1 Bituru 5

1 Gogo gba, n ta yuwusan adanshi a̱ tyo a azagbainâ  a̱ a̱za̱ e Itoni. N ta patishi Éu ana zagbain fo. A̱mu me ene ta̱ a̱tsuma̱lima̱ a na Zamawawa sowoi. Waru n ta̱ tsura̱ n uwa a̱tsuma̱ a tsugbain nu ucira wa̱ yi a mantsa ma na u ka̱mba̱i. 2 I ka̱lyuwa̱ ama a na A̱sula̱ a zuwai e ekere a̱ Éu, ununa aza a aguÉa a̱ tsu ka̱lyuwusa̱ ikyon i le. I yuwan ne adama a na i cigai, agba she i yuwan adanshawuya wan. I yuwan ne adama a na yaa uwwusa uyoêo i yuwaan A̱sula̱ a̱ga̱nda̱. She i yuwan adama e ili yu uvaÉi i na ya̱a̱ tsura̱ wan. 3 She yo oêwoto aciya̱Éu ana zagbain, a zuwusa ama mayan me ili wan, amma yo oêwoto aciya̱Éu iroci yi ili i na i ri ulobonu. 4 Ne Éa, na̱ Mogono ma AguÉa ma̱a̱ ta̱wa̱, u ta ca Éu iliyinkapa adama a na i ta uwa oÉolo na̱ a̱yi a̱tsuma̱ a tsugbain nu ucira wa̱ yi u na u ri nu ukotu shi. 5 A̱Éu olobo, i kuru mbara. Reve suru nÉu, i kambulai gashi agbashi a̱ A̱sula̱ a na a tarai aciyele ili i ro shi, adama a na, “A̱sula̱ a̱ ta̱ a̱ nla̱ngi na̱ za na tarai aciya̱yi ili i ro, agba u tsu ca ta̱ ama a na a tarai aciyele ili i ro shi isaêani ya̱ yi." 6 Adama o ndolo, i ka̱mbuwa̱ aciya̱Éu za̱la̱ e ekere o ucira wa̱ A̱sula̱, reve na̱ mantsa ma na ma ntsayi ma̱ ta̱wa̱, a̱yi na aciya̱yi u ta̱ êya̱sa̱n Éu zuva. 7 I lyawaa A̱sula̱ ili i na yaa damatosun Éu suru, adama a na u ta adama a̱ Éu. 8 I da̱na̱ nu ugbozu kuci, waru i da̱na̱ ufoÉu. Mekerenkesu,â  maêyuwatan ma̱ Éu ma Éa, waru u te igaru a yisaali ana kamu a zama za na wee reme a̱vu u tama. 9 I da̱na̱ nu ucira a̱tsuma̱ e ili i na yoo tono, ne Éa yaa êyuwan yi nu ucira wa̱ A̱sula̱. I cuwan a̱za̱ e Itoni yi Zagbain uba̱ta̱ suru a̱tsuma̱ o uvaÉi a ta uwwusa cuêun va̱ a̱tsuma̱lima̱êa̱. 10 Ni i sowo a̱tsuma̱lima̱ mantsa waêa, A̱sula̱ na aciya̱yi u ta lapula ili, reve u gbamato Éu asuvu, a̱vu u shuwa̱ Éu yi isawan nu ucira. U ta yuwan ne adama a na a̱yi za vi isaêani i Éa kuci. U zuwa Éu ta̱ fo i tsura̱ tsugbain tsa̱ yi babu ukotu adama a na u Éolo nÉu na̱ Zamawawa. 11 A̱yi Éa za tsugbain nu ucira u babu ukotu. Ami. 12 N tara ta̱ Sila ana mawun ma̱ a̱na̱wu, waru a̱yi Éa za na maa ca asuvu. A̱yi Éa u kamba numu Éana mokoÉi me mepepelime ma nda. N Éana ta̱ adama m gbamato Éu asuvu, reve waru n damma Éu isaêani i na A̱sula̱ a̱ ri na amayun, adama i lyuwa elime nu ucawu wo okolo a̱ Éu ya̱êa̱ yi. 13 A̱za̱ e Itoni a na a̱ ri Babila â  a̱ ta̱ ca̱sa̱sa̱ Éu. A̱sula̱ a Éangwa le ta̱ fo cine u Éangwa nÉu. Mawun ma̱ va̱ Marku ta̱ ca̱sa̱sa̱ Éu. 14 I ca̱sa̱la̱i ulobonu a̱tsuma̱ e icigi ya̱ a̱za̱ e Itoni. N ta avasa A̱sula̱ a ca za vi Itoni va̱ Yesu Zamawawa suru asuvu nden.