̱n reve iÉa i ra̱mo nu ucira. Uêwa wa aliêi u jinga̱Éa̱ ta̱ diga pe e iÉa. Reve na̱ntsuêu a̱ kpa̱tuêwa̱, reve akani suru a̱ ba̱Éa̱ a ana a aza a na a̱ ri pe o uêwa wa aliêi suru. 27 Ana za vi ipiriêi u jiwain, reve we ene na̱ntsuêu ukpa̱tuêu, reve u jiyan gashi amaêa suru a suma ta̱. Reve u tara matsun me peêeni tsa̱ra̱ wu una aciya̱yi. 28 ÆaÉa Bulu saalaa niyi, “She vu yuwan ne wan! Suru ntsu tsu ta̱ pa!" 29 Reve vumaêa u damma a̱ ta̱wa̱a̱ yi na akata a akina reve wi ikana, ÉaÉa u uwai pe pe o uêwa wa aliêi. Na̱ mejeêen ma̱ lipu ÉaÉa u kingyoi a̱ ma̱ka̱ka̱n ma̱ Bulu na̱ Sila. 30 Ana wu uta̱a̱ nle a̱tsuma̱ o uêwa wa aliêi, reve we ece, “Nye i Éa maa yuwan tsa̱ra̱ a wawa mu?" 31 Reve a damma yi, “Vu usu Yesu Zagbain, vu ta̱ tsura̱ iwawi, a̱vu na̱ a̱za̱ o uêwa a̱ wu suru." 32 Reve Bulu na̱ Sila yuwaan vumaêa na ama a na a̱ ri pe a̱tsuma̱ o uêwa wa̱ yi adanshi adama e Yesu Zagbain. 33 Ayin ubuwu, reve u tara le a̱ êya̱wa̱ uba̱ta̱ u na a̱ za̱za̱êwa̱ antsu na̱ wufuru u na a̱ ri na̱ a̱yi. A̱vu Bulu na̱ Sila a̱ rumbu yi na ama a na a̱ ri o uêwa wa̱ yi. 34 Amaêa a yuwan ta̱ ma̱za̱nga̱ ma̱ a̱bunda̱ adama a na a cayi okolo e le e ekere a̱ A̱sula̱. Ana o kotoi ili i ndolo, vumaêa u tara ta̱ Bulu na̱ Sila a̱ êya̱wa̱ o uêwa wa̱ yi, reve u ca le ilyalya a lyuwa. 35 Ana usana u tawai, reve azagbain a̱ lyuci a̱ lyungu nlingata uba̱ta̱ wu za vi ipiriêi a damma yi, “Lyawa ama o ndolo a̱ ka̱ra̱ fa̱a̱n." 36 Reve za vi ipiriêi u damma Bulu, “A̱vu na̱ Sila i ta gura ka̱ra̱ gogo. Walai na̱ ma̱za̱nga̱!" 37 Reve Bulu na̱ Sila a damma nlingataêa, “A̱tsu a̱za̱ a̱ Roma Éa. A fufaba tsu ta̱ babu e ece tsu ili i ro, reve a̱ Éa̱ru tsu. Gogo a ciga tsu ta̱ tsu ka̱ra̱ usokowu? U ri n yuwan ne shi! Lyawa le a̱ ta̱wa̱ na aciyele a lyawa tsu!" 38 Ana nlingataêa n dammai azagbain a̱ lyuci a na Bulu na̱ Sila a̱za̱ a̱ Roma Éa, a uwwa ta̱ wovon. 39 Reve a̱ ta̱wa̱ o uêwa wa ali a̱vu a pati le ankuri. Reve o uta̱a̱ le a̱vu a pati le a lyawa lyuciêi. 40 Reve gba Bulu na̱ Sila a̱ ka̱ra̱ mejege a̱ êya̱wa̱ o uêwa wa Lidiya, uba̱ta̱ u na a cinai a̱za̱ e Itoni, reve a ca le adanshi. Reve a̱ ka̱ra̱.