2 Timoti 1

1 A̱mu Éa Bulu, aajiya e Yesu Kristi Zamawawa adama a na A̱sula̱ a ciga ta̱ wo oêwo ne. U yuwan ta̱ ne adama n damma koyan nzuwulai n na A̱sula̱ a yuwain a na waa ca za suru wuma e ekere e Yesu Zamawawa. 2 N ta Éanasaa wu Timoti, macigata ma mawun ma̱ va̱. A̱sula̱ Dada tsu Éa waru Yesu Zamawawa Zagbain tsu Éa. Icigi i va̱ i Éa o roco wu isaêani waru e ene iliyali ya̱ wu. Waru a lyawa wu vu tsura̱ asuvu nden. 3 Urana na ayin suru, n tsu cuwan ta̱ na̱ a̱vu kuci a̱tsuma̱ a avasa a̱ va̱. Nna̱ maa yuwusan avasa n tsu godyo ta̱ A̱sula̱ adama a̱ wu. A̱yi nda a̱yi Éa A̱sula̱ a na maa yuwusaan a̱ga̱nda̱ na asuvu a saêani, ununa nkaya n va̱ n yuwain. 4 N ta ciga me enishe wu waru babu uro, adama a na n cuwan ta̱ a na vu shoyin na aÉara a mantsa ma na tsu kasai. Na̱ tsu gaêasisan waru n ta̱ za̱nga̱na̱ lon. 5 N reve ta̱ vu ta̱ nu ucawu wo okolo lon cine mma va̱ wu Afiniki ri na̱ a̱yi na̱ cine kaka va̱ wu vu ka Loyisi ri fo na̱ a̱yi. 6 Adama o ndolo n ta dansaa wu vu fa̱la̱ uneêe u na A̱sula̱ a ca nuwu ana n kuruwa̱ nuwu ekere. 7 A̱sula̱ a ca tsu okolo o wovon shi, agba u ca tsu ta̱ okolo o ucira, ne e icigi, waru u tsu kambusa tsu ta̱ tsu guza̱ aciya̱tsu. 8 Vu damma ozo o ro adama a Zagbain tsu, waru she vu uwwa wovon wi ili i na ama aa damma wan, nna̱ vu yuwan ne. Waru she vu wasan mu a̱tsuma̱ a ama adama a na a̱ gutsu numu adama a̱ Kristi Zamawawa wan. Amma, nu ucira u na A̱sula̱ a ca nuwu vu sowo a̱tsuma̱lima̱ oÉolo na̱ a̱mu adama a Alabari a Saêani. 9 A̱sula̱ a wawa tsu ta̱, waru u Éangwa tsu ta̱ tsu yuwan nden n wuma wa akiza. Æe nu ujimu kafu a yuwan uvaÉi ÉaÉa u foÉo niyi ne. U ciga ta̱ u roco tsu icigi ni isaêani ya̱ yi e ekere e Yesu Zamawawa. U Éangula tsu o una̱ u na tsu yuwain ili i ro i na tsu ntsayi a Éangula tsu shi. 10 A̱sula̱ o uta̱a̱ ta̱ ili i na maa yuwusan adanshi a̱ yi a alanga e eteshe, ana Yesu Zamawawa ta̱wa̱ u kuÉai ucira wu ukwa̱, reve u roco tsu ure u wuma u na u ri nu ukotu shi. A̱yi Éa Za vi Iwawi waru Alabari a Saêani a ÉaÉa nda. 11 Gogo A̱sula̱ a Éangwa mu ta̱ n damma ili i nda. U Éangwa mu ta̱ mo oêwo aajiya. Reve waru u zuwa mu mo oêwo manlu ma Alabari a Saêani. 12 Adama o ndolo a Éa n ri pa o uêwa wa ali o sowuso a̱tsuma̱lima̱. Amma mu uwwa wono shi, adama a na n reve ta̱ vuma na n cayi okolo a̱ va̱, waru n reve ta̱ u te geshe ili i na n ca niyi, waru u te geshe le hali mantsa ma na u ka̱mba̱i. 13 Vu guza̱ ili i na n rito nuwu wo oêwo iroci yu uritosu u mejege. Waru vu cuwan vu zuwa okolo kpa̱ra̱ uba̱ta̱ wa̱ Yesu Zamawawa, a̱vu vu ciga ama adama a̱ yi. 14 Vu ka̱lyuwa̱ ili i na u ca nuwu ulobonu. Ruhu va Akiza to oÉolo na̱ a̱tsu, a̱yi Éa waru waa kamba wu vu yuwan ili i nda. 15 Ununa vu revei, ama a̱ tsu a̱tsuma̱ e iÉa ya Asiya a êyuwan ta̱ na aa kamba mu, hali na̱ Fijala na̱ Hamajana. 16 N ciga ta̱ Zagbain roco isaêani la̱nga̱ a̱ tyo ya Onisifara na̱ a̱za̱ o uêwa wa̱ yi suru adama a na u tsu ka̱lyuwusa̱ mu ta̱ nu u da̱shishi numu asuvu ugbamu. Ko na n da̱na̱i o uêwa wa ali u wasan mu shi. 17 Ana u ta̱wa̱i Roma,â  u bunga̱ ta̱ uba̱ta̱ suru hali she na we ene numu. 18 Adama o ndolo, n ciga ta̱ A̱sulazuva o roco yi isaêani la̱nga̱ o urana u na Kristi Zamawawa a̱a̱ ka̱mba̱. Waru vu reve ta̱ Onisifara kamba mu ta̱ lon ana n da̱na̱i a̱tsuma̱ a Afisu.