2 Timoti 4

1 Vu reve na urana u ro Yesu Zamawawa te geêeto vaÉilima̱ suru na ri wuma, waru u te geêeto a̱kwa̱kwa̱ suru. Ili i nda i to oêwo a mantsa ma na u ta̱wa̱i adama u teme tsugono tsa̱ yi. Gogo, n ta̱ mishin a̱ ma̱ka̱ka̱n ma̱ A̱sula̱ na̱ a̱ ma̱ka̱ka̱n ma̱ Yesu Zamawawa, waru n ta dansaa wu 2 vu yuwan alajiya a adanshi a̱ A̱sula̱. Vu êyuwan ciga vu da̱na̱ a yuwusan ne ko na̱ mantsa, ko babu mantsa. Vu ciga vu êyuwan vu yuwaan a̱za̱ a̱ wu ulapulu nu uritosu u saêani. Uritosuêu u roco le unusu u le, waru u da̱shi ca le ugbamu wa asuvu. Vu yuwan ili i ndolo na ankuri. 3 Vu yuwan ne adama a na mantsa ma̱ ta̱ lo a̱ ta̱wa̱ a na ama oo polo atsuvu a uwwa uritosu u saêani shi. Ili i na a cigai adama a aciyele a Éa goon oo toni, waru a ta zami munlu n na maa damma le ili i na a cigai a uwwa. 4 Ama a nda a ta êyuwan amayun, waru o to toni uritosu wa alabari o ro. 5 Suru na̱ ne vu yuwan majiyan ma saêani a̱tsuma̱ e ili suru. She vu uwwa wovon u na voo sowo a̱tsuma̱lima̱ adama a Zagbain wan. Vu yuwan ulinga u na va̱a̱ ta̱wa̱a̱ na ama uba̱ta̱ wa̱ Kristi Zamawawa, ne Éa voo koto ulinga u na A̱sula̱ a ca nuwu. 6 A̱mu gba a̱ ta̱ tsusun wuma u va̱ tsa̱ kucci a̱ tyo e ekere a̱ A̱sula̱. Waru mantsa ma na ma̱a̱ kuwa̱ ma yuwan ta̱ zuzu. 7 N yuwan ta̱ mpolo n wuma ulobonu, n koto ta̱ ilaÉi, waru n guza̱ ta̱ amayun. 8 Gogo nda gba babu usa̱n n ta̱ tsura̱ uneêe wi iliyinkapa. Zagbain ta ca mu ookokoloâ  a̱ nden ma̱ a̱Éula̱. Adama a na Zagbain za vu ugeêetosu za va̱ a̱Éula̱ Éa, a̱yi Éa i zuwai waa ca mu ookokolo a̱ a̱ba̱jini o urana u na wa̱a̱ ka̱mba̱ a̱tsuma̱ o uvaÉi. Agba iliyinkapa i nda wa̱a̱ da̱na̱ adama a̱ va̱ goon shi, amma a̱ tyo a ama a na a zuwai esu o uka̱mbu u tsugbain tsa̱ yi. 9 Vu yuwan ankuri vu ta̱wa̱ gogo. 10 Dima ka̱ra̱ ta̱ u lyawa mu adama a na u cigai ili yu uvaÉi. Reve u ka̱ra̱ a̱ tyo Tasalonika. Waru Karaka ka̱ra̱ ta̱ a̱ tyo Galatiya, Titu gba shi ka̱ra̱ ta̱ a̱ tyo Dalamatiya. 11 Luka Éa ri pa oÉolo na̱ a̱mu goon. Nna̱ va̱a̱ ta̱wa̱ pa uba̱ta̱ u nda, vu ta̱wa̱ na̱ Marku oÉolo na̱ a̱vu adama u kamba mu. 12 N lyungu ta̱ Tikiku a̱ tyo Afisu. 13 Nna̱ va̱a̱ ta̱wa̱, vu cuwan vu ta̱wa̱a̱ mu nu utugu wu uta̱nu u na n lyawai ya Kabu a̱tsuma̱ a Taruwasa. Waru vu ta̱wa̱a̱ mu na atagada a̱ va̱, waru vi icina vu ta̱wa̱a̱ mu na̱ a̱vuêun a̱ ta̱ a̱ ta̱ a̱ va̱ wan. 14 Iskandari maruma ma Éa ma̱ da̱na̱i. Vuma nda yuwaan mu ta̱ iwuya lon, agba Zagbain te geêeto yi adama e ili i na u yuwain. 15 Vu yuwan ugbozu na̱ a̱yi, adama a na u yuwan ta̱ nla̱ngi ni ili i na tsu dammai suru. 16 Ko za da̱na̱ oÉolo na̱ a̱mu shi a mantsa mo ufaru ma na a̱ êya̱wa̱i na̱ a̱mu uba̱ta̱ wu za vu ugeêetosu. Ama suru a suma mu ta̱. N zuwa ta̱ okolo ee kecee le unusu u ndolo o una̱ u nda shi. 17 Agba Zagbain da̱na̱ ta̱ oÉolo na̱ a̱mu, reve u ca mu okolo ugbamu, adama n yuwan alajiya a Alabari a Saêani uba̱ta̱ u na Atakpaci oo poloo mu atsuvu. A̱vu Zagbain wawa mu a na n shi a̱ kuwa̱. 18 Ee, ne Éa Zagbain oo uta̱a̱ mu a̱tsuma̱ e iwuya suru, waru u ta̱ ta̱wa̱ na̱ a̱mu gbaga o tsugono tsa zuva tsa̱ yi. Lyawa tsugbain tsa̱ da̱na̱ e ekere a̱ A̱sula̱ babu ukotu. Ami. 19 Vu ca̱sa̱a̱ mu Birisika na̱ Akila na aza a na a̱ ri pe a̱tsuma̱ o uêwa wa Onisifara. 20 Arasata buwa ta̱ pe a̱tsuma̱ a̱ Korinti. Waru n lyawa ta̱ Tarafima a Milita ubanakun. 21 Vu jika̱, vu ta̱wa̱ uba̱ta̱ u va̱ kafu mantsa mo uta̱nu. Waru Awubulu te ica̱su ya̱ wu, ne Éa waru Budi na̱ Lina na̱ Kaludiya a̱ ri e ica̱su ya̱ wu, hali na̱ a̱za̱ a̱ tsu a̱za̱ e Itoni suru ali na̱ a̱ma̱ci. 22 N te ipati Zagbain da̱na̱ oÉolo na̱ wuma wa̱ wu. Waru isaêani yi Zagbain i da̱na̱ oÉolo na̱ a̱Éu suru.