1 Timoti 2

1 Ili yu ufaru, n ciga ta̱ n damma wu vu yuwaan za suru avasa. Nna̱ vaa yuwan ipati ya̱ wu, vu pati A̱sula̱ u roco le isaêani ya̱ yi, reve vu damma A̱sula̱ vu godyo ta̱. 2 Tsu yuwayin ngono na aza a na a̱ ri na̱ tsugbain suru avasa tsunda. Tsu yuwain ne adama tsu yuwain nden n saêani no okolo nden. Vu yuwan ne adama tsu yuwain cuêun vu nden n na A̱sula̱ a cigai, waru tsu ta yuwan nden n saêani na ama. 3 Mayan ma avasa tsunda u tu ulobonu, waru tsu to yoêonoto A̱sula̱ okolo nna̱ tsu yuwan ne. 4 A̱sula̱ a Éa za na tsu wawa tsu, waru u ciga ta̱ u wawa ama suru. Waru u ciga ta̱ ama suru e reve ili i na i ri amayun. 5 A̱sula̱ a̱ ta̱ a Éa. Waru vuma ta̱ ta̱ lo na tsu uwa e memere ma̱ A̱sula̱ na ama. Vuma ta̱ ndolo a̱yi Éa Zamawawa Yesu goon. 6 Yesu Zamawawa Éa goon za na tsulayi koyan Éa ufa̱lu, ana u cayi aciya̱yi reve o una yi. A̱sula̱ a ca ta̱ ikaka i nda a̱ tyo o uvaÉi a mantsa ma saêani ma na u Éangwai. 7 N damma Éu ta̱ mejege suru suru, ana n damma nÉu A̱sula̱ a Éangwa mu ta̱ mo oêwo aajiya na̱ za va alajiya. Ulinga u va̱ a̱yi Éa n rito Atakpaci ucawu wo okolo wa amayun. 8 A mantsa ma na i Éolotoi biti adama i yuwaan A̱sula̱ a̱ga̱nda̱ n ciga ta̱ ali a̱ êya̱sa̱n ekere e le zuva, nna a yuwusan avasa, waru n ciga ta̱ ekere o ndolo a̱ da̱na̱ cece. She a̱ tsura̱ upan ko mawasan a̱tsuma̱ a aza a na aa yuwusan avasa wan. 9 Waru n ciga ta̱ a̱ma̱ci o oto itana i na yi ntsayi a̱ma̱ci a amayun o oto. O oto itana ulobonu, waru o oto itana i na yaa varu ama wan. O tsu roco ta̱ ulobonu u le a̱tsuma̱ e ili i na aa yuwusan. MaÉava me le ma Éa mo tso roco ulobonu u le ko iliyatsuvu i zinariya i na oo oto Éa shi. Waru iyeÉi yi ikebe â  i le i Éa yoo rocosu ulobonu u le shi. A suma ili i ndolo suru. 11 A̱ma̱ci o polo atsuvu reve waru o rito ben na a yuwin tsutoni. 12 N lyawa a̱ma̱ci o rito ali shi, waru n lyawa le a̱ tsura̱ tsugbain a aci a ali shi. Amma a̱ma̱ci o polo atsuvu ulobonu. 13 Ili i na i ta̱wa̱i na̱ ne a̱yi Éa Ada̱mu Éa A̱sula̱ a fara yuwain, reve u kuru na̱ Hawa.â  14 Reve waru Mekerenkesu ma̱ pusa̱a̱n ka ugbozu, ÉaÉa unusu wee teme. Mekerenkesu ma̱ pusa̱a̱n Ada̱muâ  ugbozu shi. 15 Adama o ndolo, A̱sula̱ a ta wawa a̱ma̱ci ana aa matsasan muwun, agba waru a̱ da̱na̱ nu ucawu wo okolo. A êyuwan a ciga a yuwan icigi waru a yuwan wuma u na A̱sula̱ a cigai. A yuwan nden n wuma u mejege.