2 Korinti 4

1 A̱sula̱, ni isaêani ya̱ yi, u ca tsu ta̱ ulinga u nda tsu yuwan. A̱yi Éa i zuwai tsu kuna̱i shi. 2 Tsu ta êyuwusan mayan me ili i wono ni ili yu usokowu. Tsa̱a̱ lumusa̱ ama shi, waru tsaa vadalasa adanshi a̱ A̱sula̱ shi. Adanshi a amayun a Éa goon tsaa yuwusan a̱ ma̱ka̱ka̱n ma̱ A̱sula̱, adama ama o ro e reve a na tsu ri na̱ a̱Éula̱. 3 Na ama o ro a gura reve Alabari a Saêani a na tsaa yuwusan alajiya shi, u roco ta̱ a̱ puwa̱a̱n ta̱. 4 Male, a̱yi za wuya na a yuwusan tsugbain tsu uvaÉi tsa nda tsa Éa. Waru u rumba̱na̱to ta̱ okolo a aza a na a cayi okolo shi, adama o ndolo aa gura ene ekan a gbain a Alabari a Saêani a na e ikanasa uba̱ta̱ u le shi. Aa gura reve ikaka i na tsaa yuwusan alajiya adama a tsugbain tsa Zamawawa shi, za na rotsoi A̱sula̱ foyi. 5 A mantsa ma na tsaa garasa a yuwusan alajiya a Alabari a Saêani, tsaa yuwusan alajiya a aciya̱tsu shi, amma Yesu Éa Zagbain. Ili i na goon tsaa dansa adama a̱ tsu, a̱yi Éa a̱tsu agbashi a̱ Éu a Éa adama e ili i na Yesu yuwain adama a̱ tsu. 6 A̱sula̱ a Éa za na dammai, “Lyawa ekan e ikana a̱tsuma̱ e irumbu!” U zuwa tsu ta̱ tsu reve a na ekan a nda a̱yi Éa ekan a tsugbain tsa̱ A̱sula̱ a na urewesu wa̱ Yesu Zamawawa oo rocosu. 7 Tsu ta̱ nu uzuwa u nda uba̱ta̱ wa̱ A̱sula̱, agba tsu rotso ta̱ mpondo n na a maêai no oloêo a na a̱ ri nu uzuwaêa. A̱yi ndaêa u to rocosu a̱ba̱jini o ucira uba̱ta̱ wa̱ A̱sula̱ a Éa wu uta̱i, uba̱ta̱ u tsu u Éa shi. 8 A ta zuwusa tsu a̱tsuma̱lima̱ lon, agba a minjira tsu shi ko keêen. Ko a mantsa ma na tsu revei ili i na tsaa yuwan shi, tsu kuÉa̱ o ure shi. 9 O Éongi tsu ta̱ lon, agba A̱sula̱ a lyawa tsu shi. A mantsa mo ro a̱ tsu dimba̱ tsu ta̱ e iÉa, agba o kototo tsu shi ko keêen. 10 A mantsa ma na tsoo sowuso a̱tsuma̱lima̱ tsunda, urana biti lipu tsu to rocosu ununa Yesu sowoi a̱tsuma̱lima̱ ana u kuwa̱i, adama ama a gura ene wuma wa̱ Yesu a̱ lipu tsu. 11 Amayun, a ta gura una tsu a mantsa biti adama a na tsoo tono Yesu, adama ama ee ene wuma wa̱ Yesu a̱ lipu tsu na a̱a̱ kuwa̱. 12 Tsu usu ta̱ tsu yuwan mpolo nu ukwa̱, adama i tsura̱ wuma. 13 A Éana ta̱ a Adanshi a̱ A̱sula̱, “N yuwan ta̱ adanshi adama a na n cayi okolo.” Tsu ta̱ nu ucawu wo okolo cuêun ta̱, waru tsu ta yuwusan adanshi adama a na tsu cayi okolo. 14 A̱sula̱ a̱ êya̱sa̱n ta̱ Yesu Zagbain a̱tsuma̱ a̱ a̱kwa̱kwa̱, waru tsu reve ta̱ na A̱sula̱ a̱ ta̱ êya̱sa̱n tsu fo oÉolo na̱ Yesu. A̱sula̱ a ta tara tsu oÉolo na̱ a̱Éu, a̱vu tsi isawain a̱ ma̱ka̱ka̱n ma̱ yi. 15 Ili i nda suru adama a̱ Éu a Éa, ana ama a̱ a̱bunda̱ lon a̱a̱ ushi isaêani ya̱ A̱sula̱, a ta zuwa ugodyusho wa̱ a̱bunda̱ e yene reve A̱sula̱ a̱ tsura̱ tsugbain lon. 16 A̱yi Éa i zuwai tsu kuÉai okolo a̱ tsu shi. Ko na wo oêwoi lipu tsu vu vaÉilima̱ ri a̱ la̱nga̱sa̱, ruhu tsu ta̱ tsurusa̱ ucira u saêavu usana biti. 17 A̱tsuma̱lima̱ a na tsoo sowuso gogo nda waêa Éa, waru waa jima shi. Waru u ta kambusa tsu tsu tsura̱ tsugbain tsa na tsa laêai a̱tsuma̱lima̱ a̱ tsu lon, waru tsugbain tso ndolo tsa̱ ri nu ukotu shi. 18 Tsaa zuwusa esu a̱ tsu e ili i na tsee inda shi, agba e ili i na i ri usokowu. Ili i na tsee inda waa jima shi, amma ili i na tsee inda shi a̱yi Éa wa̱a̱ da̱na̱ babu ukotu.